Արթուր Սահակյան (բժիշկ)
Անվան այլ կիրառումների համար տե՛ս՝ Արթուր Սահակյան (այլ կիրառումներ)- Վիքիպեդիայում կան հոդվածներ Սահակյան ազգանունով այլ մարդկանց մասին։
 | |
|---|---|
| Ծնվել է | մարտի 18, 1952 (72 տարեկան) |
| Ծննդավայր | Լենինական, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Երևանի Մխիթար Հերացու անվան Պետական Բժշկական Համալսարան (1975) և Նիկոլայ Պետրովի անվան ուռուցքաբանության գիտահետազոտական ինստիտուտ (1981) |
| Մասնագիտություն | վիրաբույժ և ուռուցքաբան |
| Գիտական աստիճան | բժշկական գիտությունների դոկտոր և պրոֆեսոր |
Արթուր Մուշեղի Սահակյան (մարտի 18, 1952, Լենինական, Հայկական ԽՍՀ, ԽՍՀՄ), հայ վիրաբույժ, ուռուցքաբան։ Բժշկական գիտությունների դոկտոր (1995), պրոֆեսոր (1996)։
Կենսագրություն[խմբագրել | խմբագրել կոդը]
Արթուր Սահակյանը ծնվել է 1952 թվականին Լենինականում։ 1975 թվականին ավարտել է Երևանի բժշկական ինստիտուտի թերապևտիկ-կանխարգելիչ ֆակուլտետը։ 1978-1981 թվականներին եղել է Լենինգրադի Նիկոլայ Պետրովի անվան ուռուցքաբանության գիտահետազոտական ինստիտուտի ասպիրանտ։ 1981 թվականին աշխատել է ՀԽՍՀ ուռուցքաբանության գիտահետազոտական կենտրոնում, եղել կրտսեր գիտաշխատող, 1986 թվականից՝ ավագ գիտաշխատող։ 1993 թվականին պաշտպանել է թեկնածուական ատենախոսություն։ 1996-1997 թվականներին եղել է ՀՀ ՆԳՆ հոսպիտալի վիրաբուժության բաժնի, 1997-1999 թվականներին՝ «Էրեբունի» բժշկական կենտրոնի ներզատական և ընդհանուր վիրաբուժության, 2002-2004 թվականներին՝ «Սուրբ Ներսես Մեծ» բժշկական կենտրոնի վերակառուցողական վիրաբուժության, 2004-2009 թվականներին՝ «Քանաքեռ-Զեյթուն» բժշկական կենտրոնի վիրաբուժության բաժանմունքների ղեկավար։ 1996 թվականից ՀՀ վիրաբույժների, 2000 թվականից՝ Հայկական բժշկական ընկերակցությունների անդամ։ 2006 թվականից Երևանի գլխավոր վիրաբույժ, 2009 թվականից՝ «ԱրթՄեդ» բժշկական կենտրոնի ընդհանուր և որովայնային վիրաբուժության բաժանմունքի պետ։
Աշխատանքները վերաբերում են ՀՀ-ում կերակրափողի, ստամոքսի և ենթաստամոքսային գեղձի ուռուցքների վիրահատական բուժման նոր եղանակների մշակմանը։ Ներդրել է ավշային անոթների լայնածավալ հատման, համակցված մասնահատումների և վերակառուցողական տարբեր եղանակներ[1][2][3]։
Երկեր[խմբագրել | խմբագրել կոդը]
- Диагностика и лечение сарком мягких тканей. Ереван, 1984.
Ծանոթագրություններ[խմբագրել | խմբագրել կոդը]
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- ↑ «Arthur M. Sahakyan». www.surgeonsam.com. Վերցված է 2016 թ․ նոյեմբերի 1-ին.
- ↑ «СААКЯН АРТУР МУШЕГОВИЧ - ArmenianDoctors.net». armeniandoctors.net. Արխիվացված է օրիգինալից 2016 թ․ նոյեմբերի 10-ին. Վերցված է 2016 թ․ նոյեմբերի 1-ին.