Վանյա Բարսեղյան
| Վանյա Բարսեղյան | |
|---|---|
| Ծնվել է | ապրիլի 20, 1959 (65 տարեկան) |
| Ծննդավայր | Մատաղիս, Մարտակերտի շրջան, ԼՂԻՄ |
| Քաղաքացիություն |  ԽՍՀՄ և  Հայաստան |
| Կրթություն | Երևանի պետական համալսարան (1985) և Սանկտ Պետերբուրգի համալսարան (1988) |
| Կոչում | պրոֆեսոր |
| Գիտական աստիճան | ֆիզիկամաթեմատիկական գիտությունների դոկտոր (2000) |
| Մասնագիտություն | մեքենագետ |
| Պարգևներ և մրցանակներ | |
Վանյա Ռաֆայելի Բարսեղյան (ապրիլի 20, 1959, Մատաղիս, Մարտակերտի շրջան, ԼՂԻՄ), հայ մեխանիկոս։ Ֆիզիկա-մաթեմատիկական գիտությունների դոկտոր (2000), պրոֆեսոր (2002):
Կենսագրություն[խմբագրել | խմբագրել կոդը]
Վանյա Բարսեղյանը ծնվել է 1959 թվականի ապրիլի 20-ին, Մատաղիս գյուղում (ԼՂՀ Մարտակերտի շրջանում)։ 1980-1985 թվականներին սովորել և ավարտել է Երևանի պետական համալսարանի մեխմաթ ֆակուլտետի մեխանիկայի բաժինը, 1985-1988 թվականներին՝ Սանկտ-Պետերբուրգի պետական համալսարանի ասպիրանտուրան։ 1988 թվականին Սանկտ-Պետերբուրգի պետական համալսարանում պաշտպանել է թեկնածուական թեզ՝ «Խաղային խնդիրներ գրավիտացիոն դաշտում» թեմայով։ 2000 թվականին ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտում պաշտպանել է դոկտորական թեզ՝ «Դինամիկական համակարգերի ղեկավարումը և դիտումը կոնֆլիկտային իրավիճակներում»։ 1989-1991 թվականներին եղել է Երևանի պետական համալսարանի տեսական մեխանիկայի ամբիոնի կրտսեր գիտաշխատող, 1991-1993 թվականներին՝ ԵՊՀ տեսական մեխանիկայի ամբիոնի ասիստենտ, 1993-2001 թվականներին՝ ԵՊՀ տեսական մեխանիկայի ամբիոնի դոցենտ, 1996-2000 թվականներին՝ ԵՊՀ մեխանիկայի ֆակուլտետի դեկանի տեղակալ, 2001 թվականից՝ ԵՊՀ պրոֆեսոր, 2003-2007 թվականներին՝ ԵՊՀ տեսական մեխանիկայի ամբիոնի վարիչ, 2007 թվականի սեպտեմբերից, միաժամանակ՝ ԵՊՀ տեսական մեխանիկայի ամբիոնի պրոֆեսոր, 2004-2007 թվականներին՝ «Գնահատման և թեստավորման կենտրոն» ՊՈԱԿ-ի տնօրեն, 2008-2009 թվականներին՝ ՀՀ գիտության պետական կոմիտեի գիտական քաղաքականության վարչության պետ, 2009 թվականի փետրվարից՝ ՀՀ ԳԱԱ նախագահության սփյուռքի բաժնի պետ[1]։
Աշխատանքները վերաբերում են խաղային խնդիրներին՝ գրավիտացիոն դաշտում, շարժուն համակարգերի ղեկավարմանն ու դիտմանը՝ հակամարտության իրավիճակներում և կիրառությանը՝ մեխանիկայի համակարգերի համար[2]։ Հեղինակ է ուսումնական ձեռնարկների[3]։
Անդամակցություն[խմբագրել | խմբագրել կոդը]
- Դինամիկական խաղերի միջազգային ընկերության ռուսական բաժանմունքի անդամ (2000)։
- ՀՀ տեսական և կիրառական մեխանիկայի ազգային կոմիտեի անդամ։
- «Կրթությունը և գիտությունը Արցախում» հանդեսի խմբագրության անդամ։
Պարգևներ[խմբագրել | խմբագրել կոդը]
- ՀՀ նախագահի մրցանակ «Դինամիկ համակարգերի ղեկավարման, դիտման և կոնֆլիկտային իրավիճակների ուսումնասիրություններ» գիտական հոդվածների շարքի համար (2013)[4]։
- ՀՀ ՊՆ «ՀՀ Զինված ուժերի 20 տարի» հոբելյանական մեդալ։
- Ղարաբաղյան պատերազմի վետերանների միության պատվոգիր։
- ՀՀ մշակույթի նախարարության պատվոգիր։
Երկեր[խմբագրել | խմբագրել կոդը]
- Ստաբիլացման տեսություն։ (Դասախոսություններ), Երևան, ՀՀ ԳԱԱ «Գիտություն» հրատարակություն, 2017 (համահեղինակ)[5]։
- Управление составных динамических систем и систем с многоточечными промежуточными условиями, Mосква Наука, 2016, 230 стр.
