Աննայի համալսարան
Աննայի համալսարան | |
|---|---|
 | |
| Տեսակ | համալսարան |
| Հիմնադրված է | 1978 |
| Անվանված է | C. N. Annadurai? |
| Անդամակցություն | e-ShodhSindhu?[1] |
| Երկիր |  Հնդկաստան |
| Տեղագրություն | Չեննայ |
| Կայք | annauniv.edu և annatech.ac.in/index.htm |
  Աննայի համալսարան, Հնդկաստան | |
Աննայի համալսարան, տեխնիկական համալսարան Հնդկաստանի Թամիլ Նադու նահանգում։ Համալսարանը գլխավոր կամպուսը տեղակայված է Չեննայ քաղաքում։ Ստեղծվել է 1978 թվականի սեպտեմբերի 4-ին։ Անվանումը ստացել է Աննա Դուրայի՝ նահանգի գլխավոր նախարարի պատվին։ 2001 թվականին համալսարանի կազմի մեջ են մտնում Թամիլ Նադուի բոլոր ինժեներական քոլեջները, 2007 թվականին բաժանվել է վեց շրջանային համալսարան-մասնաճյուղերի։ 2011 թվականի սեպտեմբերի 14-ին բոլոր մասնաճյուղերը կրկին միավորվել են Թամիլ Նադուի ինժեներական կազմավորման մեջ[2]։
Պատմություն[խմբագրել | խմբագրել կոդը]
Աննայի տեխնոլոգիական համալսարանը ստեղծվել է 1978 թվականի սեպտեմբերի 4-ի Թամիլ Նադու նահանգի կառավարության որոշմամբ։ Նոր համալսարանը կազմակորվել է Մադրասի համալսարանի ինժեներա-տեխնոլոգիական ֆակուլտետի բազայի վրա և կազմված է եղել չորս ինստիտուտներից՝ Գուինդիի ինժեներական քոլեջից, Ալահապայի տեխնոլոգիական քոլեջից, Մադրասի տեխնոլոգիական ինստիտուտից ու Ճարտարապետության և քաղաքական պլանավորման դպրոցից։ 1982 թվականին համալսարանը ստացել է ներկայիս անվանումը՝ Աննայի համալսարան[3]։
2001 թվականին Աննայի համալսարանի մասին որոշման ուղղումների համապատասխան բուհի կազմում են մտել Թամիլ Նադուի բոլոր ինժեներական քոլեջները՝ վեց պետական տեխնիկական քոլեջներ, պետական առաջկցությամբ երեք մասնավոր ինստիտուտներ և 426 ինքնավար քոլեջներ։ 2007 թվականի փետրվարի 1-ին նահանգի կառավարության որոշմամբ համալսարանը բաժանվել է վեց համալսարանների՝ Չեննայի Աննայի համալսարանի, Չեննայի Աննայի տեխնոլոգիական համալսարանի, Տիրուչիրապալիի Աննայի տեխնոլոգիական համալսարանի, Կոիմբատուրայի Աննայի տեխնոլոգիական համալսարանի, Տիրունելվելիի Աննայի տեխնոլոգիական համալսարանի և Մուդրայի Աննայի տեխնոլոգիական համալսարանի[4]։ Նոր կառուցվածքների ստեղծումը պաշտոնապես ընդունվել է 2010 թվականին։ 2011 թվականի սեպտեմբերի 14-ին որոշ է ընդունվել, որով բոլոր ինստիտուտները միավորվում են մեկ միասնական կոմպլեքսի մեջ[5], սակայն 2012 թվականի օգոստոսին համալսարանները կրկին սկսել են անջատ գործել[6]։
Ընդունելություն[խմբագրել | խմբագրել կոդը]
Մինչև 2006 թվականն ընդունման հիմք էր համարվում Թամիլ Նադուի ընդհանուր ընդունելության քննության արդյունքները (TNPC EE)[7]: 2007 թվականից սկսած ուսանողները բուհ են ընդունվում ավագ դպրոցի գնահատականներով[8]։
Առարկաներ[խմբագրել | խմբագրել կոդը]
Համալսարանը տեխնիկայի և տեխնոլոգիայի ոլորտում առաջարկում է տարբեր կուրսեր, ուսուցումն իրականացվում է մասնագիտացված քոլեջներում։ Ուսումնական տարին բաղկացած է երկու կիսամյակներից։ Յուրաքանչոյւր տարի համալսարանն իրականացնում է քննություններ։ Առաջին կիսամյակից հետո ուսանողները հունվարին քննություններ են հանձնում։
Քոլեջներ[խմբագրել | խմբագրել կոդը]
Համալսարանի գլխավոր կամպուսը տեղակայված է Չեննայ քաղաքում և զբաղեցնում է 185 հեկտար տարածք։ Այստեղ տեղակայված են Գուինդիի ինժեներական քոլեջը, Ալահապայի տեխնոլոգիական քոլեջը, Ճարտարապետության և քաղաքական պլանավորման դպրոցը, Մադրասի համալսարանի երեք տեխնիկական ամբիոններ։ Երկրորդ կամպուսը տեղակայված է Չրոմպետեում, այն զբաղեցնում է Մադրասի տեխնոլոգիական ինստիտուտը։
Համալսարանի մասնաճյուղերը գտնվում են Կոիմբատորում, Տիրուչիրապալիում, Մուդրայում և Տիրունելվելիում։
Ծանոթագրություններ[խմբագրել | խմբագրել կոդը]
- ↑ https://ess.inflibnet.ac.in/member.php
- ↑ «Anna University to become a single entity from August 1»։ The Hindu։ հուլիսի 23, 2012։ Արխիվացված է օրիգինալից 2012-09-26-ին։ Վերցված է 2019-11-27
- ↑ Tamil Nadu Act 26 of 1982(չաշխատող հղում)
- ↑ «Welcome to Anna University of Technology, Coimbatore»։ annauniv.ac.in։ Արխիվացված է օրիգինալից 2009-06-20-ին։ Վերցված է նոյեմբերի 18, 2010
- ↑ «The Hindu : States / Tamil Nadu : House passes Bill to amend Anna University Act»։ thehindu.com (The Hindu)։ September 15, 2011։ Արխիվացված է օրիգինալից 2012-11-03-ին։ Վերցված է սեպտեմբերի 18, 2011
- ↑ «AUT merger not total, universities separately handle affiliation - Times Of India»։ indiatimes.com։ փետրվարի 3, 2012։ Արխիվացված է օրիգինալից 2013-09-28-ին։ Վերցված է մայիսի 7, 2012
- ↑ «Common Entrance Test abolished in Tamil Nadu»։ Արխիվացված է օրիգինալից 2006-12-07-ին։ Վերցված է 2019-11-27
- ↑ «Should Common Entrance Test be scrapped?»։ Արխիվացված է օրիգինալից 2008-02-20-ին։ Վերցված է 2019-11-27
