Ալելուա (դաշտ)
(Վերահղված է Գեղեցիկ դաշտից)
Ալելուա, դաշտ Մեծ Հայքի չորրորդ Հայք աշխարհի Հանձիթ գավառում, Արածանիի ստորին հոսանքի շրջանում։ Ըստ Ն. Ադոնցի Ալելուան նույնն է օտար հեղինակների հիշատակած Գեղեցիկ դաշտի հետ, որ Պոլիբեոսի վկայությամբ գտնվում էր Տիգրիսի ու Եփրատի միջև, Արշամաշատ քաղաքի մոտակայքում։ Ալելուա անունը Ն. Ադնոցը համեմատում է Հուլա գետի և վանքի անվան հետ, ինչպես է կապ է տեսնում Պտղոմեոսի հիշատակած Էլեգրտա քաղաքի անվան հետ, նույնացնում է նաև հետագայի Խարբերդի դաշտի հետ, որը թուրքերի շրջանում Ուլուօվա անունն է կրում և որի «Ուլու» համարվում է հին Ալելուա անվան վերաիմաստավորումը։ 1070 թվականին Ալելուա դաշտում Սասունի իշխան թոռնիկ Մամիկոնյանը մեծ ճակատամարտում հաղթել է Հանձիթի կառավարիչ Փիլարտոսին [1]:
Ծանոթագրություններ[խմբագրել | խմբագրել կոդը]
- ↑ Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 1 [Ա-Գ] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 1986, էջ էջ 105 — 992 էջ։