Արյունաբանության և ուռուցքաբանության հայկական ասոցիացիա
Արյունաբանության և Ուռուցքաբանության Հայկական Ասոցիացիա (կրճատ՝ ԱՈՒՀԱ, անգլ.՝ Armenian Association of Hematology and Oncology, կրճատ՝ AAHO) արյունաբանների և ուռուցքաբանների մասնագիտական կազմակերպություն, որի նպատակն է զարգացնել արյունաբանությունը, ուռուցքաբանությունը, ինչպես նաև բժշկագիտության հարակից ճյուղերը Հայաստանում։ Հիմնադրվել է 2012 թվականին՝ ք. Երևանում[1][2][3]։
ԱՈՒՀԱ նախագահն է բ.գ.թ., դոց. Սամվել Հովհաննեսի Դանիելյանը, ով նաև հանդիսանում է ԵՊԲՀ Ուռուցքաբանության ամբիոնի վարիչը և «Մուրացան» ՀՀ Քիմիաթերապիայի Կլինիկայի ղեկավարը։ Ասոցիացիան ունի Ղեկավար Խորհուրդ և Պատվավոր Խորհուրդ[1][2][4]։
Գործում է նաև ասոցիացիայի պաշտոնական անգլիալեզու պարբերականը՝ Արյան և Քաղցկեղի Գաղտնիքները (անգլ՝ Blood and Cancer Secrets Journal, կրճատ՝ BCS Journal)[1]։
2014 թ-ին ԱՈՒՀԱ-ի կողմից սահմանվել է Հաննս Ֆունկի անվան ամենամյան մրցանակ, ի պատիվ գերմանացի հայտնի լրագրող և բարերար Հաննս Ֆունկի, ով տարիներ շարունակ աջակցել է Հայաստանում մանկական արյան քաղցկեղի նորագույն բուժումների ներդրմանը։ Մրցանակը հանձնվում է Հայաստանի արյունաբանության և ուռուցքաբանության բնագավառում նշանակալի ավանդ ունեցող անհատներին[1]։
2015 թ-ին ասոցիացիայի կողմից հիմնադրվել է նաև Մանկական Արյունաբանության և Ուռուցքաբանության Հայկական Խումբը (անգլ.՝ Armenian Pediatric Hematology and Oncology Group), և Հայաստանի Երիտասարդ Ուռուցքաբանների Խումբը (անգլ.՝ Young Oncologists Group of Armenia)[1]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Արյունաբանության և Ուռուցքաբանության Հայկական Ասոցիացիայի պաշտոնական կայք
- ↑ 2,0 2,1 ՀՀ Առողջապահության Նախարարության պաշտոնական կայք
- ↑ Ամերիկայի Կլինիկական Ուռուցքաբանության Միության և ԱՈՒՀԱ առաջին համատեղ կոնֆերանսը Հայաստանում
- ↑ ԵՊԲՀ Մուրացան Հիվանդանոցային Համալիր, Քիմիաթերապիայի կլինիկա(չաշխատող հղում)
Արտաքին հղումներ[խմբագրել | խմբագրել կոդը]
- Հաննս Ֆունկ - հայ մանուկների մեծ բարեկամը. Ապագա Բժիշկ, նոյեմբեր 2013, N 15-16 (1291-1292), էջ 7(չաշխատող հղում)