Արիս Շաքլյան

Արիս Շաքլյան
Ծնվել է	1900
Ծննդավայր	Կիլիկիա
Վախճանվել է	նոյեմբերի 13, 1959(1959-11-13)
Վախճանի վայր	Երևան, Հայկական ԽՍՀ, ԽՍՀՄ
Գրական անուն	Վարուժնակ Արիս և Ա. Շ.
Մասնագիտություն	խմբագիր, արձակագիր և բանաստեղծ
Անդամակցություն	ԽՍՀՄ Գրողների միություն
Աշխատավայր	Եփրատ

Արիս Մկրտչի Շաքլյան (1900, Կիլիկիա - նոյեմբերի 13, 1959(1959-11-13), Երևան, Հայկական ԽՍՀ, ԽՍՀՄ), հայ բանաստեղծ, արձակագիր, ԽՍՀՄ գրողների միության անդամ 1947 թվականից։ Կրել է Վարուժնակ Արիս գրական անունը, առաջին գիրքը լույս է տեսել այդ անունով, ստորագրել է նաև Ա. Շ.։

Ծնվել է Կիլիկիայի Չորք Մարզպան (Դյորդ-յոլ) քաղաքում։ Ավարտել է տեղի միջնակարգ դպրոցը, ապա որպես ուսուցիչ աշխատել Ալեքսանդրետի և Դամասկոսի հայկական դպրոցներում։ Ա. Շաքլյանը «Եփրատ» թերթի խմբագիր է եղել 1929 թվականի ամռանը, 1931-1932 թվականներին, 1936-1937 թվականներին (թերթը դարձել է երկօրյա) և 1943-1945 թվականներին։ 1945 թվականին ներգաղթել է Հայաստան։ Մահացել է Երևանում։

Ա. Շաքլյանի երկերի մատենագրություն

• Դեղին երգեր, Հալէպ, տպարան Արարա, 1927, 40 էջ։
• Միջինք, Հալէպ, տպարան Տեր-Սահակեան, 1943, 80 էջ։
• Կար ու չկար... (պատմվածքներ), Հալէպ, տպարան Ա. Տեր-Սահակեան, 1946, 147 էջ։
• Մեր Հայաստանն է, Երևան, Հայպետհրատ, 1949, 82 էջ։
• Հեքիաթներ (գրքում տեղ է գտել Ա. Շաքլյանի «Բախտի անիվը» հեքիաթը), Հալեպ, տպարան Տեր-Սահակյանի, 1950, 11 էջ։
• Հեքիաթներ, Հալեպ, տպարան «Նայիրի», 1950, 28 էջ։
• Բախտն ու աշխատանքը (հեքիաթներ և զրույցներ), Երևան, Հայպետհրատ, 1956, 123 էջ։
• Ինձնից քեզ խրատ (հեքիաթներ և զրույցներ), Երևան, Հայպետհրատ, 1957, 112 էջ։
• Ֆալլահներ (վեպ), Երևան, Հայպետհրատ, 1958, 416 էջ։
• Հեքիաթներ, Երևան, Հայպետհրատ, 1960, 103 էջ։