Գեորգի Գախարիա

	Գեորգի Գախարիա
Կուսակցություն՝	Վրացական երազանք և Վրաստանի համար
Կրթություն՝	Թբիլիսիի պետական համալսարան
Մասնագիտություն՝	քաղաքական գործիչ
Ծննդյան օր	մարտի 19, 1975 (50 տարեկան)
Ծննդավայր	Թբիլիսի, Վրացական ԽՍՀ, ԽՍՀՄ
Քաղաքացիություն	Վրաստան
Ինքնագիր
Giorgi Gakharia

Գեորգի Զաուրի Գախարիա (վրաց.՝ გიორგი ზაურის ძე გახარია, մարտի 19, 1975(1975-03-19), Թբիլիսի, Վրացական ԽՍՀ, ԽՍՀՄ), վրացի քաղաքական գործիչ, 2019 թվականի սեպտեմբերի 9-ից Վրաստանի կառավարության ղեկավար^[1]^[2]^[3]։ Վրաստանի ներքին գործերի նախարարը և փոխվարչապետն էր 2017 թվականի նոյեմբերի 13-ից։ 2016-2017 թվականներին եղել է Վրաստանի էկոնոմիկայի և կայուն զարգացման նախարարը։

Կենսագրություն

Կրթություն

Գեորգի Գախարիան ավարտել է Թբիլիսիի պետական համալսարանի պատմության ֆակուլտետը։ 1994-2000 թվականներին սովորել է Մոսկվայի Լոմոնոսովի անվան պետական համալսարանի քաղաքագիտության ֆակուլտետում՝ ստանալով քաղաքական գիտությունների մագիստրոսի գիտական աստիճան։2002-2004 թվականներին սովորել է Մոսկվայի Լոմոնոսովի անվան պետական համալսարանի բարձրագույն բիզնես դպրոցը։

Աշխատանքը Վրաստանի կառավարության կազմում

Մասնավոր բիզնեսում աշխատելուց հետո (SFK Group-ում՝ որպես գլխավոր տնօրեն, Lufthansa Service Holding AG.-ում՝ որպես Արևելյան Եվրոպայի, ԱՊՀ և Ռուսաստանի երկրների գծով բիզնեսի զարգացման տնօրեն)՝ 2013 թվականի մարտին, նշանակվել է Վրաստանի բիզնես-օմբուդսմեն։ 2014 թվականի դեկտեմբերից աշխատանքը համատեղել է Վրաստանի կառավարության էկոնոմիկայի խորհրդի քարտուղարի աշխատանքի հետ։ Գեորգի Կվիրիկաշվիլին, 2016 թվականի նոյեմբերին դառնալով վարչապետ, Գեորգի Գախարիային նշանակել է իրեն փոխարինող՝ էկոնոմիկայի նախարարի պաշտոնում։ 2017 թվականի նոյեմբերի 13-ին նշանակվել է Վրաստանի ներքին գործերի նախարարի պաշտոնում։ Զբաղեցրել է Վրաստանի փոխվարչապետի պաշտոնը։ 2019 թվականի սեպտեմբերի 3-ին առաջադրվել է Վրաստանի վարչապետի պաշտոնում^[4]^[5]^[6]։ 2019 թվականի սեպտեմբերի 8-ին ընտրվել է վարչապետ՝ ստանձնելով երկրի կառավարության ղեկավարի լիազորությունները^[7]։

Ծանոթագրություններ

Արտաքին հղումներ

Վրաստանի ներքին գործերի նախարարություն Արխիվացված 2022-04-01 Wayback Machine
Գեորգի Գախարիա Արխիվացված 2020-09-20 Wayback Machine Վրաստանի խորհրդարանի պաշտոնական վեբկայք

[1] «Զուրաբիշվիլին հրամանագիր է ստորագրել Գեորգի Գախարիային Վրաստանի վարչապետի պաշտոնում նշանակելու մասին». Արխիվացված է օրիգինալից 2022 թ․ փետրվարի 11-ին. Վերցված է 2019 թ․ սեպտեմբերի 9-ին.

[2] ԳԵՈՐԳԻ ԳԱԽԱՐԻԱՆ ԸՆՏՐՎԵՑ ՎՐԱՍՏԱՆԻ ՎԱՐՉԱՊԵՏ

[3] Ուժային վարչապետը՝ խորհրդարանում, ոչխարները՝ դրսում

[4] Кандидатом на пост премьера Грузии стал глава МВД Гахария — Новости — Мир — Коммерсантъ

[5] Վրաստանի վարչապետի պաշտոնում առաջադրվել է ՆԳՆ ղեկավար Գեորգի Գախարիան

[6] Վրաստանի վարչապետի պաշտոնում առաջադրվել է ներքին գործերի նախարար Գեորգի Գախարիան

[7] Գեորգի Գախարիան ընտրվեց Վրաստանի նոր վարչապետ, հաստատվեց կառավարության կազմը

[1]

[2]

[3]

[4]

[5]

[6]

[7]