Ավստրիայի ֆուտբոլային միություն

Ավստրիայի ֆուտբոլային միություն գերմ.՝ Österreichischer Fußball-Bund
Երկիր	Ավստրիա
Հիմնված	մարտի 18, 1904
Շտաբ	Վիեննա, Ավստրիա
ՖԻՖԱ-ի անդամ	1905
ՈՒԵՖԱ-ի անդամ	1954
Նախագահ	Լեո Ուինդտներ
Հավաքականի մարզիչ	Դիեթմար Կոնստանտինի
Կայք	oefb.at
Austrian Football Association Վիքիպահեստում

Ավստրիայի ֆուտբոլային միություն (գերմաներեն՝ Österreichischer Fußball-Bund), Ֆուտբոլային միությունն ստեղծվել է 1904-ին։ ՖԻՖԱ-ի անդամ 1905-ից։ Խոշորագույն մարզադաշտը «Էռնեստ Հապել» (նախկինում «Պրատեր», Վիեննա)՝ 63.000։

Ազգային հավաքականը (մարզազգեստը՝ սպիտակ մարզաշապիկ, սև վարտիք), 1930-ականներին փայլուն խաղ ցուցադրելով՝ լեգենդային թիմի համբավ ձեռք բերեց եվրոպական ֆուտբոլում։ Նրան անվանում էին «վունդերթիմ» («հրաշք թիմ»), որը կազմալուծվեց 1938-ին, գերմանաֆաշիստական զորքերը զավթեցին Ավստրիան։ Եղել է աշխարհի 1954-ի առաջնության 3-րդ մրցանակակիր, 1936-ի օլիմպիական խաղերի արծաթե մեդալակիր։

Ավստրիական ֆուտբոլին բնորոշ են ուժային պայքարը, արագությունը, գնդակի բազմաքայլ խաղարկումները։

Առաջատար ակումբներն են «Ռապիդը», «Աուստրիան», «Ադմիրան»։

Լավագույն խաղացողներն են Սեստան, Սինդելարը, Բիկան, Բինդերը, Հանապին, Օվցիրկը, Հապելը, Զեմանը, Կոլերը, Հոֆը, Բուցեկը, Պեցեյը, Պրոհազկան, Կրանկլը, Պոլստերը, Հերցոգը և ուրիշներ։ Ֆրանց Բինդերը ընդհանուր առմամբ խփել է 1006 գոլ, որը աշխարհի լավագույն ցուցանիշներից է։

Լավագույն մարզիչներն են Ռապանը և Հապելը։

Արտաքին հղումներ

• Ավստրիայի ֆուտբոլային միության պաշտոնական կայքէջը