Գլեբ Ալեյնիկով

Գլեբ Ալեյնիկով;
Ծնվել է	մարտի 12, 1966 (58 տարեկան)
Ծննդավայր	Գրոզնի, ՌԽՖՍՀ, ԽՍՀՄ
Քաղաքացիություն	ԽՍՀՄ և Ռուսաստան
Մասնագիտություն	կինոռեժիսոր
	Gleb Aleynikov Վիքիպահեստում

Գլեբ Ալեյնիկով (ռուս.՝ Глеб Олегович Алейников, մարտի 12, 1966(1966-03-12), Գրոզնի, ՌԽՖՍՀ, ԽՍՀՄ), ռուս կինոռեժիսոր, սցենարի հեղինակ, պրոդյուսեր և մեդիա մենեջեր։ Ռուսական հեռուսատեսության ակադեմիայի անդամ, «զուգահեռ կինոյի» հիմնադիրներից մեկը՝ Իգոր Ալեյնիկովի և Բորիս Յուխանանովի հետ միասին^[1]^[2]։

Կենսագրություն[խմբագրել | խմբագրել կոդը]

Ծնվել է 1966 թվականի մարտի 12-ին, Գրոզնիում։

1988 թվականին ավարտել է Մոսկվայի ճարտարագիտաշինարարական ինստիտուտըի քաղաքացիական շինարարության ֆակուլտետը։

1980-ական թվականներին, եղբոր՝ Իգոր Ալեյնիկովի հետ միասին, մասնակցել է «մոսկովյան կոնցեպտուալիզմի» դպրոցին պատկանող գեղարվեստական «ընդհատակի» կյանքին^[3]։

1987 թվականից եղբոր հետ միասին սկսել է ֆիլմեր նկարել։ Ալեյնիկով եղբայրները պատմության մեջ են մտել որպես փորձարարական ընդհատակյա ֆիլմերի հեղինակներ, որոնք նկարահանվել են ութ և տասնվեց միլիմետրանոց ժապավենների վրա։ Այդ ժամանակաշրջանի առավել հայտնի ֆիլմերից՝ «Տրակտորներ», «Ես սառն եմ, հետո՞ ինչ», «Տղամարդկանց դաժան հիվանդությունը», «Հետքաղաքական կինոնկար», «Չերգիդի սարսափելի գաղտնիքը» և այլն։

1989 թվականին Գլեբ Ալեյնիկովը սկսել է աշխատել «Մոսֆիլմ»-ում։ Մոսֆիլմում նկարահանված հայտնի ֆիլմերից են «Ինչ-որ մեկը եղել է այստեղ», «Տրակտոր-2» ֆիլմերը։

1994 թվականին Գլեբ Ալեյնինովը Բորիս Յուխանանովի հետ միասին ստեղծել է անկախ կինոյի «Սինե Ֆանտոմ» ակումբը^[4]։ Ակումբի շրջանակներում հրատարակվում է թերթ և գործում է կինոստուդիա։

2002 թվականին դարձել է ՍՏՍ հեռուստաընկերության շուկայավարման բաժնի տնօրեն։

2004 թվականին դարձել է ՍՏՍ-ի արտադրության գլխավոր տնօրենի տեղակալ։

2008-2010 թվականներին եղել է «Ռոսիա 1» հեռուստաալիքի շուկայավարման և զարգացման բաժնի տնօրեն։

2010-2012 թվականներին եղել է Муз-ТВ հեռուստաալիքի գլխավոր պրոդյուսերը^[5]^[6]^[7]։

«Սին Ֆոնտոմ» թերթի և ակումբի անփոխարինելի ղեկավարն է։

Ֆիլմագրություն[խմբագրել | խմբագրել կոդը]

Ռեժիսոր[խմբագրել | խմբագրել կոդը]

1986 թվական՝ Մ. Ե. (Ի. Ալեյնիկովի հետ միասին)
1987 թվական՝ Տղամարդկանց ծանր հիվանդություն (Ի. Ալեյնիկովի հետ միասին)
1987 թվական՝ Հեղափոխական ուրվագիծ (Ի. Ալեյնիկովի, Գ. Օստրեցովի, Ե. Կոդրատևի հետ միասին)
1987 թվական՝ Ես սառն եմ, հետո՞ ինչ (Ի. Ալեյնիկովի հետ միասին)
1987 թվական՝ Տրակտոր (Ի. Ալեյնիկովի հետ միասին)
1988 թվական՝ Բորիս և Գլեբ (Ի. Ալեյնիկովի հետ միասին)
1988 թվական՝ Ֆիլմի վերջը (Ի. Ալեյնիկովի հետ միասին)
1988 թվական՝ Մեքենագիր (Ի. Ալեյնիկովի հետ միասին)
1988 թվական՝ Հետքաղաքական կինո (Ի. Ալեյնիկովի հետ միասին)
1988 թվական՝ Դասավորություն` վերադասավորություն (Ի. Ալեյնիկովի հետ միասին)
1988 թվական՝ «Չերգիդի» սարսափելի գաղտնիքը (Ի. Ալեյնիկովի հետ միասին)
1989 թվական՝ Այստեղ ինչ-որ մեկը եղել է (Ի. Ալեյնիկովի հետ միասին)
1990 թվական՝ Այս աշխարհի ակվարիումային ձկները (Ի. Ալեյնիկովի հետ միասին)
1990 թվական՝ Սպասելով դե Բիլին (Ի. Ալեյնիկովի հետ միասին)
1992 թվական՝ Տրակտորիստները 2 (Ի. Ալեյնիկովի հետ միասին)
1994 թվական՝ Նիկոլայ Բերյոզկինի սիրո պատմությունը (Ի. Ալեյնիկովի հետ միասին)
1997 թվական՝ Ամերիգա (Ի. Ալեյնիկովի հետ միասին)