Անտոն Կոբյալկո

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Անտոն Կոբյալկո
Anton Kobjalko Ural Yekaterinburg.jpg
Անձնական տվյալներ
Քաղաքացիությունը Flag of Russia.svg Ռուսաստան
Ծննդյան ամսաթիվ մայիսի 14, 1986(1986-05-14)[1] (33 տարեկան)
Ծննդավայր Բարնաուլ, ՌԽՖՍՀ, ԽՍՀՄ
Հասակ 184 սմ
Քաշ 80 կգ
Դիրք հարձակվող
Ակումբային տեղեկություններ
Ներկա ակումբ Հայաստան Արարատ-Արմենիա
Համար 32
Պատանեկան կարիերա
Ռուսաստան Դինամո ՄՊՄԴ (Բարնաուլ)
Մասնագիտական կարիերա*
Տարի Ակումբ Խաղ (Գոլ)
2001 Ռուսաստան Պոլիմեր (Բարնաուլ) ԿՖԿ
?-2003 Ռուսաստան Դինամո-2 (Բարնաուլ) ԿՖԿ
2004-2007 Ռուսաստան Մետալուրգ-Կուզբասս 88 (28)
2008-2012 Ռուսաստան ԿԱՄԱԶ 146 (32)
2012-2013 Ռուսաստան Ուրալ 26 (6)
2013-2016 Ռուսաստան Օրենբուրգ 79 (14)
2016-2017 Ռուսաստան ԲՄԱ Խաբարովսկ 28 (1)
2017-2018 Ռուսաստան Բալթիկա 19 (3)
2018-մ.հ. Հայաստան Արարատ-Արմենիա 7 (1)
* Մասնագիտական կարիերայում ընդգրկված են միայն առաջնության խաղերը և գոլերը:

Անտոն Իգորևիչ Կոբյալկո (ռուս.՝ Антон Игоревич Кобялко, մայիսի 14, 1986(1986-05-14)[1], Բարնաուլ, ՌԽՖՍՀ, ԽՍՀՄ), ռուս ֆուտբոլիստ, «Արարատ-Արմենիա» ակումբի հարձակվող: Ռուսաստանի սպորտի վարպետ (2016)[2]:

Կենսագրություն[խմբագրել | խմբագրել կոդը]

Ծնվել է Ալթայի երկրամասի Բարնաուլ քաղաքում: Ֆուտբոլով զբաղվել սկսել է երկրորդ դասարանում սովորելու ընթացքում[3]: Առաջին մարզիչը եղել է Ա. Լետունովը[4]։ 15 տարեկանում արդեն խաղացել է Բարնաուլի «Պոլիմեր» ակումբում սիրողական մակարդակում: Դպրոցն ավարտելուց հետո պայմանագիր է կնքել Բարնաուլի «Դինամո» ակումբի հետ, որտեղ հանդես է եկել ակումբի երկրորդ կազմի խաղերում[3][4]:

Կոբյալկոն «Վոլգար» ակումբի դեմ խաղում, 12 մարտի, 2013 թվական

2004 թվականին հրավիրվել է Նովոկուզնեցկի «Մետալուրգ-Կուզբաս» ակումբում մասնակցելու դիտումների, ինչից հետո պայմանագիր կնքելու առաջարկ է ստացել[3]։ 2004 թվականին «Մետալուրգի» կազմում խաղացել է առաջին դիվիզիոնում՝ հիմնականում դուրս գալով փոխարինման։ Հետագայում դարձել է ակումբի հիմնական հարձակվող։ 2005 թվականի մրցաշրջանի արդյունքում «Մետալուրգ-Կուզբաս» ակումբն անցել է երկրորդ դիվիզիոն, բայց հաջորդ տարի, «Արևելք» տարածաշրջանում զբաղեցնելով 2-րդ տեղը, վերադարձել է առաջին դիվիզիոն՝ դրա զուահեռ հասնելով Ռուսաստանի գավաթի խաղարկության 1/16 եզրափակիչ, որտեղ Կոբյալկոն մասնակցել է Մոսկվայի «Լոկոմոտիվ» ակումբի դեմ երկու խաղերին։ 2007 թվականի մրցաշրջանում առաջին դիվիզոնում խփել է 18 գոլ։ 2004-2007 թվականներին Նովոկուզնեցկի ակումբի մասնակցել է Ռուսաստանի առաջնության 88 խաղի և խփել 28 գոլ։

