Գլուխկոնծի-Բզեզ
_(14566843417).jpg)
| Մասնագիտություն | պրոֆեսոր  | |
|---|---|---|
| Ստեղծել է | Լայման Ֆրենք Բաում | |
| Ներկայացված է ստեղծագործության մեջ | Օզի սքանչելի երկիրը | |
| From narrative universe | Oz universe | |
Գլուխկոնծի-Բզեզ (անգլ.՝ Woggle-Bug), ամերիկացի գրող Լայման Ֆրենք Բաումի Օզի առասպելական երկրի մասին գրքերի շարքի հերոս[1]։ Առաջին անգամ հայտնվում է «Օզի սքանչելի երկիրը» (1904) գրքում՝ H. M. Woggle-Bug, T.E. («Չափազանց մեծացած և բազմակողմանի զարգացած»)։
Նկարազարդումներում նրան հաճախ պատկերում են վառ գույների հագուստով, մի քանի զույգ ակնոցներով՝ իր երկարած կնճիթի վրա։
Պատմություն
[խմբագրել | խմբագրել կոդը]Համաձայն «Օզի սքանչելի երկիրը» գրքի՝ բզեզը սկզբում սովորական փոքր միջատ էր՝ մոտավորապես սիսեռի չափով, և ապրում էր սովորական միջատի կյանքով, մինչև սողաց դպրոցի շենք (ենթադրաբար ինչ-որ տեղ՝ Օզի Վինկի երկրում), որտեղ նա երեք տարի լսում էր պրոֆեսոր Բազմագիտակի դասախոսությունները։ Մի օր պրոֆեսորը բռնեց մի բզեզ և որոշեց այն օգտագործել որպես դիդակտիկ պարագա դասարանում։ Պրոֆեսոր Բազմագիտակը բզեզը դրեց մանրադիտակի տակ և էկրանի վրա ցուցադրեց նրա պատկերը մեծապես ընդլայնված տեսքով։ Մեծացած Բզեզի տեսարանը այնքան ապշեցրեց դպրոցականներին, որ պատուհանագոգին կանգնած մի անանուն փոքրիկ աղջիկ ընկավ պատուհանից։ Մինչ բոլորը շտապում էին դուրս՝ աղջկան օգնելու, մեծացած Գլուխկոնծի-Բզեզը ցատկեց և փախավ՝ այդ ժամանակից ի վեր մնալով մեծացած չափերով։ Ավելի ուշ փրկեց դերձակի կյանքը, որը, ի երախտագիտություն, բզեզին նվիրեց շքեղ կոստյում[2], որը բզեզը հաճույքով կրում էր։
Այնուհետև, բզեզը կարիերա արեց արքայադուստր Օզմայի արքունիքում՝ հիմնելով և գլխավորելով Արվեստի և մարզական գերազանցության թագավորական քոլեջը, որը նաև հայտնի է որպես մարզական արվեստի թագավորական քոլեջ կամ մարզական գիտությունների թագավորական քոլեջ, որը գտնվում է Արևմտյան մասում՝ Զմրուխտ քաղաքի մոտ։ Նա նաև հայտնագործեց ուսումնական հաբերը, որոնք ուսանողներին տալիս են գիտելիքներ՝ առանց դասախոսությունների հաճախելու՝ ազատ ժամանակ թողնելով մարզվելու համար[3]։
«Դորոթի և Օզի կախարդը» ֆիլմում Արքայադուստր Օզմայի դատարանում շրջվող բզեզը հանդես է գալիս որպես դատախազ։
«Ճանապարհորդություն դեպի Օզ» գրքում Արքայադուստր Օզմայի ծննդյան տոնակատարության հյուրերի թվում է Գլուխկոնծի-Բզեզը[5]։
Գրականություն
[խմբագրել | խմբագրել կոդը]- Л.Ф.Баум Страна Оз. — М.: ТЕРРА, 1992. — 480 с. — ISBN 5-85255-110-4
Ծանոթագրություններ
[խմբագրել | խմբագրել կոդը]- ↑ Jack Snow, Who’s Who in Oz, Chicago, Reilly & Lee, 1954; New York, Peter Bedrick Books, 1988; pp. 239-40.
- ↑ Баум, 1992, էջ 98
- ↑ Баум, 1992, էջ 460