Բաշկիրիայի Մ. Ակմուլլայի անվան պետական մանկավարժական համալսարան

Վիքիպեդիայից՝ ազատ հանրագիտարանից
Բաշկիրիայի Մ. Ակմուլլայի անվան պետական մանկավարժական համալսարան
Bspu logo.svg
Տեսակ համալսարան և կրթօջախ[1]
Հիմնադրված է 1967[1]
Անվանված է Miftahetdin Akmulla
Երկիր Flag of the Russian Soviet Federative Socialist Republic.svg Ռուսաստան[1]
Տեղագրություն Ուֆա
Կայք bspu.ru
Կոորդինատներ: 54°43′59.81520010001″ հս․ լ. 55°55′42.826800099989″ ավ. ե. / 54.7332820000277778° հս․. լ. 55.92856300002777203° ավ. ե. / 54.7332820000277778; 55.92856300002777203[1]

Բաշկիրիայի Մ. Ակմուլլայի անվան պետական մանկավարժական համալսարան կամ Մ. Ակմուլլայի անվան ԲՊՄՀ (բաշկիրերեն՝ М. Аҡмулла исемендәге Башҡорт дәүләт педагогия университеты (М. Аҡмулла исемендәге БДПУ)), Ռուսաստանի Դաշնության բարձրագույն պետական մասնագիտական կրթության դաշնային ենթակայության պետական կրթական հաստատություն, մանկավարժական համալսարան։ Գտնվում է Բաշկորտոստանի մայրաքաղաք Ուֆայում։ Համալսարանը կրում է բաշկիր բանաստեղծ, լուսավորիչ, փիլիսոփա Ակմուլլա Միֆտահմեդինի անունը։ Ներկայումս Բաշկորտոստանի Մ. Ակմուլլայի անվան պետական մանկավարժական համալսարանի կազմի մեջ մտնում են 5 համալսարաններ, 7 ֆակուլտետներ, 43 ամբիոններ։

Իր աշխատանքի ընթացքում համալսարանն ունեցել է ավելի քան 40 000 շրջանավարտներ։ Երկրի 20 մանկավարժական լավագույն ԲՈՒՀ-երից մեկն է[2]։

Համալսարանը թողարկում է «Աուդիտորիա» թերթը[3] և «Բաշկորտոստանի մանկավարժական ամսագիր», որը Ռուսաստանում մանկավարժության մասին թեկնածուական և դոկտորական ատենախոսությունների տպագրման համար նախատեսված ամսագրերի թվին է պատկանում[4]։

Համալսարանում անցկացվում են մի շարք միջոցառումներ, որոնցից են` «Իմ մասնագիտական ապագան» կադրային ֆորումը, Միջազգային ուսանողական գիտական ֆորումը։

Պատմություն[խմբագրել | խմբագրել կոդը]

Միֆտախեդմին Ակմուլլայի անվան ԲՊՄՀ-ն ստեղծվել է Ուֆա քաղաքում 1967 թվականի հունվարի 9-ին։ Հանրապետության առաջին մանկավարժական ինստիտուտը ստեղծվել է 1909 թվականին։ 1919 թվականից վերափոխվել է ժողովրդական կրթության ինստիտուտի, որի կազմի մեջ են մտնում չորս ֆակուլտետներ` սոցիալ-պատմական, կենսաբանա-աշխարհագրական, Ֆիզիկո-մաթեմատիկական և գրական-լեզվաբանական։ Այս բարձրագույն ուսումնական հաստատությունը պատրաստել է դպրոցի և տեխնիկումի ուսուցիչներ։

1923 թվականից ինստիտուտը ստացել է «գործնական» անվանումը և սկսել է գյուղատնտեսության մասնագետներ պատրաստել։ 1929 թվականին համալսարանի բազայի վրա ստեղծվել է Բաշկիրիայի Տիմիրյազևի անվան պետական մանկավարժական համալսարանը, որը 1957 թվականին դարձել է Բաշկիրիայի պետական համալսարան։ Սակայն բարձրագույն պետական մանկավարժական կրթության զարգացման, մանկավարժական բարձր որակավորում ունեցող կադրերի պատրաստման խիստ անհրաժեշտություն է զգացվել։ Այդ ժամանակ հանրապետության մանկավարժների մեկ երրորդից քիչը բարձրագույն կրթություն ուներ։ Շատ մասնագիտությունների նախապատրաստում ընդհարապես չէր կատարվում։ Կրկին բացված Բաշկիրիայի պետական մանկավարժական ինստիտուտը հաջողությամբ լուծեց այդ խնդիրը։

Արդեն 1976 թվականին ԲՊՄ համալսարանը առաջնակարգ ԲՈՒՀ է ճանաչվել։ 2000 թվականին Բաշպետմանկինստիտուտը վերանվանվել է Բաշկիրիայի պետական մանկավարժական համալսարանի, իսկ 2006 թվականին այն անվանակոչվել է Ակմուլլա Միֆտահմեդինի անվամբ։

Կառուցվածք[խմբագրել | խմբագրել կոդը]

Ակմուլլայի հուշարձանը Բաշկիրիայի պետական մանկավարժական համալսարանի դիմաց, Ուֆա
  • Գեղարվեստա-գրաֆիկական ֆակուլտետ
  • Հոգեբանության ֆակուլտետ
  • Ֆիզիկա-մաթեմատիկական ֆակուլտետ
  • Պատմության և իրավաբանական կրթության ինստիտուտ
  • Բանասիրական կրթության և միջմշակութային հաղորդակցության ինստիտուտ
  • Բնագիտա-աշխարհագրական ֆակուլտետ
  • Ֆիզիկական կուլտուրայի ֆակուլտետ
  • Բաշկիրական բանասիրության ֆակուլտետ
  • Սոցիալական մարդասիրական ֆակուլտետ
  • Մասնագիտական կրթության և տեղեկատվական տեխնոլոգիաների ինստիտուտ
  • Մանկավարժության ինստիտուտ
  • Որակավորման բարձրացման և մասնագիտական վերապատրաստման ինստիտուտ
  • Մ. Ակմուլլայի անվան ԲՊՄՀ-ի քոլեջ

Մասնաշենքերի հասցեներ[խմբագրել | խմբագրել կոդը]

  • 1 մասնաշենք - Լենինի փողոց, 20
  • 2 մասնաշենք - Հոկտեմբերյան հեղափոխության փողոց, 3ա
  • 3 մասնաշենք - Հոկտեմբերյան հեղափոխության փողոց, 3ա
  • 4 մասնաշենք - Հոկտեմբերյան հեղափոխության փողոց, 55
  • 5 մասնաշենք - Չեռնիշևսկու փողոց, 25
  • 6 մասնաշենք - Հոկտեմբերյան հեղափոխության փողոց, 10/3
  • 7 մասնաշենք - Բելյակովի փողոց, 27
  • 8 մասնաշենք —
  • 9 մասնաշենք - Ստեփան Զլոբինի փողոց, 31/1
  • 10 մասնաշենք - Չեռնիշևսկու փողոց, 49/1
  • 11 մասնաշենք -Սոֆյա Պեռովսկայի փողոց, 40
  • 12 մասնաշենք - Բելյակովի փողոց, 25
  • 13 մասնաշենք -Հոկտեմբերյան հեղափոխության փողոց, 10 մասնաշենք, Ֆրանսիական ալյանս (Alliance Francaise)
  • ДФК «Բուրեվեստնիկ» - Կոմունիստական փողոց, 54а
  • СОК լողավազանի հետ - Սոֆյա Պեռովսկայի փողոց, 40

Պատվավոր պրոֆեսորներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]