Բոբոխ
«Բոբոխ», հասարակական, երգիծազավեշտական երկշաբաթաթերթ, ապա՝ շաբաթաթերթ։ Հրատարակվել է 1920-1933 թվականներին, Թեհրանում։ Արտոնատեր՝ Ա. Աղասյան, խմբագիր՝ Հ. Գարագաշ։
1933 թվականին ունեցել է «Մանկական բոբոխ» էջը։ 1930 թվականից լույս է տեսել որպես «Վերածնունդ» հասարակական ֊քաղաքական և գրական լրագրի հավելված։ Խարազանել է հայ հասարակական կյանքի ստվերոտ կողմերը, պատկերել ժամանակի իրանահայ կյանքը, արտացոլել հասարակական հոսանքների ձգտումներն ու տրամադրությունները։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 498)։ |