Աշխատանքային վեճեր

Վիքիպեդիայից՝ ազատ հանրագիտարանից
Jump to navigation Jump to search
ՀՀ Աշխատանքային օրենսգիրք
Հայաստանի Հանրապետության աշխատանքային օրենսգիրքը
ՀՀ Աշխատանքային օրենսգիրք
Աշխատանքային հարաբերություններ
Կոլեկտիվ աշխատանքային հարաբերություններ
Աշխատանքային օրենսդրություն
Աշխատանքային իրավունք
Աշխատանքային պայմանագիր
Աշխատաժամանակ
Հանգիստ
Աշխատավարձ
Աշխատանքային կարգապահություն
Նյութական պատասխանատվություն
Աշխատանքային վեճեր

Հայաստան Հայաստան պորտալ

Աշխատանքային վեճեր, անհամաձայնություններ, որոնք աշխատանքային հարաբերությունների ոլորտում ծագում են՝

  • ա. բանվորի, ծառայողի և ձեռնարկության (հիմնարկի) ադմինիստրացիայի միջև՝ աշխատանքային օրենսդրության, կոլեկտիվ պայմանագրի, աշխատանքային ներքին կանոնների և այլ նորմատիվ ակտերի կիրառման շուրջը
  • բ. արհմիութենական կոմիտեի ու ադմինիստրացիայի միջև՝ տվյալ ձեռնարկության (հիմնարկի) բոլոր աշխատողների ընդհանուր շահերի հետ կապված հարցերի շուրջը։

ԽՍՀՄ և միութենական հանրապետությունների աշխատանքային օրենսդրության հիմունքների 86-րդ հոդվածի համաձայն, աշխատանքային վեճերը քննարկում են՝ աշխատանքային վեճերի հանձնաժողովները, արհմիութենական տեղական կոմիտեները և ժողովրդական դատարանները։ Աշխատանքային վեճերի հանձնաժողովները ձեռնարկություններում (հիմնարկներում) կազմակերպվում են արհմիության կոմիտեի և ադմինիստրացիայի հավասար թվով ներկայացուցիչներից։ Աշխատանքային վեճերի հանձնաժողովները սկզբնական պարտադիր մարմիններ են բոլոր աշխատանքային վեճերի քննարկման համար, բացառությամբ այն վեճերի, որոնք անմիջականորեն ենթակա են ժողովրդական դատարաններին և այլ մարմիններին։ Արհմիութենական տեղական կոմիտեն աշխատանքային վեճերը քննում է միայն այն դեպքում, երբ աշխատանքային վեճերի հանձնաժողովներում համաձայնություն չի կայացվել, կամ, երբ նրա որոշման դեմ աշխատողը բողոքել է տեղկոմին։ Տեղկոմի որոշման դեմ տրված բողոքը (աշխատողի կամ ադմինիստրացիայի) քննում է ժողդատարանը։ Նույն հիմունքների 89-րդ հոդվածով աշխատանքում վերականգնվելու վերաբերյալ աշխատանքային վեճը աշխատողը կարող է անմիջականորեն հարուցել ժողդատարան։ 1957 թվականի հունվարի 31-ի կանոնադրության № 1 հավելվածում թվարկվող աշխատողների արձակման, վերականգնման, փոխադրման և տույժի վերաբերյալ վեճերը քննարկվում են ենթակայության կարգով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 470 CC-BY-SA-icon-80x15.png