Գուրգեն Շահնազարյան

Վիքիպեդիայում կան հոդվածներ Շահնազարյան ազգանունով այլ մարդկանց մասին։

Գուրգեն Անուշավանի Շահնազարյան
մայիսի 9, 1945(1945-05-09) - հունիսի 29, 1992(1992-06-29) (47 տարեկան)
Ծննդավայր	Կիրովական, Կիրովականի շրջան, Հայկական ԽՍՀ, ԽՍՀՄ
Մահվան վայր	Խոչանց, Քաշաթաղի շրջան, Արցախ
Քաղաքացիություն	ԽՍՀՄ, Հայաստան
Մարտեր/ պատերազմներ	Արցախյան ազատամարտ

Գուրգեն Անուշավանի Շահնազարյան (մայիսի 9, 1945, Կիրովական, Կիրովականի շրջան, Հայկական ԽՍՀ, ԽՍՀՄ - հունիսի 29, 1992, Խոչանց, Քաշաթաղի շրջան, Արցախ), հայ ազատամարտիկ, Արցախյան պատերազմի մասնակից։

Կենսագրություն

Ծնվել է 1945 թ. մայիսի 9-ին Կիրովական քաղաքում։ 1952-1962 թթ. սովորել է Կիրովականի № 10 դպրոցը։ 1962-1964 թթ աշխատել է Կիրովականի քիմիական կոմբինատում, որպես ֆրեզագործ։ 1964-1967 թթ. ծառայել է Խորհրդային բանակում, իսկ զորացրվելուց հետո շարունակել աշխատանքը քիմմանրաթելի կոմբինատում։ 1988 թ. դեկտեմբերի 7-ից ակտիվորեն մասնակցել է աղետալի երկրաշարժի վերացման և վերականգնողական աշխատանքներին։ Ապա աշխատանքի անցել «Ուկրշին» շինարարական կազմակերպությունում, որպես հյուսն։ Ազգային զարթոնքի օրերին մասնակցում է ազգային ազատագրական պայքարին։ 1990 թ.-ից անդամագրվում է «Նժդեհ» ԱԻՄ կամավորական աշխարհազորային ջոկատին և մասնակցում է ՀՀ և Արցախի պաշտպանության համար մղվող մարտական գործողություններին։ Զոհվել է 1992 թ. հուլիսի 29-ին Ղոչազ գյուղի մատույցներում անհավասար մարտում։ Մարտը վերցնելով իր վրա փրկում է շուրջ 40 հոգու, այնուհետև ինքը հայտնվելով շրջափական մեջ վիրավոր վիճակում իրեն պայթեցնում է նռնակով սպանելով նաև 7 ադրբեջանցու։

Գուրգեն Անուշավանի Շահնազարյանը ամուսնացած էր, ուներ մեկ որդի, ում հետ անցել է մարտական ուղի և թոռնիկներ։