Անտառային փոքրաչղջիկ, Նատուզիուսի փոքրաչղջիկ (լատին․՝ Pipistrellus nathusii), հարթաքիթ չղջիկներ ընտանիքի կաթնասուն կենդանի։ Հայաստանում տարածված է անտառաշատ մարզերում։
Մարմնի վերին մասը դարչնագույն է, ստորինը՝ մոխրագորշավուն։ Ականջները կարճ են, սրածայր, միջին ականջաելունդը (կոզելոկ) հիմքում լայնացած է, կատարը՝ դեպի առաջ թեքված։ Բնադրում է ծառերի փչակներում, կեղևի տակ, որտեղ ոչ թե կախվում են (ինչպես այլ չղջիկներ), այլ պառկում։ Բնակվում է փոքր (3-8 առանձնյակ) խմբերով, երբեմն՝ այլ տեսակների հետ (օրինակ՝ թզուկ փոքրաչղջիկի) գոյացնում է մեծաքանակ գաղութներ։ Որսի է դուրս գալիս վաղ մթնշաղին։
Այս հոդվածի կամ նրա բաժնի որոշակի հատվածի սկզբնական տարբերակը վերցված էՀայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։
