Գանդիի ազգային թանգարան

Վիքիպեդիայից՝ ազատ հանրագիտարանից
Jump to navigation Jump to search
Գանդիի ազգային թանգարան
Gandhi Bedroom.JPG
Տեսակազգային թանգարան
ԵրկիրFlag of India.svg Հնդկաստան[1]
ՏեղագրությունՌաջ Գհատ
ՎայրՆյու Դելի
Հիմնադրված է1961
Կայքgandhimuseum.org

Գանդիի ազգային թանգարան կամ Գանդիի հուշաթանգարան (անգլ.՝ The National Gandhi Museum), Մահաթմա Գանդիի թանգարան, գտնվում է Նյու Դելիում, Հնդկաստանում։ Ի սկզբանե թանգարանը բացվել էր Մումբայում 1948 թվականին՝ Գանդիի սպանվելուց անմիջապես հետո։ Բազմաթիվ անգամ տեղափոխվելուց հետո, 1961 թվականին, թանգարանը վերջնականապես հիմնվեց Նյու Դելիում։

Պատմություն[խմբագրել | խմբագրել կոդը]

Մահաթմա Գանդին սպանվեց 1948 թվականի հունվարի 30-ին։ Նրա մահից հետո կոլեկցիոներները սկսեցին ուսումնասիրել ողջ Հնդկաստանը, որպեսզի գտնեն այն ամենը, ինչը կապ ունի Գանդիի հետ։ Սկզբում Մումբայ տեղափոխվեցին անձնական իրեր, թերթեր, գրքեր, որոնք առնչվում էին Գանդիի հետ։ 1951 թվականին այս բոլոր իրերը տարան Նյու Դելիում գտնվող տուն։ Թանգարանը պաշտոնապես բացվել է 1961 թվականին, Գանդիի սպանության 13-րդ տարելիցին։ Հնդկաստանի նախագահ Ռաջենդրա Պրասադը անձամբ բացեց նոր թանգարանը։

Գանդիի(չաշխատող հղում) անկողինը

Գրադարան[խմբագրել | խմբագրել կոդը]

Գանդիի թանգարանի գրադանում ներառված են նրա աշխատանքները և ուսմունքները։ Գրքերը բաժանված են երկու մասի. նրանք, որոնք գրել է Գանդին կամ տեղեկություն են պարունակում նրա մասին, ինչպես նաև գրքեր, որոնք կարևոր իրադարձությունների մասին են։ Ներկայումս գրադարանում կա 35 հազար գիրք և փաստաթուղթ[2]։

Պատկերասրահ[խմբագրել | խմբագրել կոդը]

Ցուցահասրահում ներկայացված է Գանդիի արյունոտ հագուստը, որը նրա հագին է եղել սպանության ժամանակ, և այն փամփուշտը, որը խլել է նրա կյանքը։ Գանդիի ազգային թանգարանի պատկերասրահը ներառում է Մահաթմա Գանդիի բազմաթիվ նկարներ և անձնական իրեր։ Թանգարանում պահվում է նաև Գանդիի մի քանի ատամ և նրա փղոսկրե ատամնափորիչը։

Հատուկ ցուցադրանմուշներ[խմբագրել | խմբագրել կոդը]

Թանգարանում, բացի Գանդիի հիմնական հավաքածուից, ներկայացված են նաև Հնդկաստանի պատմության հետ առնչություն ունեցող այլ ցուցադրանմուշներ։ Հավաքածուի մեծ մասը հիմնված է պատմական իրադարձությունների վրա, որոնք կապված են Հնդկաստանի քաղաքական գործիչների, խաղաղության շարժումների հետ, չնայած նրան, որ համաշխարհային պատմության հետ կապված շատ նյութեր չեն պահպանվել թանգարանում[3]։

Տես նաև[խմբագրել | խմբագրել կոդը]

  • Բջջային բանտ
  • Շրիմանտա Կալկաշետրա
  • Ներու հուշաթանգարան և գրադարան

Ծանոթագրություններ[խմբագրել | խմբագրել կոդը]

  1. GeoNames — 2005.
  2. Powell, F. The National Gandhi Museum and Library, World Libraries — 1993 — ISSN:1092–7441
  3. Amelia Gentleman։ «Does urbanized India have room for Gandhi? - Asia - Pacific - International Herald Tribune - The New York Times»։ Վերցված է 2015-11-18 

Արտաքին հղումներ[խմբագրել | խմբագրել կոդը]