Անկախության ճանապարհով

Վիքիպեդիայից՝ ազատ հանրագիտարանից
Jump to navigation Jump to search
Picto infobox book.png
Անկախության ճանապարհով
Vartan Oskanian By the Path of Independence.jpeg
Ենթավերնագիր Փոքր երկրի մեծ մարտահրավերները (նախարարի օրագրից)
Հեղինակ Վարդան Օսկանյան
Տեսակ գիրք
Ժանր հուշագրություն
Թեմա քաղաքականություն
Բնօրինակ լեզու հայերեն
Էջեր 284
Հրատարակիչ «Անտարես» հրատարակչություն
Հրատարակման տարեթիվ 2013
ՀՏԴ 941(479.25): 323(479.25) : 327
ԳՄԴ 63.3(2Հ) + 66.3(2Հ) + 66.4

«Անկախության ճանապարհով։ Փոքր երկրի մեծ մարտահրավերները (նախարարի օրագրից)», 2013 թվականին լույս տեսած Վարդան Օսկանյանի գիրքը[1]։

Հուշագրություններում արտաքին գործերի նախկին նախարար Վարդան Օսկանյանն անդրադառնում է Հայաստանի դիվանագիտական գերատեսչությունում իր աշխատանքին, այն ղեկավարելու ժամանակաշրջանի իրադարձություններին, ինչպես նաև Հայաստանի անկախությանը նախորդած տարիներին իր անցած ուղու մասին[2]

Ըստ Օսկանյանի, Հայաստանի արտաքին գործերի նախարար լինելու ընթացքում նա պահել օրագիր, որտեղից էլ գրքի համար ընտրել է այն դեպքերն ու իրադարձությունները, որոնք համարել է կարևոր, շրջադարձային՝ թեկուզ անձնական բնույթի հետաքրքրական մանրամասներով[2]։

Արտաքին գործերի նախարարությունում աշխատելու տարիների իրադարձություններից բացի՝ հեղինակը դրվագներ է ներկայացնում իր կենսագրությունից և անցած ճանապարհից[2]։

Գրքի ութ գլուխներում Վարդան Օսկանյանը պատմում է Հայաստանի Հանրապետության կոմպլեմենտար արտաքին քաղաքականության մասին, հարևանների՝ Իրանի և Վրաստանի հետ հարաբերությունների զարգացման, ինչպես նաև Թուրքիայի հետ հարաբերություններ հաստատելու ուղղությամբ արված քայլերի մասին։ Ներկայացնում է Ռուսաստանի, Միացյալ Նահանգների, Եվրոպական Միության հետ Հայաստանի հարաբերությունների պատմությունը և իր անձնական մասնակցությունը այդ ամենում, անդրադառնում Հայաստանի բազմակողմ դիվանագիտությանը։ Գլուխ է նվիրված Մերձավոր Արևելքին, որտեղ հեղինակը խոսում է արաբական երկրների և Իսրայելի հետ հարաբերությունների մասին։ Գրքում հեղինակը հատուկ ուշադրություն է հատկացնում արցախյան խնդրին, կարգավորման գործընթացին իր անձնական մասնակցությանը։ Արցախի Հանրապետությանը վերաբերող գլուխը վերնագրված է՝ «Լիսաբոնից Մադրիդ. Լեռնային Ղարաբաղի ինքնորոշման անհարթ ճանապարհը»[2]։

Բովանդակությունը[խմբագրել | խմբագրել կոդը]

Գիրքը ունի 10 գլուխ[1].

  • Ներածություն

Երազանք և իրականություն Կյանքի ուղի Աշխարհաքաղաքական եռանկյունի

    • Կոմպլեմենտարիզմ
    • Ռուսաստան
    • Եվրոպական Միություն
    • Միացյալ Նահանգներ
  • Հյուսիս և Հարավ՝ կենսական ուղղություններ
  • Թուրքիա
  • Լիսաբոնից Մադրիդ. Լեռնային Ղարաբաղի ինքնորոշման անհարթ ճանապարհը
  • Մերձավոր Արևելք
  • Բազմակողմ դիվանագիտություն
  • Առանց վերջաբանի

Ծանոթագրություններ[խմբագրել | խմբագրել կոդը]

  1. 1,0 1,1 Վարդան Օսկանյան, Անկախության ճանապարհով: Փոքր երկրի մեծ մարտահրավերները (նախարարի օրագրից):, Երևան, «Անտարես», 2013, էջ 3 — 284 էջ, ISBN 978-99941-2917-1։
  2. 2,0 2,1 2,2 2,3 Լույս է տեսել Վարդան Օսկանյանի հուշագրությունների գիրքը. «Անկախության ճանապարհով. փոքր երկրի մեծ մարտահրավերները»