Աշոտ Մուրադյան (լուսանկարիչ)

Վիքիպեդիայում կան հոդվածներ Մուրադյան ազգանունով այլ մարդկանց մասին։

Անվան այլ կիրառումների համար տե՛ս՝ Աշոտ Մուրադյան (այլ կիրառումներ)

Աշոտ Մուրադյան
Ծնվել է	1963
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Կրթություն	Հայկական պետական մանկավարժական համալսարան (1990)
Մասնագիտություն	լուսանկարիչ

Աշոտ Միհրանի Մուրադյան (1963, Երևան, Հայկական ԽՍՀ, ԽՍՀՄ), հայ լուսանկարիչ։

Կենսագրություն

Աշոտ Մուրադյանը ծնվել է 1963 թվականին, Երևանում։

Լուսանկարչական գործունեությունը սկսել է 1980-ականների կեսերին։ Կարճ ժամանակահատված աշխատել է «Երևան» հեռուստաֆիլմերի ստուդիայում։ 1990 թվականին ավարտել է Երևանի Խաչատուր Աբովյանի անվան մանկավարժական ինստիտուտի կինո-ֆոտո բաժինը։ 1990-ական թվականներին լուսանկարչություն է դասավանդել Գեղագիտական դաստիարակության հանրապետական կենտրոնում։ Հետագայում հիմնել է «Կոլլաժ» հրատարակչությունը։ 1980-ականներից Մուրադյանը թղթակցել է Հայաստանյան տարբեր պարբերականներին և թերթերին։ Մուրադյանի աշխատանքներն առանձնանում են ծանրակշիռ սիմվոլիզմով, ձգտում են դեպի ցայտուն արտաքին էֆեկտներ։

Հայաստանի անկախացումից հետո զբաղվել է վավերագրական աշխատանքներով՝ ներկայացնելով Արցախյան պատերազմը ներկայացնող լուսանկարների շարքը, որը 2016 թվականին հրատարակվել է «Ճանապարհ դեպի հաղթանակ» խորագրով ֆոտոգրքում։

Ֆոտոգրքեր

• «Արմենիա», Երևան։ Կոլլաժ ՍՊԸ, 2016։
• «Սյունիք»
• «Տավուշը»
• «Ճանապարհ դեպի հաղթանակ», Երևան։ Կոլլաժ, 2016։
• «Արցախ», Երևան։ Կոլլաժ, 2016

Ցուցահանդեսներ

• «Շուշիից Շուշի»

Գրականություն

• Մուրադյան, Աշոտ։ Ճանապարհ դեպի հաղթանակ, Կոլաժ, Երևան, 2016։
• Քոչար, Վահան։ Հայ լուսանկարիչներ, հեղինակային հրատարակություն, 2007, էջ 255։

Արտաքին հղումներ

• Աշոտ Մուրադյանի աշխատանքների ցուցահանդեսն ու «Արցախ» խորագրով լուսանկարների ալբոմի շնորհանդեսը