Ավետիք Գևորգյան

Ավետիք Աշոտի Գևորգյան
Ծնվել է	դեկտեմբերի 5, 1940(1940-12-05)
Ծննդավայր	Երևան, Հայկական ԽՍՀ, ԽՍՀՄ
Մահացել է	ապրիլի 22, 1984(1984-04-22) (43 տարեկան)
Մահվան վայր	Երևան, Հայկական ԽՍՀ, ԽՍՀՄ
Կրթություն	Երևանի թեթև արդյունաբերության պետական քոլեջ
Մասնագիտություն	դերասան
Ընտրանի	Տղամարդիկ, Համագյուղացիներ, Երբ գալիս է սեպտեմբերը, Հուսո աստղ և Լեգենդ ծաղրածուի մասին
Երեխա(ներ)	Արամո

Ավետիք (Ավրորա, Ավետ) Աշոտի Գևորգյան (դեկտեմբերի 5, 1940(1940-12-05), Երևան, Հայկական ԽՍՀ, ԽՍՀՄ - ապրիլի 22, 1984(1984-04-22), Երևան, Հայկական ԽՍՀ, ԽՍՀՄ), հայ դերասան։

ՀՀ վաստակավոր արտիստ Արամոյի հայրը, կինոդերասանուհի, ՀԽՍՀ վաստակավոր արտիստուհի Լաուրա Գևորգյանի եղբայրը։

Կենսագրություն

Ավետիք Գևորգյանը ծնվել է Երևանում։ 1957 թվականին ավարտել է Երևանի Կրուպսկայայի անվան թիվ 19 միջնակարգ դպրոցը, այնուհետև` Երևանի թեթև արդյունաբերության տեխնիկումի կոշիկի տեխնոլոգիայի բաժինը։ 1960 թվականից աշխատել է «Նաիրի» կոշիկի ֆաբրիկայում, եղել է ձևավորող, 1971 թվականից միաժամանակ աշխատել է «Հայֆիլմ» կինոստուդիայում և նկարահանվել է ֆիլմերում։ Եղել է բազմաթիվ հայկական ֆիլմերի տնօրենը։

Տղամարդիկ արձանախումբը Երևանում, Սուրեն (դերասան՝ Մհեր Մկրտչյան), Վազգեն (Ազատ Շերենց), Արամ (Ավետիք Գևորգյան) և Սաքո (Արմեն Այվազյան)

Մահ

1980 թվականին հիվանդացել է ծանր հիվանդությամբ։ Մահացել է Երևանում 1984 թվականին։

Ֆիլմեր

• «Տղամարդիկ», 1971
• «Համագյուղացիներ», 1974
• «Երբ գալիս է սեպտեմբերը», 1974
• «Հուսո աստղ», 1978
• «Լեգենդ ծաղրածուի մասին», 1979

Ռեժիսորի ասիստենտ

• Լքված հեքիաթների կիրճը