Առաջին համաշխարհային պատերազմի հերոսների հուշարձան (Պսկով)
 | |
|---|---|
 | |
 | |
| Տեսակ | հուշարձան |
| Երկիր |  Ռուսաստան |
Առաջին համաշխարհային պատերազմի հերոսների հուշարձան (ռուս.՝ Памятник героям Первой мировой войны), հուշարձան` տեղադրված Պսկով քաղաքում Առաջին համաշխարհային պատերազմի հարյուրամյակի կապակցությամբ, նվիրված այդ պատերազմում զոհված ռուս զինվորների և սպաների հիշատակին։
Պատմություն[խմբագրել | խմբագրել կոդը]
Հուշարձանը կառուցվել է Ռուսական ռազմա-պատմական ընկերության նախաձեռնությամբ[1]։ Ընկերության կողմից հայտարարված մրցույթում հաղթել է Ռուսաստանի Դաշնության ժողովրդական նկարիչ Սալավաթ Շչերբակովը:Հուշարձանի պատրաստման և տեղադրման նպատակով ծախսվել է 12,5 միլիոն ռուբլի։ Հուշարձանի հանդիսավոր բացումը տեղի է ունեցել 2014 թվականի օգոստոսի 22-ին Պսկովի ավտոբուսային և երկաթուղային կայարանների միջև ընկած զբոսայգում։ Բացման արարողությանը մասնակցել են Ռուսաստանի Դաշնության կառավարության ղեկավարի տեղակալ Օլգա Գոլոդեցը, Ռուսաստանի Օդադեսանտային զորքերի հրամանատար Վլադիմիր Շամանովը, Պսկովի մարզի նահանգապետ Անդրեյ Տուրչակը[2]։
Հուշարձանը որոշվել է տեղադրել այն վայրում, որտեղ Առաջին համաշխարհային պատերազմի տարիներին տեղաբաշխվել էր 24-րդ հետևակային դիվիզիան։ Հուշարձանի երկաթուղային կայարանի շրջանում տեղադրելու մյուս պատճառն այն էր, որ հենց այստեղ էր կայսր Նիկոլայ երկրորդը հրաժարվել գահից և այդ իրադարձության հիշատակին մոտակայքում կառուցվել էր մատուռը[2]։
Հուշարձանը իրենից ներկայացնում է հրացանով գրոհի գնացող ռուս զինվորի պատկերը։ Պատկերի ետևում ծածանվում է Պսկովյան հետևակային գնդի դրոշը[2]։
Ծանոթագրություններ[խմբագրել | խմբագրել կոդը]
- ↑ «В Пскове открыт памятник героям Первой мировой войны» (ռուսերեն). Российское военно-историческое общество. 22.08.2014. Արխիվացված է օրիգինալից 2014 թ․ հոկտեմբերի 19-ին. Վերցված է 2014 թ․ հոկտեմբերի 19-ին.
- ↑ 2,0 2,1 2,2 «В Пскове открыли памятник героям Первой мировой войны» (ռուսերեն). Regnum. 22.08.2014. Վերցված է 2014 թ․ հոկտեմբերի 19-ին.