Գեղիի ջրամբար

Վիքիպեդիայից՝ ազատ հանրագիտարանից
Jump to navigation Jump to search
Picto infobox map.png
Գեղիի ջրամբար
Գտնվում է Գեղի գետի վրա
39°13′11″ հս․ լ. 46°13′08″ ավ. ե.HGЯO
Երկիր Հայաստան Հայաստան
Վարչատարածքային բաժանում Սյունիքի մարզ

Գեղի ջրամբարը գտնվում է Հայաստանի Սյունիքի մարզում՝ Գեղի գյուղի մոտ, Ողջի գետի ձախափնյա Գեղիի վտակի վրա։ Ջրամբարի պատվարը ճալաքարակոպճային է, ավազակավային միջուկով, ունի 70 մետր բարձրություն և 244 մետր երկարություն, կատարային մասում` 10 մետր։ Պատվարի շրջանում ֆիլտրացիոն երևույթների կանխման նպատակով 20-60 մետր խորության սահմաններում կատարվել են ցեմենտացման աշխատանքներ։ Ջրամբարի ընդհանուր ծավալը 15 միլիոն խորանարդ մետր է, իսկ օգտակար ծավալը՝ 12 միլիոն խորանարդ մետր, ջրի հայելին զբաղեցնում է 50 հեկտար տարածություն։ Ջրի հայելին գտնվում է 1402 մետր բարձրության վրա։[1]

Ջրամբարը նախագծվել է «Հայհիդրոէներգանախագիծ»[2] ինստիտուտում 1980 թվականին և կառուցվել է 1989 թվականին։ Նախատեսվել է որպես էներգետիկ նշանակության ջրամբար, սակայն հետագայում սկսել է շահագորշվել մելիորատիվ նպատակներով։[2] Ջրամբարի ջրով ոռոգվում են Կապանի տարածաշրջանի հողերը։[2]

  1. Ա.Հ. Գևորգյան, Ռ.Ս. Մինասյան, Վ.Ս. Խոնդկարյան, Ա.Ն. Անտոնյան (2014)։ «ԳԵՂԻ ՋՐԱՄԲԱՐԻ ՊԱՏՎԱՐԻ ՓԼՈՒԶՄԱՆ ՀԵՏԵՎԱՆՔՈՎ ՀՆԱՐԱՎՈՐ ՋՐԱԾԱԾԿՄԱՆ ՏԱՐԱԾՔԻ ԿԱՆԽԱՏԵՍՈՒՄԸ»։ ԳՅՈՒՄՐՈՒ Մ. ՆԱԼԲԱՆԴՅԱՆԻ ԱՆՎԱՆ ՊԵՏԱԿԱՆ ՄԱՆԿԱՎԱՐԺԱԿԱՆ ԻՆՍՏԻՏՈՒՏ Գ Ի Տ Ա Կ Ա Ն Տ Ե Ղ Ե Կ Ա Գ Ի Ր Ե Ր Կ Ր Ա Բ Ա Ն Ո Ւ Թ Յ Ո Ւ Ն Ե Վ Ս Ե Յ Ս Մ Ա Բ Ա Ն Ո Ւ Թ Յ Ո Ւ Ն 
  2. 2,0 2,1 2,2 «Հարստության ավազաններ. Հայաստանի ջրամբարները»։ Hetq.am (հայերեն)։ Վերցված է 2020-08-25