Բաբա Վիդա

Բաբա Վիդա; բուլղար․՝ Баба Вида
	Նկարագրություն
Տեսակ	ամրոց և թանգարան
Տեղագրություն	Վիդին
Վարչական միավոր	Վիդին
Երկիր	Բուլղարիա
Համալիրի մաս	Բուլղարիայի 100 զբոսաշրջային օբյեկտներ
Կառուցված	10-րդ դար
	Baba Vida Fortress Վիքիպահեստում

Բաբա Վիդա (բուլղար․՝ Баба Вида), միջնադարյան ամրոց Բուլղարիայի հյուսիսարևմտյան մասում` Վիդին քաղաքում։ Քաղաքի գլխավոր տեսարժան վայրն է։ Բաղկացած է ամրոցային հիմնական երկու պատերից և չորս աշտարակներից։ Բարձրությունը ծովի մակարդակից 39 մ է^[1]։

Ամրոցի շինարարությունը սկսվել է 10-րդ դարում հին հռոմեական Բոնոնիա ամրոցի տեղում։ Միջնադարում Բաբա Վիդան եղել է կարևոր ամրություն Բուլղարիայի հյուսիս-արևմուտքում։ Այն դիմագրավել է բյուզանդական Բարսեղ II կայսեր բանակի 18-ամսյա պաշարմանը, սակայն ավերվել է և հետագայում վերականգնվել բուլղարացի արքա Իվան Սրացիմիրի օրոք։

Ամրոցը կարևոր դեր է խաղացել Օսմանյան կայսրության կողմից Բուլղարիան բռնազավթելու ժամանակաշրջանում։ Այն եղել է զինապահեստ, բանտ։ 18-րդ դարում կորցրել է իր պաշտպանական նշանակությունը։

Ներկայումս Բաբա Վիդան թանգարան-ամրոց է։