2002 թվականին խաղացել է Առաջին լիգայի «Նորք Մարաշ» ակումբում, որում հանդես է եկել երկու լիարժեք մրցաշրջան։ 2004 թվականի մրցաշրջանի առաջին կեսն անցկացրել է «Նորք Մարաշում», հետո տեղափոխվել է Աշտարակի «Միկա» ֆուտբոլային ակումբ։ Սկզբում խաղացել է երկրորդ թիմում։ Իրեն ցուցադրելով լավագույն կողմից՝ շուտով ընդգրկվել է հիմնական թիմում։ Ակումբի հետ պայմանագիր է կնքել 2008 թվականի մարտի 1-ին, 3 տարի ժամկետով։ Թիմում խաղացել է պաշտպանի կարգավիճակով 13 համարի ներքո։ «Միկայի» կազմում իր նորամուտը կատարել է 2004 թվականի հուլիսի 1-ին՝ Հայաստանի գավաթի խաղարկության շրջանակներում մասնակցելով «Երևան Յունայթեդ» ակումբի դեմ տնային խաղին, որում աշտարակցիները, որ իրենց խաղերն անցկացնում էին Երևանում, հաղթել են 3:1 հաշվով[3]։