Աշոտ Աղաբաբյան (քաղաքական գործիչ)
- Վիքիպեդիայում կան հոդվածներ Աղաբաբյան ազգանունով այլ մարդկանց մասին։
| Աշոտ Աղաբաբյան | |
|---|---|
| Ծնվել է | նոյեմբերի 8, 1952 (71 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Հայաստանի պետական տնտեսագիտական համալսարան (1978) |
| Մասնագիտություն | քաղաքական գործիչ, գործարար, պատգամավոր և տնտեսագետ |
| Պարգևներ և մրցանակներ | |
Աշոտ Սերյոժայի Աղաբաբյան (նոյեմբերի 8, 1952, Երևան, Հայկական ԽՍՀ, ԽՍՀՄ), քաղաքական գործիչ, գործարար[1], Հայաստանի Ազգային ժողովի նախկին պատգամավոր։
Կենսագրություն[խմբագրել | խմբագրել կոդը]
Աշոտ Աղաբաբյանը ծնվել է 1952 թվականի նոյեմբերի 8-ին Երևանում[2]։ 1970-1972 թվականներին ծառայել է խորհրդային բանակում։ 1978 թվականին ավարտել է Երևանի ժողովրդական տնտեսության ինստիտուտը[3]։ Ստացել է տնտեսագետի որակավորումը։ 1974 թվականին Երևանի մետաքսի կոմբինատում աշխատել է հանգուցակապող, իսկ 1974-1977 թվականներին՝ փականագործ։ 1977-1978 թվականներին եղել է Երևանի տրիկոտաժի կոմբինատի տնտեսագետ, ապա՝ ճարտարագետ, իսկ 1979 թվականին՝ «Հայուղևորտրանսի» ավագ տնտեսագետ։ 1979-1980 թվականներին եղել է Երքաղսովետի գործկոմի առևտրի վարչության թիվ 3 սննդառի խանութի վարիչ, 1980-1983 թվականներին՝ Երևանի թիվ 6 սննդառի խանութի վարիչի տեղակալ, իսկ 1983-1992 թվականներին՝ Երևանի թիվ 4 սննդառի խանութի վարիչ։
1988 թվականին մասնակցել է «Անկախության բանակ» ռազմահայրենասիրական կազմակերպության մարտական գործողություններին (Երասխավան, Նուբարաշեն, Նոյեմբերյան, Լաչին և այլն), եղել է ռազմական խորհրդի անդամ, շտաբի պետ։ 1990 թվականին ընտրվել է Երևանի Մաշտոցի շրջխորհրդի պատգամավոր։ 1993-1999 թվականներին եղել է «Հրազդան» մարզահամալիրի գլխավոր տնօրեն[4], 1999 թվականից եղել է «Հրազդան մարզահամալիր Վ.Ձ.» ՓԲԸ տնօրենների խորհրդի նախագահ։ 2002 թվականին ընտրվել է Երևանի ֆուտբոլի ֆեդերացիայի նախագահ։ 2003-2007 թվականներին եղել է Ազգային Ժողովի պատգամավոր (թիվ 48 ընտրատարածք)։ Եղել է Ազգային Ժողովի գիտության, կրթության, մշակույթի և երիտասարդության հարցերի մշտական հանձնաժողովի անդամ։ 2007-2012 թվականներին եղել է Ազգային Ժողովի պատգամավոր՝ թիվ 33 ընտրատարածքից։ 19.06.2007-11.07.2007-ին եղել է Ազգային Ժողովի մարդու իրավունքների պաշտպանության և հանրային հարցերի մշտական հանձնաժողովի անդամ, իսկ 11.07.2007-06.05.2012 թվականներին՝ եղել է տնտեսական հարցերի մշտական հանձնաժողովի անդամ։ Եղել է ՀՀԿ խմբակցության անդամ։ 2012 թվականի մայիսի 6-ին Ազգային ժողովի պատգամավոր է ընտրվել թիվ 33 ընտրատարածքից։
Պարգևներ[խմբագրել | խմբագրել կոդը]
- «Մարտական ծառայության» մեդալ, (1996)
- Հայաստանի Հանրապետություն վարչապետի հուշամեդալ, (2006)
- «Վազգեն Սարգսյան» մեդալ, (2006)
- «Մարշալ Բաղրամյան» մեդալ, (2007)
- «ՀՀ զինված ուժեր. 20 տարի» մեդալ, (2012)[5]։
Անձնական կյանք[խմբագրել | խմբագրել կոդը]
Ամուսնացած է, ունի երեք զավակ։
Ծանոթագրություններ[խմբագրել | խմբագրել կոդը]
- ↑ «Եթե գործարար եմ, ուրեմն հետս հարսանի՞ք էլ չի կարելի գալ. Աշոտ Աղաբաբյան (Բուռնաշ) (տեսանյութ) | Armlur – Լուրեր Հայաստանից» (ամերիկյան անգլերեն). Վերցված է 2021 թ․ հունվարի 9-ին.
- ↑ «Parliament Monitoring - Աղաբաբյան Աշոտ Սերյոժայի». parliamentmonitoring.am. Արխիվացված է օրիգինալից 2017 թ․ հունիսի 20-ին. Վերցված է 2021 թ․ հունվարի 9-ին.
- ↑ «Աշոտ Սերյոժայի Աղաբաբյան – Deputat» (անգլերեն). Արխիվացված է օրիգինալից 2021 թ․ հունվարի 11-ին. Վերցված է 2021 թ․ հունվարի 9-ին.
- ↑ «Агабабян Ашот Сережаевич — Энциклопедия фонда «Хайазг»». ru.hayazg.info. Վերցված է 2021 թ․ հունվարի 9-ին.
- ↑ «National Assembly of Armenia | Official Web Site | parliament.am». www.parliament.am. Վերցված է 2021 թ․ հունվարի 9-ին.
Արտաքին հղումներ[խմբագրել | խմբագրել կոդը]
| ||||||
