Բեն Ռեմսի
| Բեն Ռեմսի | |
| Կուսակցություն՝ | Դեմոկրատական կուսակցություն |
|---|---|
| Կրթություն՝ | Օսթինի տեխասյան համալսարան |
| Մասնագիտություն՝ | քաղաքական գործիչ և փաստաբան |
| Ծննդյան օր | դեկտեմբերի 28, 1903 |
| Ծննդավայր | San Augustine, Տեխաս, ԱՄՆ |
| Վախճանի օր | մարտի 27, 1985 (81 տարեկան) |
| Վախճանի վայր | Օստին, ԱՄՆ |
| Թաղված | Տեխաս |
| Քաղաքացիություն |  ԱՄՆ
|
Բեն Ռեմսի (անգլ.՝ Ben Ramsey, դեկտեմբերի 28, 1903, San Augustine, Տեխաս, ԱՄՆ - մարտի 27, 1985, Օստին, ԱՄՆ), ամերիկացի քաղաքական գործիչ, Տեխասի 34-րդ փոխնահանգապետ (1951-1961)[1][2]։
Կենսագրություն[խմբագրել | խմբագրել կոդը]
Բեն Ռեմսին ծնվել է 1903 թվականի դեկտեմբերի 28-ին Սան Օգասթինում, Տեխաս նահանգ, Ուիլյամ Չարլզ Ռեմսիի ընտանիքում (William Charles Ramsey)[2]։ Սան Օգասթինում դրպոցն ավարտելուց հետո Բեն Ռեմսին աշխատել է ընտանեկան ֆերմայում, իսկ հետո՝ հոր իրավաբանական գրասենյակում։ Դրանից հետո սովորել է Օսթինի Տեխասի համալսարանում, որն ավարտելուց հետո ստացել է իրավաբանական գործունեության թույլտվություն[3]։
1930 թվականին Բեն Ռեմսին ընտրվել է Տեխասի ներկայացուցիչների պալատ, որտեղ աշխատել է 1931 թվականից մինչև 1935 թվականը։ Դրանից Հետո Ռեմսիի քաղաքական կարիերայում եղել է վեցամյա ընդմիջում, որի ընթացքում Սան Օգասթինում շարունակել է զբաղվել իրավաբանական գործունեությամբ։ Հետո դարձել է Տխասի սենատի անդամ, և 8 տարվա ընթացքում աշխատել որպես նահանգի սենատոր՝ 1941 թվականից մինչև 1949 թվականը։ 1949 թվականին Տեխասի նահանգապետ Բոֆորդ Ջեսթերը Ռեմսիին նշանակել է Տեխաս նահանգի քարտուղար։ Այդ պաշտոնում Բենն աշխատել է մինչև 1950 թվականը, որից հետո հրաժարական է տվել, որ մասնակցի Տեխասի փոխնահանգապետի ընտրություններին։
Բեն Ռեմսին Տեխասի փոխնահանգապետի պաշտոնը զբաղեցրել է ավելի քան 10 տարի՝ երեք երկամյա ժամկետով՝ նահանգապետ Ակկաբ Շիվերսի օրոք՝ 1951 թվականից մինչև 1957 թվականը և երկու երկամյա ժամկետով՝ նահանգապետ Փրայս Դենիելի օրոք՝ 1957 թվականից մինչև 1961 թվականը։ Բացի դրանից Ռեմսին ընտրվել է վեցերորդ անգամ, բայց 1961 թվականի սեպտեմբերի 18-ին հեռացել է Տեխասի փոխնահանգապետի պաշտոնից՝ ընդունելով Տեխասի երկաթուղիների լիազորի պաշտոնը։ Մինչև 1963 թվականի հունվարի 15-ը, երբ նոր նահանգապետ էր դարձել Փրեսթոն Սմիթը, փոխնահանգապետի պարտականությունները կատարում էին նահանգի սենատի ժամանակավոր նախագահներ Բրյուս Ռեյգանը (Bruce A. Reagan), Չարլզ Հերինգը (Charles F. Herring) և Կալպ Կրյուգերը (Culp Krueger)[1]։
Տեխասի երկաթուղիների լիազորի պաշտոնում Ռեմսին աշխատել է 16 տարի՝ 1961 թվականից մինչև 1977 թվականը։ Դրանից հետո ավարտել է ակտիվ քաղաքական գործունեությունը[3]։
Բեն Ռեմսին մահացել է 1985 թվականի մարտի 27-ին և հուղարկավորվել է Սան Օգասթինի գերեզմանատանը[2]։
Ծանոթագրություններ[խմբագրել | խմբագրել կոդը]
- ↑ 1,0 1,1 «Ben Ramsey». Lieutenant Governors of Texas, 1846-present. Legislative Reference Library of Texas - www.lrl.state.tx.us. Արխիվացված է օրիգինալից (HTML) 2012 թ․ սեպտեմբերի 26-ին. Վերցված է 28.06.2013-ին.
- ↑ 2,0 2,1 2,2 Richard M. Morehead. «Ramsey, Ben» (HTML). Handbook of Texas Online. Texas State Historical Association. Արխիվացված օրիգինալից 2012 թ․ սեպտեմբերի 26-ին. Վերցված է 28.06.2013-ին.
- ↑ 3,0 3,1 «Presiding Officers of the Texas Legislature (1846-2010)» (PDF). Texas Legislative Council - www.tlc.state.tx.us. 2010. Արխիվացված է օրիգինալից (PDF) 2013 թ․ հունիսի 18-ին. Վերցված է 2012 թ․ հունիսի 17-ին.
Արտաքին հղումներ[խմբագրել | խմբագրել կոդը]
- «Ben Ramsey - Terms of Service and Biographical Notes and Resources» (HTML). Legislative Reference Library of Texas - www.lrl.state.tx.us. Արխիվացված օրիգինալից 2013 թ․ հուլիսի 3-ին. Վերցված է 2013 թ․ հունիսի 28-ին.
- Bob Bowman. «Mister Ben (Biographical sketch)» (HTML). www.texasescapes.com. Արխիվացված օրիգինալից 2013 թ․ հուլիսի 3-ին. Վերցված է 2013 թ․ հունիսի 28-ին.
|
