Անգուլեմի միջազգային կոմիքս փառատոն

Վիքիպեդիայից՝ ազատ հանրագիտարանից
Անգուլեմի միջազգային կոմիքս փառատոն
Festival international de la bande dessinée d'Angoulême
FIBD2017.jpg
Տեսակ ակտիվ
Երկիր Flag of France.svg Ֆրանսիա
Վայր Անգուլեմ
Ակտիվ 1974-ներկա
Առաջինը 1974
Ժանր Կոմիքս
bdangouleme.com
Կոորդինատներ: 45°38′55.532400099994″ հս․ լ. 0°9′21.4056001″ ավ. ե. / 45.64875900002777342° հս․. լ. 0.155946000028° ավ. ե. / 45.64875900002777342; 0.155946000028
Angoulême International Comics Festival Վիքիպահեստում

Անգուլեմի միջազգային կոմիքս փառատոն-ը (ֆրանսերեն՝ Festival international de la bande dessinée d'Angoulême) Եվրոպայում երկրորդն է իր մեծությամբ իտալական Lucca Comics & Games փառատոնից հետո և երրորդ ամենամեծ փառատոնն ամբողջ աշխարհում՝ Lucca Comics & Games և ճապոնական Comiket փառատոներից հետո[1][2][3] : Սկսած 1974 թվականից՝ այն ամեն տարի փետրվար ամսին անցկացվում է Ֆրանսիայի, Անգուլեմ շրջանում: Այն տևում է չորս օր: Փառատոնի ընթացքում կոմիքսների հեղինակները պարգևատրվում են մի քանի հատուկ անվանկարգերում: Ի սկզբանե պարգևներն անվանում էին «Alfred» ի պատիվ «Զիգ և Պուս» կոմիքսի պինգվինների: 1989 թվականին անվանումը փոխեցին «Alph-art»-ի, ի պատիվ «Tintin et l'alph-art» ընկերության արտադրած վերջին՝ Թենթենի Արկածները կոմիքսի: 2003 թվականից մրցանակներն ուղղակի անվանում են «Միջազգային կոմիքս փառատոնի պաշտոնական մրցանակներ» (ֆրանսերեն ՝ le Palmarès Officiel du Festival international de la bande dessinée): 2007 թվականին Լյուիս Թրոնդայմը ստեղծեց «առյուծի թալիսման» կերպարի մրցանակը և 2008 թվականից սկսած հաղթողներին պարգևում էին այդ կերպարով արձանիկներ:


Պատմություն[խմբագրել | խմբագրել կոդը]

Անգուլեմի միջազգային կոմիքս փառատոնը հիմնադրվել է Ֆրանսիայի մշակույթի նախարարներ Ֆրենսիս Գրույի և Ժան Մարդիկյանի, ինչպես նաև Կլոդ Մոլիտերնի կողմից[4]: 1972 թվականի վերջում, մշակույթի նախարար Ֆրենսիս Գրուն, Կլոդ Մոլիտենին հրավիրեց « Dix millions d'images : l'âge d'or de la BD » կոմիքսի ցուցադրությանը, որը կազմակերպվել էր Socerlid կազմակերպության կողմից[5]: Ցուցահանդեսը ունենում է մեծ հաջողություն և Ֆրենսիս Գրուն նույնը փորձում է կազմակերպել հաջորդ տարի այս անգամ հրավիրելով Ժան Մարդիկյանին և այլ նկարիչների: Ցուցահանդեսը տևում է երկու օր:

1973 թվականին կոմիքսների ազգային առաջին տոնավաճառը տեղի ունեցավ Տուլուզում և ունեցավ իրական հաջողություններ[6]: Նույն թվականին Գրուն, Մոլիտերնին առաջարկեց կազմակերպել Անգուլեմում կոմիքս փառատոն, որը նման կլինի Իտալիայի «Lucca Comics and Games» փառատոնին, և որ այն կլինի Եվրոպայում ամենամեծը: Այս առիթով Գրուն, Մոլիտերն ու Մարդիկյանը ուղղևորվում են Իտալիա, որպիսի գտնեն իրենց ոգեշնցման աղբյուրը:

Այսպիսով 1974 թվականի հունվարի 25-27-ը անցկացվում է առաջին կոմիքս փառատոնն Անգուլեմի թանգարաններից մեկում: Այս առաջին ցուցադրումը ունենում է մեծ հաջողություն և ավելի քան տաս հազար այցելու:

Այցելություններ[խմբագրել | խմբագրել կոդը]

