Անթև սագիկը

Անթև սագիկը; ռուս.՝ Бескрылый гусёнок
Տեսակ	մուլտֆիլմ
Ժանր	Լեգենդ
Ռեժիսոր	Օքսանա Չերկասովա
Սցենարիստ	Վլադիմիր Գոլովանով
Բեմադրող նկարիչ	Valentin Olshvang?
Երկիր	ԽՍՀՄ
Ընկերություն	Սվերդլովսկի կինոընկերություն
Դիստրիբյուտոր	ԽՍՀՄ հեռուստատեսության և ռադիոհեռարձակման պետական կոմիտե
Տևողություն	10 րոպե
Թվական	1987

Անթև սագիկը (ռուս.՝ Бескрылый гусёнок), մուլտֆիլմ, որը նկարահանվել է 1987 թվականին, ռեժիսոր Օքսանա Չերկասովայի կողմից, ըստ չուկչայական հեքիաթի մոտիվների։ Մուլտֆիլմը նկարահանվել է Սվերդլովսկի կինոստուդիայում, ըստ ԽՍՀՄ պետական հեռուստառադիոյի կոմիտեի պատվերի։

Սյուժե[խմբագրել | խմբագրել կոդը]

Կուտխ ագռավը չուկչայական հեքիաթ է պատմում։ Ամռանը սագերը թռչելով տունդրա են գալիս։ Բոլոր ճուտիկները արդեն մեծացել էին, բացի մի ճուտիկից, որը դեռ ձվում էր։ Կուտխը նայում է երկնքից և հարցնում, թե որտեղ է վերջինը։ Վերջինը ծնված սագիկը շատ էր սիրում քնել։ Մայրիկից փախչում էր և նորից քնում էր։ Կուխտ ագռավը լույսը մթության էր փոխում և ցերեկը գիշեր դարձնում։ Սագիկը թափառում էր նոր տեղացած ձյան վրայով։ Նրա ձայնը լսում է աղվեսը, բռնում նրան և տանում իր բույն` որպես պաշար պահելով։ Սագիկն սկսում է լաց լինել։ Նրան լսում է մուկն ու տանում է նրան ստորգետնյա ճանապարհով։ Սագիկն այնտեղ երկար թափառում է, շատ սարսափելի ու տարօրինակ բաներ տեսնում։

Վերջ ի վերջո Կուտխը խղճում է սագին և ուղարկում է նրան իր մոր մոտ։ Եվ ահա նորից սագիկն իր մոր մոտ է ծնվում և սրանից հետո այլևս երկար չի քնում։

Հեղինակներ[խմբագրել | խմբագրել կոդը]

Ռեժիսոր՝ Օքսանա Չերկասովա
Սցենարի հեղինակ՝ Վլադիմիր Գոլովանով
Բեմադրող նկարիչ՝ Վալենտին Օլշվանգ
Օպերատորներ՝ Սերգեյ Ռեշյոտնիկով, Նիկոլայ Գրիբկով
Նկարիչ-մուլտիպլիկատորներ՝ Ալեքսեյ Կարաև, Անդրի Զոլոտուխին, Ելենա Պետկևիչ, Վլադիմիր Պետկևիչ, Իրինա Կլիմովա, Գալինա Վասիլևա, Տատյանա Դանիլենկո, Նադեժդա Միխայլովա, Օլգա Կնյազևա
Հնչյունային օպերատոր՝ Լյուդմիլա Էրիկալովա
Երաժշտական ձևավորումը՝ «Էրգիրոն» նվագախմբի
Մոնտաժող` Լ Պերմյակովա
Խմբագիր` Է․ Օռլինկովա
Տնօրեն` Վալենտինա Խիժնյակովա
Հեղինակները ներկայացված են ըստ մուլտֆիլմի լուսագրերի։

Պարգևներ և մրցանակներ[խմբագրել | խմբագրել կոդը]

«Անթև Սագը» մուլտֆիլմը պարգևատրվել է^[1]․

«ԿՐՈԿ» միջազգային կինոփառատոնի դիպլոմով (Ուկրաինա 1987 թվական)
«Ազգագրական կինո» փառատոնի առաջին մրցանակ (Պյառնու)
Սամարա քաղաքի կինոակումբների «Արծաթե պոլկան» փառատոնի մրցանակ

Քննադատություն[խմբագրել | խմբագրել կոդը]

«Անթև սագիկը» մուլտֆիլմի բեմադրող նկարիչը Վալենտին Օլշվանգն է։ Ցելյուլոիդի վրա գրաֆիկական պատկեր է, չուկրայական ոճի նախնադարյան գեղանկարչությամբ։ Փայլի ու փափկության համար տուշի մեջ ավելացվել է գլիցերին, նկարահանել են երկրորդ հարկի ֆոնին, որի վրա աղ են վառել։ Արդյունքում ստացվել է մթության մեջ լուսավորության հետաքրքիր էֆեկտ, ցուցադրվել է կիսալքված աշխարհը, որտեղ ընկել է սագիկն ու մոլորվել։ Շատերին է այնտեղ հանդիպել, տարօրինակ շատերին։ Իսկ ո՞վ տարօրինակ չէ։ Նա երեք ֆիլմ է նկարահանել ըստ չուկչայական լեգենդների։ Դրանք են «Կուտխն ու մկները», «Անթև սագիկը» և «Կկվի զարմիկը»։ Օքսանան հետևողական է իր ստեղծագործության մեջ, այն է՝ ազգային մշակույթի ու ժողովրդական արժեքների հանրայնացում, որի համար արժանացել է Ռուսաստանի պետական մրցանակի։

- Իրինա Մարգոլինա, «Մեր մուլտֆիլմերը»^[2]