Արկադի Կասպարով

Արկադի Կասպարով
Ծնվել է	դեկտեմբերի 11, 1936(1936-12-11)
Ծննդավայր	Բաքու, Ադրբեջանական ԽՍՀ, ԽՍՀՄ
Մահացել է	հունիսի 16, 2018(2018-06-16) (81 տարեկան)
Մահվան վայր	Ռուսաստան
Քաղաքացիություն	ԽՍՀՄ և  Ռուսաստան
Կրթություն	Մոսկվայի Ի. Սեչենովի անվան առաջին պետական բժշկական համալսարան (1959)
Մասնագիտություն	ակնաբույժ
Կոչում	պրոֆեսոր
Գիտական աստիճան	բժշկական գիտությունների դոկտոր (1974)

Արկադի Ալեքսանդրի Կասպարով (դեկտեմբերի 11, 1936(1936-12-11), Բաքու, Ադրբեջանական ԽՍՀ, ԽՍՀՄ - հունիսի 16, 2018(2018-06-16), Ռուսաստան), հայ ակնաբույժ։ Բժշկական գիտությունների դոկտոր (1974), պրոֆեսոր (1981):

Կենսագրություն

Արկադի Կասպարովը ծնվել է 1936 թվականի դեկտեմբերի 11-ին, Բաքու քաղաքում։ 1959 թվականին ավարտել է Մոսկվայի 1-ին բժշկական ինստիտուտը։ 1962-1974 թվականներին աշխատել է նույն ինստիտուտի աչքի հիվանդությունների ամբիոնում, 1974-1980 թվականներին՝ ԽՍՀՄ առողջապահության նախարարության Աչքի հիվանդությունների ՀամԳՀԻ գիտքարտուղար, 1980-1997 թվականներին՝ աչքի վերականգնողական վիրաբուժության բաժանմունքի վարիչ, 1997 թվականից՝ Ակնահերպեսի ախտորոշման և բուժման համամիութենական կենտրոնի ղեկավար։

Աշխատանքները վերաբերում են աչքի վիրուսային հիվանդությունների, գլաուկոմայի, աչքի վերականգնող, վիրաբուժության, եղջերաթաղանթի փոխպատվաստման հարցերին։ Ակնահերպեսով հիվանդների մոտ հայտնաբերել է ակնագնդի հյուսվածքներում առաջացող ռեակցիայի երևույթը։

Անդամակցություն

• Ակնաբույժների համամիութենական ընկերության նախագահության անդամ (1980):
• Ռեֆրակցիոն վիրաբուժության միջազգային ընկերության անդամ (1984):
• ՌԴ բնական (1996), Նյու Յորքի (1994) ԳԱ-ների անդամ։

Պարգևներ

• ԽՍՀՄ ԺՏՆՑ, Պ. Կապիցայի արծաթե (1998), Ի. Պ. Պավլովի (2000) մեդալներ,
• ԽՍՀՄ Նախարարների խորհրդի մրցանակ (1984):
• Մ. Ա. Ավերբախի ակադեմիայի դիպլոմ (2001):

Երկեր

• Герпес - этиология, диагностика, лечение, М., 1986.
• Офтальмогерпес, М., 1994.

Գրականություն

• Айриян А.П. Армянские учёные-медики. - Ер., 1998 - 276 с. ISBN 99930-1-001-7

Վիքիդարանն ունի նյութեր, որոնք վերաբերում են «Արկադի Կասպարով» հոդվածին։