Ամեն տարի այս փառատոնն ունենում է ավելի քան 200 հազարից ավել այցելուներ, վեց հազարից յոթ հազար էքսպերտներ[7] և ութ հարյուր լրագրողներ: Այս փառատոնի այցելությունը դժվար է գնահատել քանի որ այն անցկացվում է ամբողջ քաղաքով մեկ և ունի մի քանի ճյուղավորում, որոնք մեկը մյուսի հետ ընդհարապես կապ չունեն[8]:

Պաշտոնական մրցանակներ[խմբագրել | խմբագրել կոդը]

Չորսօրյա փառատոնն առանձնահատուկ ուշադրություն է դարձնում մուլտֆիլմներին և հատուկ մրցանակներ շնորհում ստեղծողներին: Անգուլեմի մրցանակները պաշտոնապես կոչվում են «Ալֆրեդի մրցանակներ»: 1989 թվականին անվանումը փոխեցին «Ալֆ արտ»-ի՝ ի պատիվ «Թենթեն» կոմիքսների շարքին: 2003 թվականին «Ալֆ արտ» անվանումն էլ կորցրեց իր արժեքը և մրցանակներն ուղղակի անվանեցին «Համաշխարհային կոմիքսների պաշտոնական մրցանակ (ֆրանս՝ le Palmarès Officiel du Festival international de la bande dessinée)»:

Բացի այդ մրցանակներից կա նաև շատ ավելի կարևոր մրցանակ, որը կոչվում է «Grand Prix de la ville d'Angoulême» և այդ մրցանակը շահած անձանց կոչում են «Grand Prix» շահող և տվյալ անձը դառնում է հաջորդ տարվա փառատոնի նախագահ: Այսքան ժամանակ «Grand Prix» շահել է կանանցից միայն մեկ հոգի: Դա եղել է Ֆլորենս Սեստակը[9]:

2007 թվականին Լյուիս Տրոնդեիմը (2006 թվականի «Grand Prix» շահող) փառատոնի համար ստեղծել է թալիսման՝ «Le Fauve (The Wildcat)» կոմիքսի կերպարը և 2008 թվականին շնորհվող մրցանակները եղել են այդ կերպարի տեսքով:

2005 թվականին հիմնական շնորհվող մրցանակներ

     * "Golden Wildcat"- լավագույն կոմիքս
     * Ժյուրիի ընտրություն- հանրության համակրանք
     * Առաջին կոմիքս գիրք մրցանակ- շնորհվում է երիտասարդ սկսնակ նկարիչի, ով ներկայացնում է իր առաջին աշխատանքը  
     * Ժառանգական մրցանակ- վերագրանցման կամ համաշխարհային կոմիկական ժառանգության մաս հանդիսացող ստեղծագործության առաջին հրատարակության համար

Մրցանակների կատեգորիաներ[խմբագրել | խմբագրել կոդը]

  • "Golden Wildcat" մրցանակ - լավագույն ալբոմ
  • Մրցանակ- հանրության համակրանք
  • Մրցանակ- Արվեստի աշխատանք
  • Մրցանակ- Առաջին կոմիքս գիրք
  • Մրցանակ- 9-12 տարեկան երիտասարդների
  • Մրցանակ- 7-8 տարեկան երեխաների
  • Մրցանակ- լավագույն գովազդային հմայք
  • Մրցանակ- Ռենե Գոսինի


Ծանոթագրություններ[խմբագրել | խմբագրել կոդը]

  1. «Angoulême BD»։ Վերցված է 30 January 2012 
  2. «Honoured at Angoulême, Spiegelman tries to turn the page on ‘Maus’»։ France 24։ 2012-01-27։ Վերցված է 30 January 2012 
  3. Lancel Xavier։ «Seven Hours Till Angoulême»։ Scarce/Bleeding Cool։ Վերցված է 30 January 2012 
  4. Pasamonik, Didier. "Disparition de Claude Moliterni, fondateur du Festival d’Angoulême ,"ActuaBD (Jan. 21, 2009). (Ֆրանսերեն )
  5. Société civile d'études et de recherches des littératures dessinées. Olivier Delcroix, Festival d'Angoulême, de Tintin à Titeuf, Le Figaro, 31 janvier 2013, (page consultée le 10 février 2013).
  6. Pascal, 1993, 53.
  7. «professionals»։ Festival International de la bande dessinée d'Angoulême։ Վերցված է 30 January 2012 
  8. Johnston Rich։ «Standing Out In The Crowd»։ SCARCE At Angoulême։ Bleeding Cool։ Վերցված է 30 January 2012 
  9. «French comics festival marred by sexism row - BBC News»։ BBC News (en-GB)։ 6 January 2016։ Վերցված է 6 January 2016