Արփի Ոսկանյան

Արփի Ոսկանյան
Ծնվել է	փետրվարի 5, 1978(1978-02-05) (45 տարեկան)
Ծննդավայր	Ստեփանավան, Հայկական ԽՍՀ, ԽՍՀՄ
Մասնագիտություն	գրող
Ազգություն	հայ
Քաղաքացիություն	ԽՍՀՄ և  Հայաստան
Կրթություն	Երևանի թատրոնի և կինոյի պետական ինստիտուտ և Հայաստանի գեղարվեստի պետական ակադեմիա
Ժանրեր	բանաստեղծություն, պատմվածք
Անդամակցություն	ՀԳՄ
Ամուսին	Համբարձում Համբարձումյան

Արփի Ռաֆայելի Ոսկանյան (փետրվարի 5, 1978(1978-02-05), Ստեփանավան, Հայկական ԽՍՀ, ԽՍՀՄ), հայ բանաստեղծուհի, արձակագիր։ Հայաստանի գրողների միության անդամ։

Կենսագրություն

1996 թվականին ընդունվել է Երևանի թատրոնի և կինոյի պետական ինստիտուտի ռեժիսուրայի բաժինը, 2005 թվականին՝ ավարտել Երևանի գեղարվեստի պետական ակադեմիայի արվեստաբանության բաժինը։

Մամուլում տպագրվում է 1991 թվականից։ Նրա ստեղծագործությունները թարգմանվել են անգլերեն, գերմաներեն, ‎ֆրանսերեն, իսպաներեն և այլ լեզուներով։

«ՍՄԻԼ» հիմնադրամի «1988» խորագրով պատմվածքների մրցույթում արժանացել է մրցանակի` «Իմ անկախությունը» պատմվածքի համար։ 2011 թվականին Համբարձում Համբարձումյանի հետ ստեղծել է «Գրողուցավ» գրական բլոգը, 2012 թվականին` համանուն կայքը։

Մրցանակներ

«Անտարես» հրատարակչության և «Գրանիշ» գրական ակումբի կազմակերպած «Արձակ-2012» մրցույթում դարձել է հաղթող։

Մատենագիտություն

• Ծիկ, Ե., Զանգակ-97, 2001, 128 էջ։
• Անտերուդուս (բանաստեղծություններ), Ե., ՀԳՄ հրատ., 2010, 88 էջ։
• Մարադոնան և Ռոնալդինյոն (թագավորական պատմություններ), Ե., հեղ. հրատ., 48 էջ։
• Չի վաճառվում (պատմվածքներ), Ե., «Անտարես», 2016, 336 էջ։

Արտաքին հղումներ

• «Գրողուցավ» գրական կայք
• Մազերի հեղափոխություն
• Արփի Ոսկանյանի ստեղծագործություններից gretert.com կայքում
• Արփի Ոսկանյան | Արատավոր կապ
• Վեր կացեք ու աշխատեք