Առասպել (ֆիլմ, 2005)
 神話 | |
|---|---|
 | |
| Երկիր |  Հոնկոնգ Չինաստան |
| Ժանր | ֆենտեզի արկածային մարտաֆիլմ կատակերգություն դրամա |
| Թվական | 2005 |
| Պրեմիերա | 2005 թվականի մայիսի 5 |
| Լեզու | Կանտոնական բարբառ պուտունհուա կորեերեն անգլերեն |
| Ռեժիսոր | Սթենլի Տոնգ |
| Պրոդյուսեր | Բոբի Բեդի Ջեքի Չան |
| Սցենարի հեղինակ | Սթենլի Տոնգ Հայ Շու Լի Հուլ Լինգ Ուենգ |
| Դերակատարներ | Ջեքի Չան Տոնի Լյուն Կա Ֆայ Հի Սուն Կիմ Մալիկա Շերավաթ Կիմ Հի Սոն |
| Օպերատոր | Վինգ Հունգ Վոնգ |
| Երաժշտություն | Գարի Չեյզ Նաթան Վանգ |
| Պատմվածքի վայր | Հնդկաստան |
| Կինոընկերություն | China Film Group Corporation JCE Entertainment Ltd. |
| Տևողություն | 117 րոպե |
| Բյուջե | 15 000 000 հոնգկոնգյան դոլլար |
| Շահույթ | 17 062 608 հոնգկոնգյան դոլլար կամ ¥120,000,000 |
| IMDb | ID 0365847 |
«Առասպել» (չին.՝ 神話), ռեժիսոր Սթենլի Տոնգի պատմա-արկածային ֆիլմը։
Սյուժե[խմբագրել | խմբագրել կոդը]
Ցին դինաստիայի ժամանակ գեներալ Մեն Ի-ին հանձնարարված էր կորեական արքայադուստր Օկ Սուին ուղեկցել Չինաստան, որտեղ նա պետք է ամուսնանար Ցին Կայսրի հետ։ Ճանապարհին կորեական բանակը փորձում է ետ գրավել նրան, սակայն Մեն Ի-ն փրկում է նրան։ Օկ Սուն սիրահարվում է գեներալին, ով նրան պատասխանում է փոխադարձությամբ, սակայն Մեն Ի-ն զսպում է իր զգացմունքները, մինչ վերջ փորձելով հավատարիմ մնալ կայսրին։ Անցնելով երկար ճանապարտ, նրանք հասնում են մինչև Ցինի մայրաքաղաք։ Որոշ ժամանակ անց Ցին Կայսրը մահացու հիվանդանում է և Մեն Ի-ին ուղարկում է գտնելու անմահության թուրմը՝ միակը, որը կարող է փրկել նրա կյանքը։ Պահնորդները, ովքեր ուղեկցում էին թուրմը, ընկնում են խռովարարների թակարդը, որը կազմակերպել էին դավադիր արքայազնը և մեծատոհմիկ մի ազնվական։ Մեն Ի-ն թուրմը հանձնում է իր տեղակալ Նանգոն Յանին, իսկ ինքը մնում է, որպեսզի կանգնեցնի խռովարարների բանակը և սպանվում է։ Նանգոն Յանը թուրմը հասցնում է կայսրին։ Արքայազնը և մեծատոհմիկը նրան և Օկ Սուին մեղադրում են դավաճանության մեջ, նրանց ստիպում են խմել թուրմը և ազատությունից զրկման են դատապարտում կայսր Ցինի դամաբարանում՝ դարեդար։
Մեր ժամանակները։ Ջեկը հնագետ է և Մեն Ի-ի վերամարմնավորումը։ Նա երազներում հաճախ տեսնում է իր անցյալ կյանքը։ Մի անգամ նրա վաղեմի ընկեր Ուիլյամը նրան հրավիրում է հազվադեպ նյութի որոնումներին, որը կարող ստեղծել զրոյական ձգողականության դաշտ։ Նրանք մեկնում են արքա Դասարի թռչող դամաբարանի մոտ Հնդկաստանում, որում Ջեկը հայտնաբերում է իր երազներից արքայադուստրի պատկերը։ Այդ ընթացքում