Գայանե Թերզյան

Գայանե Թերզյան;
Ծնվել է	հուլիսի 27, 1955
Ծննդավայր	Երևան, Հայկական ԽՍՀ, ԽՍՀՄ
Մահացել է	մայիսի 29, 2023 (67 տարեկան)
Մահվան վայր	Երևան, Հայաստան
Քաղաքացիություն	Հայաստան
Կրթություն	Երևանի պետական համալսարան
Մասնագիտություն	լրագրող, դասախոս և բանասեր
Աշխատավայր	Մխիթար Սեբաստացի կրթահամալիր և Վ․ Բրյուսովի անվան պետական համալսարան
Անդամություն	Հայաստանի ժուռնալիստների միություն

Վիքիպեդիայում կան հոդվածներ Թերզյան ազգանունով այլ մարդկանց մասին։

Կենսագրություն[խմբագրել | խմբագրել կոդը]

Գայանե Թերզյանը ծնվել է 1955 թվականի հուլիսի 27-ին, Երևան քաղաքում^[1]։

1973-1978 թվականներին սովորել է Երևանի պետական համալսարանի բանասիրական ֆակուլտետում։ 1980-1992 թվականներին եղել է «Պիոներ կանչ», «Կանչ» թերթի բաժնի վարիչը^[2], որից հետո՝ մինչև 1994 թվականը՝ «…21…» երիտասարդական-ուսանողական թերթի գլխավոր խմբագիրը։ 1994-1999 թվականներին ղեկավարել է «Գայանե» հրատարակչությունը։ 1998-2000 թվականներին Գայանե Թերզյանը եղել է «Երևանի մամուլի ակումբ» տեղեկագրի հայերեն տարբերակի խմբագիրը, 2006-2013 թվականներին դասախոսել է Երևանի Վ․ Բրյուսովի անվան պետական լեզվահասարակագիտական համալսարանի մանկավարժության և դասավանդման մեթոդաբանության ամբիոնում, իսկ 2013-2017 թվականներին՝ Խաչատուր Աբովյանի անվան հայկական պետական մանկավարժական համալսարանում։ Գայանե Թերզյանը 1998 թվականից եղել է «Մխիթար Սեբաստացի» կրթահամալիրի մանկավարժության դասախոս^[3]։

Գայանե Թերզյանը մահացել է 2023 թվականի մայիսի 29-ին^[4]։