Գրիգորի Օկոև

Գրիգորի Օկոև
Ծնվել է	նոյեմբերի 13, 1929
Ծննդավայր	Երևան
Մահացել է	դեկտեմբերի 24, 2000 (71 տարեկան)
Մահվան վայր	Երևան, Հայաստան
Քաղաքացիություն	ԽՍՀՄ և Հայաստան
Ազգություն	հայ
Կրթություն	Երևանի Մխիթար Հերացու անվան Պետական Բժշկական Համալսարան
Մասնագիտություն	մանկաբարձ-գինեկոլոգ
Ամուսին	Մերի Աբովյան
Զավակներ	Գեորգի Օկոև և Սերգեյ Օկոև

Գրիգորի Գեորգիի Օկոև (նոյեմբերի 13, 1929(1929-11-13), Բարանա, Հայաստան - դեկտեմբերի 24, 2000(2000-12-24), Երևան, Հայաստան), հայ բժիշկ։

Բժիշկ-էնդոկրինոլոգ Մերի Աբովյանի ամուսինն է, բժիշկներ Գեորգի և Սերգեյ Օկոևների հայրը։

Կենսագրություն[խմբագրել | խմբագրել կոդը]

Գրիգորի Գեորգիի Օկոևը ծնվել է 1929 թվականի նոյեմբերի 13-ին Երևանում՝ բժիշկների ընտանիքում։ 1948 թվականին ավարտել է Ձերժինսկու անվան դպրոցը, 1954 թվականին՝ Երևանի պետական բժշկական ինստիտուտի բուժական ֆակուլտետը՝ ստանալով մանկաբարձ-գինեկոլոգի մասնագիտություն։ 1955 թվականից եղել է Կողբի հիվանդանոցի գլխավոր բժիշկը և միաժամանակ կատարել է Նոյեմբերյանի շրջանի մանկաբարձ-գինեկոլոգի պարտականությունները։ 1957 թվականին տեղափոխվել է Երևան և ընդունվել Մանկաբարձության և գինեկոլոգիայի գիտահետազոտական ինստիտուտ որպես կրտսեր գիտական աշխատող։ 1959 թվականից աշխատել է Հայաստանի Առողջապահության նախարարության երեխաների և մայրերի բժշկա-կանխարգելիչ օգնության վարչության պետի տեղակալի պաշտոնում՝ համատեղելով գիտական աշխատանքը Մանկաբարձության և գինեկոլոգիայի գիտահետազոտական ինստիտուտում։ 1965-1973 թվականներին եղել է Հայաստանի Առողջապահության նախարարության երեխաների և մայրերի բժշկա-կանխարգելիչ օգնության վարչության պետ, միաժամանակ աշխատելով Մանկաբարձության և գինեկոլոգիայի գիտահետազոտական ինստիտուտում՝ որպես էլեկտրոֆիզիոլոգիայի լաբորատորիայի վարիչ։ 1969 թվականին պաշտպանել է թեկնածուական ատենախոսությունը, 1971 թվականին ստացել է ավագ գիտաշխատող գիտական կոչում՝ «Մանկաբարձություն և գինեկոլոգիա» մասնագիտությամբ։ 1973-1989 թվականներին եղել է Մանկաբարձության և գինեկոլոգիայի գիտահետազոտական ինստիտուտի տնօրեն, ղեկավարել է ծննդօգնության խորհուրդը, 1992-1993 թվականներին՝ ՀՀ Առողջապահության նախարարության «Առողջապահության ազգային ինստիտուտի» գործադիր տնօրեն։ Հանդիսացել է Մանկաբարձ-գինեկոլոգների Համամիութենական միության նախագահության խորհրդի անդամ։ Բազմիցս մասնակցել է մանկաբարձ-գինեկոլոգների Համաշխարհային և Համաեվրոպական կոնգրեսների^[1]^[2]։

Պարգևներ[խմբագրել | խմբագրել կոդը]

«Աշխատանքային կարմիր դրոշի» շքանշան
«Ժողովուրդների բարեկամության» շքանշան
«Առողջապահության գերազանցիկ» պատվո նշան
«Անձնվեր աշխատանքի համար» հոբելյանական մեդալ
Հայաստանի Հանրապետության վաստակավոր բժիշկ

Ծանոթագրություններ[խմբագրել | խմբագրել կոդը]

↑ «Այսօր կլրանար Գրիգորի Օկոևի 85-ամյակը». Արխիվացված է օրիգինալից 2015 թ․ փետրվարի 19-ին. Վերցված է 2014 թ․ դեկտեմբերի 1-ին.
↑ Հավերժացող հիշատակ. Գրիգորի Օկոև

[1] «Այսօր կլրանար Գրիգորի Օկոևի 85-ամյակը». Արխիվացված է օրիգինալից 2015 թ․ փետրվարի 19-ին. Վերցված է 2014 թ․ դեկտեմբերի 1-ին.

[2] Հավերժացող հիշատակ. Գրիգորի Օկոև

[1]

[2]