Ուիլյամը առյուծի արձանից դուրս է հանում տարրօրինակ սև քար, ինչով խախտում է ձգողականության դաշտը և արքա Դասարի դագաղը, որը մինչ այդ սավառնում էր օդում, ընկնում է գետնին։ Տեղի բնակիչները կատաղության մեջ են ընկնում և սկսում են հետապնդել սրբավայրը պղծողներին։ Ուիլյամին հաջողվում է փախուստի դիմեր ուղղաթիռով, իսկ Ջեկը ժայռից նետվում է գետը և կորցնում գիտակցությունը։ Ալիքները նրան ափ են հանում և Ջեկին փրկում է Սամանթա անունով հնդիկ աղջիկ։ Վերադառնալով Չինաստան, նա սուրը և այլ արտեֆակտներ, որոնք նա հայտնաբերել էր Դասարի դամբարանում, հանձնում է Չինաստանի ազգային թանգարանին։ Նրա արարքը զայրացնում է գաղտնի կազմակերպության առաջնորդին, որը ֆինանսավորել էր Ուիլյամի արշավախումբը։
Լայնածավալ հետազոտություններից հետո Ջեկը և Ուիլյամը հանգում են այն եզրակացության, որ արձանից սև քարը իրականում հանդիսանում է երկնաքարի կտոր, որը Երկիր էր ընկել Ցին դինաստիայի ժամանակներում։ Նրանք գտնում են Ցին Կայսրի դամբարանը, որը թաքցված էր ջրվեժի հետևում։ Դամաբփարանը պարունակում է երկնաքարի խոշոր կտոր, այնքան հզոր, որ կայսրի գերեզմանով հսկայական պալատը սավառնում է օդում։ Դամբարանի ներսում Ջեկը հանդիպում է արդեն անմահ Օկ Սուին և Նանգոն Յանին, որոնք նրան ընդունում են գեներալ Մեն Ի-ի տեղը։ Հենց նույն պահին գաղտնի կազմակերպությունից չարակամների խումբը իրենց առաղնորդի հետ միասին մուտք են գործում դամբարան և ցանկանում են հափշտակել անմահության թուրմը։ Սկսվում է մարտ։ Ուիլյամը պատահականորեն խախտում է ձգողականության դաշտի հավասարակշռությունը և մահանում է սնդիկի գետում։ Ջեկը Օկ Սուին խնդրում է հեռանալ իր հետ, սակայն վերջինս հրաժարվում է, գիտակցելով, որ Ջեկը Մեն Ի-ն չէ և ասում, որ պետք է սպասի «իրական» Մեն Ի-ի վերադարձին։ Ջեկը փրկվում է կործանվող դամաբարանից երկնաքարի կտորների օգնությամբ։
Կես տարի անց նա իր արկածների մասին գրում է «Առասպել» գիրքը և այն նվիրում է Ուիլյամին։
Դերերում[խմբագրել | խմբագրել կոդը]
- Ջեքի Չան — Գեներալ Մեն Ի/Ջեկ
- Կիմ Հի Սոն — Արքայադուստր Օկ Սու
- Տոնի Լյուն Կա Ֆայ — Ուիլյամ
- Մալիկա Շերավաթ — Սամանթա
- Պատրիկ Տամ — գեներալ Սյույ Հույ
- Շաո Բին — Նանգոն Յան
- Լիան Շուլիան — ներքինի Չժաո Գաո
- Չժան Յկուն — արքայազն Էրշի Հուան
- Չեն Վեյգուո — խորհրդական Լի Սի
- Մեգի Լաու — Մեգի
- Սիդանշու Պանդեյ — Դասար տաճարի զորքի հրամանատար
Արտաքին հղումներ[խմբագրել | խմբագրել կոդը]
- Առասպել(անգլ.) ֆիլմը Internet Movie Database կայքում
- «Առասպել»(անգլ.) ֆիլմը allmovie կայքում:
- Առասպել(անգլ.) ֆիլմը Rotten Tomatoes կայքում
|
