Արմենիա (թերթ, Բուենոս Այրես)

Անվան այլ կիրառումների համար տե՛ս՝ Արմենիա (այլ կիրառումներ)

«Արմենիա», լույս է տեսնում 1931 թվականից Բուենոս Այրեսում։ 1954-1989 թվականներին՝ օրաթերթ, 1989 թվականից՝ շաբաթաթերթ՝ հայերեն, իսպաներեն։ ՀՀԴ պաշտոնաթերթ։ Խմբագիրներ՝ Սարգիս Թոփչյան, Ռեն (Ռուբեն Վարդանյան), Արսեն Միքայելյան, Աշոտ Արծրունի, Վարդան Գևորգյան, Հովհաննես Դևեջյան, Պետրոս Հաջյան, Խաչիկ Տեր-Ղուկասյան (1987 թվականից)։ Լուսաբանում է արգենտինահայ գաղութի հասարակականվ ֊քաղաքական կյանքը, տպագրում միջազգային լուրեր, գրական նյութեր, տեղեկություններ Հայաստանից։ 1931-1982 թվականներին ունեցել է սեփական տպարան։

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայ Սփյուռք» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։