Բալու (կերպար)

Վիքիպեդիայից՝ ազատ հանրագիտարանից
Jump to navigation Jump to search
Բալու
Jungle Book (1913) Baloo in the Forest.png
Տեսակհորինված արջ և գրական հերոս
ՀեղինակՌեդյարդ Կիպլինգ
Ներկայացված էՋունգլիների գիրքը[1] և Ջունգլիների գիրքը
Սեռարու
Դերը կատարել ենԲիլ Մյուրեյ
Baloo Վիքիպահեստում

Բալու (անգլ.՝ Baloo, դևանագարի भालू), Ռադյարդ Քիփլինգի «Ջունգլիների գիրքը» ստեղծագործության արջ-կերպարը, Մաուգլիի դաստիարակներից մեկը, Կաա օձի և Բաղիրայի հետ:

Կերպարը Ջունգլիների գրքում[խմբագրել | խմբագրել կոդը]

Ջունգլիների գրքում Բալուն զբաղեցնում է ուսուցչի դերը և ինչ-որ առումով փոխարինում է Մաուգլիի հորը: Բալուն Ջունգլիների օրենքի լավագույն գիտակներից է: Չնայած որ Քիփլինգի ստեղծագործություններում նա ներկայացված է որպես «գորշ արջ», որոշ հետազոտողներ չեն դասում նրան գորշ արջերի շարքին:

Սըր Ռոբերտ Ա. Սթերնդեյլը պարզել է, որ հինդի Բհալու բառը օգտագործվում է մի քանի տեսակի արջերի բնութագրելու համար: Խմբագիր Դանիել Կարլինը համարում էր, թե Քիփլինգը նկարագրել է հաստաշուրթի, քանի որ գորշ արջը և հիմալայան արջը չեն հանդիպում Սեոնի շրջանում, որտեղ տեղի են ունենում Մաուգլիի մասին պատմող պատմությունների իրադարձությունները: Հաստաշուրթերի մեջ հանդիպում են գորշ բրդով տեսակներ, չնայած գերակշռող գույնը հենց սևն է: Դրա հետ մեկտեղ Կարլինը նշում է, որ Բալուի սննդակարգը կազմված է միայն «արմատներից, ընկույզից և մեղրից», մի հատկանիշ, որն ավելի շատ հատուկ է հենց հիմալայան, այլ ոչ թե գորշ արջերին:

Հարավ-արևելյան Ասիայի ևս մեկ բնակիչ` մալայական արջը, չափերով չի համապատասխանում Բալուին (նա ակնհայտորեն գայլից ավելի խոշոր է): Չի բացառվում, որ գրքում նկարագրված է արջերի տեսակների հիբրիդ, հնարած, անհայտ կամ էլ անհետացած արջի տեսակ[2]:

Ըստ Ջ. ՄըքՄաստերի` Բալուն Մաուգլիի դաստիարակությամբ զբաղվող «եռյակի» մասն է և խորհրդանշում է ուժը, այն դեպքում, երբ Բաղիրան ու Կաան համպատասխանաբար խորհրդանշում են սերն ու գիտելիքը[3]:

Կերպարը խորհրդային մուլտֆիլմում[խմբագրել | խմբագրել կոդը]

Խորհրդային մուլտֆիլմում Բալուն ավելի շատ նման է հիմալայան արջի:Բալուի բրդի գույնը սև է, իսկ կրծքավանդակին կա V-աձև սպիտակ նշան, ինչը հատուկ է հիմալայան արջերին: Մուլտֆիլմի առաջին մասում Բալուն գուրգեններին սովորեցնում է հետևել որսին: Դրանից հետո Բալուն հայտնվում է ժողովի ժայռին և պաշտպանում Մաուգլիին:

Կերպարը Դիսնեյի մուլտֆիլմում[խմբագրել | խմբագրել կոդը]

Դիսնեյի ստուդիայի մուլտֆիլմում Բալուն պատկերված է մուգ մոխրագույն հաստաշուրթի տեսքով: Ի տարբերություն Քիփլինգի հերոսի, որը քնկուտ էր և իմաստուն, մուլտհերոսը թեթև ապրող և ծույլ արջ է: Նա սիրում է պարեր և խաղեր:

Նախատիպ[խմբագրել | խմբագրել կոդը]

Ժան Պերոն վստահեցնում է, թե Բալու անունը (ինչպես և Կաա ու Բաղիրա անունները) Քիփլինգը վերցրել է հին եգիպտական տեքստից[4]: Ինքը` Քիփլինգն ասում էր, որ բառը հինդի-ուրդու լեզվով նշանակում է «արջ» և արտասանվում է շեշտն առաջին վանկի վրա[5]:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. The Walt Disney Company The Jungle Book Press Kit
  2. Kipling Rudyard (2011)։ The Jungle Book։ New Mexico, USA: CSF Publishing։ ISBN 9781937487225 
  3. McMaster, Juliet. The trinity archetype in the Jungle Books and the Wizard of Oz. // Children’s Literature 20.1 (1992): 90-110.
  4. Perrot, Jean. «Bram Stoker, Rudyard Kipling, Oscar Wilde et la Franc-Maconnerie lyrique de l’enfant divin». // Revue des Sciences Humaines 99 (1992): 183—205. цит. по Children’s Literature Association Quarterly, Volume 19. С. 78.
  5. Rudyard Kipling. Kipling’s list of names in the stories. Author’s Note for the definitive Sussex Edition of Kipling’s works (Vol. X11, pages 471—478). (անգլ.)