Ավետ Նազինյան

Ավետ Նազինյան
Ծնվել է	օգոստոսի 31, 1967(1967-08-31) (52 տարեկան)
Ծննդավայր	Երևան, Հայկական ԽՍՀ, ԽՍՀՄ
Ազգություն	հայ
Կրթություն	Երևանի Մխիթար Հերացու անվան Պետական Բժշկական Համալսարան
Մասնագիտություն	բժիշկ և նյարդաֆիզիոլոգ
Գիտական աստիճան	բժշկական գիտությունների դոկտոր և պրոֆեսոր

Ավետ Հենզելի Նազինյան (օգոստոսի 31, 1967(1967-08-31), Երևան, Հայկական ԽՍՀ, ԽՍՀՄ), հայ նյարդախտաբան, նյարդաֆիզիոլոգ: Բժշկական գիտությունների դոկտոր (2003), պրոֆեսոր (2005):

Կենսագրություն

Ավետ Նազինյանը ծնվել է Երևանում: 1992 թվականին ավարտել է Երևանի բժշկական ինստիտուտը: 1997-1999 թվականներին աշխատել է «Նաիրի» բժշկաառողջարարական միավորման «Անոթանյարդաբանություն» ԳՀ կենտրոնի ֆունկցիոնալ ախտորոշման բաժանմունքում, 1999 թվականից՝ Մոսկվայի Ի. Սեչենովի անվան բժշկական ակադեմիայի նյարդային հիվանդությունների կլինիկայի և էլեկտրանյարդաֆիզիոլոգիայի միջկլինիկական լաբորատորիայում, 2005 թվականից՝ նյարդաանոթաբանության և գերձայնային դոպլերագրության ամբիոնի պրոֆեսոր և դասընթացների ղեկավար:

Մոսկվայի կենտրոնական վարչական շրջանի ընդհանուր նյարդաբանության և դոպլերագրության գծով խորհրդական, ՀՀ-ում «Ռուսաստանյան դոպլերագրական ակումբ» ընկերակցության ներկայացուցչության ղեկավար: ՌԴ բնական ԳԱ անդամ է, Կենսագործունեության անվտանգության և էկոլոգիայի միջազգային ակադեմիայի անդամ:

Աշխատանքները վերաբերում են գլխուղեղի և ողնուղեղի անոթային հիվանդությունների տարբերակիչ ախտորոշման, գլխուղեղի իշեմիկ հիվանդության ժամանակակից հարկլինիկական հետազոտման համալիր եղանակներին (ներառյալ նյարդերի տեսանելիացումն ու գերձայնային դոպլերագրությունը)՝ համատեղ գլխուղեղի արտա- և ներգանգային անոթների հետազոտմամբ և գլխուղեղային անոթների խցանման դետեկտավորման մոնիտորինգով: Ուսումնական ձեռնարկների համահեղինակ է:

Երկեր

• Աորտայի աղեղի ճյուղերի, գլխի խոշոր զարկերակների և ծայրամասային անոթների գերձայնային դոպլերագրություն, դասագիրք, 2002 (ռուսերեն):
• Ишемические нарушения мозгового кровообращения. Доплерография и транскраниальный эмболодетектирующий мониторинг, М., 2001.