Ավագ շաբաթվա երգասացություններ

Ավագ շաբաթվա երգասություններ, ավագ շաբաթվա բոլոր օրերին կատարվող երգեր։

Ավագ շաբաթը Հիսուս Քրիստոսի երկրային կյանքի ու չարչարանքի վերջին շաբաթն է, կանոնների մշակումը վերագրվում է Սահակ Ա Պարթևին։ «Անեղն ի Հօրէ» «Իմաստուն կուսանքն «Որ յաթոռ փառաց» «Այսօր ի կատարումն» օրհնությունները և Ավագ շաբաթվա «Կենդանին յաւիտենից» «Կուսածին մարմնով» շարականների հեղինակը Ներսես Շնորհալին է։ Շաբաթվա ընթացքում երգվում են նաև բազմաթիվ այլ հոգևոր առավոտերգեր՝

• «Ի սկզբանէ Տէր» (Ավագ երկուշաբթի)
• «Տարցին թագաւորի» (Ավագ երեքշաբթի)
• «Խորհեցան» (Ավագ չորեքշաբթի)
• «Որսացան զանձն» (Ավագ հինգշաբթի)

Շաբաթվա երգերից են Ավագ հինգշաբթի օրվա «Զահեղ զանքնին, զխորհուրդ խորին»գանձի 2 պատկերները՝ «Այս խորհուրդ լցաւ»-ն ու «Սիրտ իմ սասանին», որոնց հեղինակը Մխիթար Այրիվանեցին է (13-րդ)։ Խաչելության դրվագներ են անանուն հեղինակների «Տիրամայրն» և «Ուր ես մայր իմ» տաղերը։

Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։