2007 թվականի մրցաշրջանից հետո ավարտվել է «Մետալուրգ» ակումբի հետ կնքված պայմանագրի ժամկետը։ Նրան արդեն վաղուց ցանկանում էր իր թիմի կազմում տեսնել ԿԱՄԱԶ ակումբի գլխավոր մարզիչ Յուրի Գազզաևը[3], և Կոբյալկոն հաջորդ մրցաշրջանն սկսել է Նաբերեժնիե Չելնիի ԿԱՄԱԶ ակումբի կազմ։ ԿԱՄԱԶ ակումբում նա դարձել է թիմի կարևորագույն խաղացողներից մեկը՝ առաջին մրցաշրջանում խփելով 12 գոլ[5]։ 2010 թվականին դարձել է մրցաշրջանում թիմի լավագույն գոլի հեղինակ[6]։ 2011 թվականին անցկացրել իր 100-րդ խաղը ԿԱՄԱԶ ակումբի կազմում՝ Վլադիմիրի «Տորպեդո» ակումբի դեմ խաղում խփելով գոլ և վաստակելով 11-մետրանոց[3]։ Ակումբի կազմում անցկացրած 4,5 տարվա ընթացքում նա մասնակցել է 146 խաղի և խփել 32 գոլ[5]։ ԿԱՄԱԶ ակումբի՝ ՖԱԼ-ից հեռացվելուց հետո Կոբյալկոն տեղափոխվել է «Ուրալ» ակումբ[7]։ 2012/13 մրցաշրջանում թիմի կազմում անցկացրել է 22 խաղ, որոնցում խփել է 6 գնդակ, իսկ թիմի մրցաշրջանի արդյունքում զբաղեցրել է առաջին տեղը և անցել Պրեմիեր լիգա։

Կոբալյակոն տեղափոխվել է Օրենբուրգի «Գազովիկ» ակումբ, որի կազմում անցկացրած առաջին մրցաշրջանում մասնակցել է 22 հանդիպման և խփել 7 գոլ, երկրորդ մրցաշրջանում դարձել 6 գոլի հեղինակ 24 հանդիպման ընթացքում, իսկ 2015/16 մրցաշրջանում, որի արդյունքում «Գազովիկ» ակումբն զբաղեցրել է առաջին տեղը ՖԱԼ առաջնությունում և անցել Պրեմիեր լիգա, Կոբյալկոն 23 խաղում խփել է 1 գոլ։

Հաջորդ մրցաշրջանի սկզբին տեղափոխվել է ՖԱԼ-ի «ԲՄԱ-Խաբարովսկ» ակումբ[8]։ Կանոնավոր առաջնությունում մասնակցել է 25 խաղի՝ խփելով 1 գոլ, ինչպես նաև աչքի է ընկել իրացված 11-մետրանոց հարվածով Պրեմիեր լիգա անցնելու համար անցկացված փլեյ օֆֆի՝ իր նախկին «Օրենբուրգ» ակումբի դեմ հանդիպման հետխաղյա 11 մետրանոցների հարվածաշարում։ Հանդիպումն ավարտվել է Խաբարովսկի ակումբի հաղթանակով, և վերջինս իր պատմության մեջ առաջին անգամ անցել է Ռուսաստանի Պրեմիեր լիգա:

2017/18 մրցաշրջանում «ԲՄԱ-Խաբարովսկ» ակումբի կազմում Ռուսաստանի ՖԱԼ առաջնությունում անցկացրել է 3 խաղ՝ դուրս գալով փոխարինման Տուլայի «Արսենալ», Մոսկվայի ԲԿՄԱ և «Լոկոմոտիվ» ակումբների դեմ արտագնա խաղերում, ապա 2017 թվականի օգոստոսի 17-ին տեղափոխվել է Կալինինգրադի «Բալթիկա» ակումբ, որը հանդես էր գալիս ՖԱԼ առաջնությունում: 2018 թվականի ամռանը տեղափոխվել է «Արարատ-Արմենիա» ակումբ:

Բազմիցս մասնակցել է «Надежда» աշնանային երիտասարդական ավանդական մրցաշարին, որ անցկացվել է 2000-ական թվականին, և որին մասնակցել են երկրորդ դիվիզիոնը բոլոր տարածաշրջանների թիմերը և առաջին դիվիզիոնի հավաքական թիմը մինչև 23 տարեկան խաղացողներով։

Ձեռքբերումներ[խմբագրել | խմբագրել կոդը]

  • ՖԱԼ առաջնության հաղթող (անցում Պրեմիեր լիգա) – 2012/13, 2015/16
  • Փլեյ օֆֆի խաղերի հաղթող (անցում Պրեմիեր լիգա) – 2016/17
  • Ռուսաստանի գավաթի խաղարկության կիսաեզրափակչի մասնակից (սպորտի վարպետ)[2][9] – 2014/15
  • ՖԱԼ գավաթի դափնեկիր (2) – 2013, 2016
  • Երկրորդ դիվիզոնի արծաթե մրցանակակիր («Արևելք» տարածաշրջան), անցում առաջին դիվիզոն – 2006
  • ՖԱԼ «Надежда» գավաթի խաղարկության լավագույն ռմբարկու – 2005
  • Ռուսաստանի երկրորդ դիվիզիոնի ակումբների պատանեկան թիմերի առաաջնության հաղթող – 2003

Անձնական կյանքը[խմբագրել | խմբագրել կոդը]

Առաջին ամուսնությունից (կինը՝ Յանա) ունի որդի` Արտյոմը[4][10][11]:

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]