Գագիկ Մկրտումյան

Վիքիպեդիայում կան հոդվածներ Մկրտումյան ազգանունով այլ մարդկանց մասին։

Գագիկ Սևանի Մկրտումյան
պետական գործիչ
ՀՀ Վերահսկիչ պալատի խորհրդի անդամ
15 նոյեմբերի 2007 -
Նախորդող	պաշտոնը հիմնադրվել է
Հաջորդող	ներկայումս պաշտոնավարում է
Կուսակցություն՝	Անկուսակցական
Կրթություն՝	ՀԱՊՀ
Ծննդյան օր	14 մարտի 1948
Ծննդավայր	Երևան

Գագիկ Սևանի Մկրտումյան (մարտի 14, 1948(1948-03-14), Երևան, Հայկական ԽՍՀ, ԽՍՀՄ), ՀՀ պետական գործիչ, ՀՀ վերահսկիչ պալատի խորհրդի անդամ։

Կրթություն

• 1970 թ. ավարտել է Երևանի Կ. Մարքսի անվան պոլիտեխնիկական ինստիտուտի շինարարական ֆակուլտետը՝ հիդրոտեխնիկական կառույցների և ՀԷԿ-երի ինժեների որակավորմամբ։
• Ավարտել է Մոսկվայի ղեկավար աշխատողների վերապատրաստման միջգերատեսչական ինստիտուտը։

Աշխատանքային գործունեությունը

• Աշխատել է ԽՍՀՄ էներգետիկայի և էլեկտրաֆիկացման մինիստրությունում։
• Եղել է «Արփա-Սևան» կառույցի, թիվ 6 շինարարական տրեստի գլխավոր ինժեներ։
• Աշխատել է ԽՍՀՄ տրանսպորտային շինարարության մինիստրությունում։
• Եղել է Իջևան-Հրազդան երկաթգծի թունելների շինարարության պետ, այնուհետև՝ ՀԽՍՀ ժողովրդական վերահսկողության կոմիտեի պատասխանատու աշխատող, ապա՝ ԼՂՀ կառավարության գործերի կառավարչի տեղակալ,
• 2002-2006 թթ. - «Լինսի» հիմնադրամի «Մշակույթ» ծրագրի հիմնարկի տնօրեն։
• 2006-2007 թթ. - ՀՀ նախագահի աշխատակազմի գործերի կառավարիչ։
• 2007 թ. նոյեմբերին ՀՀ Նախագահի հրամանագրով նշանակվել է ՀՀ վերահսկիչ պալատի խորհրդի անդամ՝ հինգ տարի ժամկետով։
• 2009 թ. նոյեմբերի 12-ին ՀՀ Նախագահի հրամանագրով վերանշանակվել է ՀՀ վերահսկիչ պալատի խորհրդի անդամ՝ վեց տարի ժամկետով։

Ընտանիք

Ամուսնացած է, ունի երկու զավակ։