- Տեսական մեխանիկա։ Կուրսային աշխատանքների կատարման մեթոդական ցուցումներ, Երևանի պետական համալսարան, Երևան, ԵՊՀ հրատ., 2016 (համահեղինակ)։
- Տեսական մեխանիկայի խնդիրների ժողովածու կուրսային աշխատանքների համար, Երևան, Երևանի Պետական համալսարանի հրատարակչություն, 2013 (համահեղինակ)[6]։
- Վարիացիոն հաշիվ (Խնդիրների լուծման ձեռնարկ) | Երևան, Երևանի համալսարանի հրատարակչություն, 2011, 146 էջ[7]։
- Տեսական մեխանիկայի խնդիրների ժողովածու | Երևան, Երևանի համալսարանի հրատարակչություն, 2006, 84 էջ (համահեղինակ)[8]։
- Դիտման տեսության մի քանի հարցեր։ Երևան, Երևանի համալսարանի հրատարակչություն, 2005, 52 էջ[9]։
- Լաբորատոր աշխատանքներ տեսական մեխանիկայից։ Երևանի պետաական համալսարան, Տեսական մեխանիկայի ամբիոն, Երևան, Երևանի համալսարանի հրատարակություն, 2001 (համահեղինակ)։
Ծանոթագրություններ[խմբագրել | խմբագրել կոդը]
- ↑ «Վանյա Ռաֆայելի Բարսեղյան». ysu.am. Վերցված է 2020 թ․ ապրիլի 25-ին.
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005։
- ↑ «Վանյա Ռաֆայելի Բարսեղյան». ysu.am (անգլերեն). Վերցված է 2020 թ․ ապրիլի 25-ին.
- ↑ «Վանյա Բարսեղյան». www.presidentprize.am (անգլերեն). Արխիվացված է օրիգինալից 2022 թ․ հուլիսի 16-ին. Վերցված է 2020 թ․ ապրիլի 25-ին.
- ↑ Բարսեղյան, Վանյա Ռաֆայելի; Շահինյան, Սմբատ Գրիգորի; Սիմոնյան Թամարա Ալեքսանի (2017). Ստաբիլացման տեսություն։ Դասախոսություններ. Երևան: ՀՀ ԳԱԱ «Գիտություն» հրատ. ISBN 978-5-8080-1314-8.
- ↑ Բարսեղյան, Վանյա Ռաֆայելի; Շահինյան, Ս Գ; Մաթևոսյան, Ա Գ; Սիմոնյան, Թ Ա; Երևանի պետական համալսարան, eds. (2013). Տեսական մեխանիկայի խնդիրների ժողովածու կուրսային աշխատանքների համար. Երևան: ԵՊՀ հրատ. ISBN 978-5-8084-1692-5.
- ↑ Բարսեղյան, Վանյա Ռաֆայելի (2011). Վարիացիոն հաշիվ։ Խնդիրների լուծման ձեռնարկ. Երևանի պետական համալսարան. Երևան: ԵՊՀ. ISBN 978-5-8084-1524-9.
- ↑ Բարսեղյան, Վանյա Ռաֆայելի; Գաբրիելյան, Միշա Սարգսի; Երևանի պետական համալսարան, eds. (2006). Տեսական մեխանիկայի խնդիրների ժողովածու կուրսային աշխատանքների համար։ Կինեմատիկա, կետի դինամիկա. Երևան: Երևանի համալս. հրատ. ISBN 978-5-8084-0751-0.
- ↑ Բարսեղյան, Վանյա Ռաֆայելի (2005). Դիտման տեսության մի քանի հարցեր։ Ուսումնական ձեռնարկ. Երևանի պետական համալսարան. Երևան: Երևանի համալս. հրատ. ISBN 978-5-8084-0677-3.
|
