Բոգաչևի սևամարմին
| Բոգաչևի սևամարմին | ||||||||
|---|---|---|---|---|---|---|---|---|
| Գիտական դասակարգում | ||||||||
|
||||||||
| Լատիներեն անվանում | ||||||||
| Ectromopsis bogatchevi
|
Բոգաչևի սևամարմին (լատին․՝ Ectromopsis bogatchevi) սևամարմինների ընտանիքին պատկանող միջատ։ Գրանցված է Հայաստանի Կարմիր գրքում։
Նկարագրություն
[խմբագրել | խմբագրել կոդը]4,5-5,5 մմ մարմնի երկարությամբ փոքր չափի բզեզ է՝ նեղ ձվաձև, ուռուցիկ մարմնով։ Գունավորումը կարմրադարչնագույնից մինչև սևադարչնագույն է, իսկ ծածկույթները չափավոր փայլուն են[1]։
Տարածվածություն
[խմբագրել | խմբագրել կոդը]Հայաստանի էնդեմիկ տեսակ է։ Հայաստանում տարածված է Նուբարաշենում և «Էրեբունի» պետական արգելոցում[1]։
Էկոլոգիա
[խմբագրել | խմբագրել կոդը]Ապրում են կարմիր կավահողերով անապատներում, հանդիպում՝ գարնանը՝ մարտի վերջից մինչև հունիսի սկիզբը, քարերի տակ։
Կենսաբանական առանձնահատկությունները հայտնի չեն[1]։
Պահպանություն
[խմբագրել | խմբագրել կոդը]Սահմանական արեալով հազվագյուտ տեսակ է, որը Բնության պահպանության միջազգային միության Կարմիր ցուցակի չափորոշիչներով գնահատվում է որպես կրիտիկական վիճակում գտնվող տեսակ։
Թվաքանակի և դրա փոփոխության միտումները հայտնի չեն։
Վտանգման հիմնական գործոններից են անասունների արածեցումը, քաղաքային ենթակառուցվածքի զարգացմամբ և հողերի գյուղատնտեսական յուրացմամբ պայմանավորված էկոհամակարգերի դեգրադացումը։
Պահպանվում են «Էրեբունի» պետական արգելոցում[1]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.