Գեորգենի փոփոխական

Գեորգենի փոփոխական
Գեորգենի փոփոխական
Դասակարգում
Թագավորություն	Բույսեր (Plantae)
Կարգ	Աստղածաղկավորներ (Asterales)
Ընտանիք	Աստղածաղկազգիներ (Asteraceae)
Վերնատրիբա	Helianthodae
Տրիբա	Coreopsideae
Ենթատրիբա	Coreopsidinae
Ցեղ	Գեորգենի (Dahlia)
Տեսակ	Գեորգենի փոփոխական (D. pinnata)
Միջազգային անվանում
Dahlia pinnata Cav., 1791

Գեորգենի փոփոխական, աստղածաղկազգիների ընտանիքի բազմամյա արմատապալարավոր, չափազանց լայն տարածում ունեցող բույս։ Ծագում է Կենտրոնական Ամերիկայից։ Ցողունը սնամեջ է՝ խիստ ճյուղավորված, 25-300 սմ բարձրությամբ։

Նկարագրություն

Տերևները կտրտված փետրաձև են, երբեմն՝ ամբողջաեզր, արմատները խիստ հաստացած են և մեծ քանակությամբ ինուլին են պարունակում։ Ստվերատար ու ջերմասեր բույս է, սակայն վատ է տանում շոգը և օդի չորությունը։ Գերադասում է չափավոր խոնավ, սննդանյութերով հարուստ, ստրուկտուրային հողերը։ Մեր պայմաններում բաց գրունտում չի ձմեռում և ամեն տարի աշնանը անհրաժեշտ է պալարները հանել հողից և մինչև գարուն պահել համապատասխան օդաջերմային ռեժիմ ունեցող շենքերում (3-5 °C-ի տակ)։

Գեորգենին ծաղկում է առատորեն մինչև վաղ աշնանային ցրտահարությունները։ Բազմանում է սերմերով, կտրոններով և պալարներով, բացառիկ դեպքում նաև պատվաստով։ Կտրոններով աճեցված բույսերը մյուսների համեմատությամբ 10-12 օր ուշ են ծաղկում։ Պալարների կիսման եղանակով բազմացնելու դեպքում յուրաքանչյուր կտրոնի վրա պետք է թողնել արմատավզիկի մի մասը՝ բողբոջի հետ միասին։ Մշակության մեջ հայտնի են գեորգենու մի քանի հազար տեսակներ, որոնք տարբերվում են ծաղկաբույլերի մեծությամբ, ձևով և գույնով։

Գեորգենին լայնորեն օգտագործվում է միքսբորդերների, ծաղկանոցների, ծաղկաթմբերի ձևավորման, ինչպես նաև կտրած ծաղիկներ ստանալու համար։

Ծանոթագրություններ

Վիքիցեղերն ունի նյութեր, որոնք վերաբերում են «Գեորգենի փոփոխական» հոդվածին։

Վիքիպահեստն ունի նյութեր, որոնք վերաբերում են «Գեորգենի փոփոխական» հոդվածին։