Արամ Բոյաջյան

Վիքիպեդիայում կան հոդվածներ Բոյաջյան ազգանունով այլ մարդկանց մասին։

Արամ Արսենի Բոյաջյան
Ծնվել է	1888, մարտի 15 գյուղ Տալաս, Անատոլիա, Թուրքիա
Մահացել է	1949 Փիրսֆիլդ
Ազգություն	Հայ
Մասնագիտություն	Էլեկտրատեխնիկա
Ալմա մատեր	Սվարթմորի քոլեջ

Արամ Արսենի Բոյաջյան (1888, մարտի 15, գյուղ Տալաս, Անատոլիա, Թուրքիա - 1949, Փիրսֆիլդ), էլեկտրատեխնիկ, ՀԽՍՀ ԳԱ արտասահմանյան անդամ (1945)։

Կենսագրություն

Արամ Բոյաջյանը ծնվել է 1888 թվականին Անատոլիայի Տալաս գյուղում։ 1910 թվականից բնակվել է ԱՄՆ-ում։ 1915 թվականին ավարտել է ԱՄՆ-ի Փենսիլվանիա նահանգի Սվարթմորի քոլեջը։ 1915-1949 թվականներին աշխատել է «Ջեներալ Էլեկտրիկ» ընկերությունում, մասնագիտացել էլեկտրական շղթաների տեսության բնագավառում։ Դասավանդել է Մասաչուսեթսի տեխնոլոգիական ինստիտուտում։ Եղել է էլեկտրատեխնիկայի գծով ճարտարագետների ամերիկյան ինստիտուտի անդամ։

Գործունեություն

Հիմնական աշխատանքները վերաբերում են էլեկտրամագնիսական դաշտի, էլեկտրական մեքենաների և էլեկտրական շղթաների տեսությունների հարցերին, եռափաթույթ տրանսֆորմատորներին, էլեկտրական շղթաներում տրանսֆորմատորային միացումներին, ոչ գծային շղթաների մաթեմատիկական անալիզին։