Աշխատավորների ելքը ֆաբրիկայից

Վիքիպեդիայից՝ ազատ հանրագիտարանից
Picto infobox cinema.png
Աշխատավորների ելքը ֆաբրիկայից
La Sortie de l'usine Lumière à Lyon
La sortie des usines Lumiere.jpg
Երկիր Ֆրանսիա
Ժանր վավերագրական ֆիլմ
Թվական մարտի 22, 1895
Լեզու համր ֆիլմ
Ռեժիսոր Լուի Ժան Լյումիեր
Պրոդյուսեր Լուի Ժան Լյումիեր
Օպերատոր Լուի Ժան Լյումիեր
Նկարահանման վայր Լիոն
Կինոընկերություն Լյումիեր եղբայրներ
Տևողություն 42 րոպե
La Sortie de l'usine Lumière à Lyon Վիքիպահեստում
Կադր կինոնկարից

Աշխատավորների ելքը ֆաբրիկայից (ֆր.՝ La Sortie de l'usine Lumière à Lyon, 1895), կարճամետրաժ վավերագրական ֆիլմ, Լյումիեր եղբայրների առաջին կինոնկարներից է։ Փաստացի հանրությանը էկրանին ցույց տրված առաջին կինոնկարն է։ Կինոնկարը անվանվում է նաև «Ելքը ֆաբրիկայից» կամ «Աշխատավորների ելքը Լյումիեր եղբայրների ֆաբրիկայից»։

Առաջին անգամ ցուցադրվել է 1895 թվականի մարտի 22-ին ֆրանսիական լուսանկարչական արդյունաբերության զարգացմանը նվիրված կոնֆերանսի ժամանակ։ Այս ֆիլմով էլ սկսվել է Փարիզի Կապուցինների բուլվարի «Գրան կաֆե»-ի նկուղում Լյումիեր եղբայրների 1895 թվականի դեկտեմբերի 28-ի առաջին վճարովի կինոցուցադրմանը։

Հետաքրքիր փաստեր[խմբագրել | խմբագրել կոդը]

  • Ֆիլմը նկարահանվել է 1895 թվականի մարտի 19 Լյումիեր եղբայրների Լիոնի Մոնպլեզիր, Սեն-Վիկտոր 25 հասցեում գտնվող ֆաբրիկայի դարպասի մոտ։
  • Պահպանվել է Լյումիերների ստեղծած տվյալ սյուժեի երեք տարբերակ։ Դատելով լուսավորության և ստվերների դիրքից հավանաբար նկարվել են միքանի ժամվա տարբերությամբ։ Երեք տարբերակն էլ թողարկվել են «Լյումիեր եղբայրների առաջին կինոնկարները» DVD սկավառակի վրա։ Ըստ Բերտրան Տավերնյեի Լյումիերները իրենց առաջին ցուցադրությունների ժամանակ կարող էին ցուցադրել տարբերակներից ցանկացածը։ Դա հաստատում է այն, որ մամուլում կինոնկարի առաջին նկարագրությունները իրար չեն համապատասխանում։ Շունը, հեծանվորդը, ձին կամ կառքը՝ ոչ ամեն մի տարբերակում կան։ Այս փաստը ենթադրման տեղիք է տալիս, որ Լյումիերները մի քանի դուբլ ստանալու համար, պարզապես բանվորների հետ համաձայնեցնելով, մի քանի անգամ են նկարել տեսարանը։
  • Լյումիերների առևտրական տան համացուցակներում այս կինոնկարը 91-րդ համարն է կրում։

Արտաքին հղումներ[խմբագրել | խմբագրել կոդը]