Գոշ լիճ
Անվան այլ կիրառումների համար տե՛ս՝ Գոշ (այլ կիրառումներ)
 | ||
 | ||
| Կոորդինատներ | 40°43′12.2″N 45°0′57.7″E / 40.720056°N 45.016028°E | |
| Երկիր |  Հայաստան | |
| Վարչատարածքային բաժանում | Տավուշի մարզ | |
| Երկարություն | 0,1 կմ | |
| Լայնություն | 0,08 կմ | |
| Ավազանի մակերեսը | 0,03 կմ² | |
| Ամենամեծ խորությունը | 8 մ | |
| Միջին խորությունը | 2-3 մ | |
| Միջին բարձրությունը | 1450 մ | |
  | ||
 Վիքիպահեստում | ||
Գոշ, լեռնային անտառապատ լիճ Հայաստանի Տավուշի մարզում՝ Գոշ գյուղից 2.2 կմ հարավ-արևմուտք[1]։
Աշխարհագրություն
[խմբագրել | խմբագրել կոդը]Առաջացել է սողանքապատվարային գործընթացների հետևանքով։ Լճի մակերևույթի հայելին 0,008 կմ² էր երկարությունը՝ 100 մ, լայնությունը՝ 80 մ։ Առավելագույն խորությունը 8 մ էր, ջրի ծավալը՝ 1500 մ3։ Տվյալները փոփոխության են ենթարկվել մաքրման նպատակով լճի մակարդակի իջեցումից հետո[2][3][4] և դեռ նոր հաշվարկներ չեն կատարվել։ Սնվում է աղբյուրների և մթնոլորտային տեղումների ջրերով։ Ամռանը ջրի ջերմաստիճանը մակերևույթին հասնում է ընդամենը 14 °C։
Լճի ոչնչացում
[խմբագրել | խմբագրել կոդը]Ըստ Hetq.am լրատվական գործակալության կողմից ներկայացված փաստերի, 2017 թվականի ապրիլի սկզբին «Վենդոռ» ընկերությունը Դիլիջան ազգային պարկի տարածք ծանր տեխնիկա է մտցրել և սկսել լիճը ու հարակից տարածքը փորել, ինչպես նաև այնտեղ տանող գրունտային ճանապարհը լայնեցնել ու հարթեցնել՝ կտրելով ու վնասելով բազմաթիվ ծառեր։ Այդ աշխատանքների հետևանքով մի քանի մետրով կրճատվել է լճի հայելային մակերեսը, ջրային պաշարները աղտոտվել են, սկսվել է լճի ճահճացման գործընթաց, ափի ամբողջ երկայնքում կուտակվել է շուրջ 2 մետր բարձրությամբ տիղմային կուտակումներ, գրեթե ամբողջությամբ ոչնչացվել է լճում բնակվող խեցգետնի պոպուլացիան[3][4][4]։ Բնապահպանության նախարարությունը այս կապակցությամբ պաշտոնական պարզաբանում է տվել, որ «Վենդոռ» ընկերության հետ կնքվել է կառուցապատման իրավունքով հանգստի գոտի կազմակերպելու և սպասարկման ծառայություններ մատուցելու պայմանագիր, որի համաձայն «Վենդոռ» ընկերությունը պարտավոր է բարեկարգել տարածքը, մաքրել աղբից և չոր ճյուղերից, չխախտել լճի էկոհամակարգը և էնդեմիկ կարգավիճակը[5]։
Լճի ներկա վիճակ
[խմբագրել | խմբագրել կոդը]Գոշն արդեն մաքրվել ու վերակենդանացել է. լճում գորտերի, խեցգետնի ու մանր ձկների մեծ քանակություն կա։ Այս տարածքում կարելի է հանդիպել անձեռակերտ տարատեսակ հուշարձանների՝ ժայռային տարատեսակ գոյացություններ, հանքային աղբյուրներ և այլն[6]։
Պատկերասրահ
[խմբագրել | խմբագրել կոդը]Լճի տեսքը 2015 թվականին
[խմբագրել | խմբագրել կոդը]
Լճի տեսքը 2017 թվականի ապրիլին
[խմբագրել | խմբագրել կոդը].jpg)
.jpg)
.jpg)
Ծանոթագրություններ
[խմբագրել | խմբագրել կոդը]- ↑ «Քարտեզ 2. «Դիլիջան» ազգային պարկ. Ջրագրություն». mnp.am. Արխիվացված օրիգինալից 2013 թ․ հունվարի 10-ին. Վերցված է 2016 թ․ մայիսի 19-ին.
- ↑ Հայկական բնապահպանական ճակատի նկարահանումները. «Ինչ է կատարվում Գոշ լճի տարածքում»
- 1 2 Զարմանալի էկոտուրիզմ․ Գոշ լիճը փորում են։
- 1 2 3 Պարզաբանում՝ Գոշ լճի հարակից տարածքում իրականացվող մաքրման աշխատանքների վերաբերյալ։
- ↑ Գոշ լճի տարածքում իրականացվող աշխատանքները սահմանված են պայմանագրով. Բնապնախի պարզաբանումը
- ↑ Գոշ լճի բնականոն վիճակը վերականգնված է
 |
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Գոշ լիճ կատեգորիայում։ |
Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։  |