Անգին Ավետիսյան

Անգին Ավետիսյան;
Ծնվել է	1923
Ծննդավայր	Նոր կյանք, Հայաստան
Քաղաքացիություն	ԽՍՀՄ
Մասնագիտություն	մանկավարժ
Պարգևներ և ; մրցանակներ

Անգին Ղազարի Ավետիսյան (1923, Նոր կյանք, Հայաստան), հայ մանկավարժ։ ԽՄԿԿ անդամ (1944): Հայրենական մեծ պատերազմի մասնակից։

Կենսագրություն[խմբագրել | խմբագրել կոդը]

Անգին Ավետիսյանը ծնվել է 1923 թվականին Արթիկի շրջանի Նոր Կյանք գյուղում։ 1937 թվականին ավարտել է Լենինականի մանկավարժական ուսումնարանը և աշխատանքի անցել Աղինի շրջանի Վարդաքար գյուղի դպրոցում^[1]։

Հայրենական մեծ պատերազմի օրերին համալրել է ժողովրդական աշխարհազորի շարքերը։ 1942 թվականի նոյեմբերին Անգին Ավետիսյանը եղել է հակաօդային պաշտպանության 352-րդ զենիթային հրետանային գնդի 3-րդ դիվիզիոնի 8-րդ մարտկոցի անձնակազմի շարքում։ 1943 թվականի ապրիլին զորամասը փոխադրվել է Տուապսեի շրջան և մասնակցել Մալայա զեմլյայի հարձակման նախապատրաստվող 18-րդ բանակի մարտական գործողություններին։ 1944 թվականին Ավետիսյանն ընդունվել է ԽՄԿԿ շարքերը։ Ֆաշիստական Գերմանիայի դեմ տարած հաղթանակից հետո Ավետիսյանն իրենց զորամասի կազմում փոխադրվել է Հեռավոր Արևելք և մասնակցել իմպերիալիստական Ճապոնիայի դեմ մղված կռիվներին։ 1945 թվականի վերջերին՝ բանակից զորացրվելուց հետո, Անգին Ավետիսյանը կրկին զբաղվել է մանկավարժական գործունեությամբ, աշխատել Արթիկի շրջանի Նոր Կյանք, ապա՝ Փանիկ գյուղերում, պատմություն է դասավանդել Կիրովականի միջնակարգ դպրոցում։ Պարգևատրնել է Աշխատանքային կարմիր դրոշի շքանշանով, Գերմանիայի և Ճապոնիայի դեմ տարած հաղթանակի մեդալներով, Աշխատանքային արիության, Կովկասի պաշտպանության մեդալներով, բազմաթիվ պատվոգրերով, գովասանագրերով^[1]։

Պարգևներ[խմբագրել | խմբագրել կոդը]

Աշխատանքային կարմիր դրոշի շքանշան
Գերմանիայի և Ճապոնիայի դեմ տարած հաղթանակի մեդալներ
Աշխատանքային արիության մեդալ
Կովկասի պաշտպանության համար մեդալ
Լենինի ծննդյան 100-ամյակի մեդալ
Զինված ուժերի 60-ամյակի մեդալ

Ծանոթագրություններ[խմբագրել | խմբագրել կոդը]

↑ ^1,0 ^1,1 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:

[haygirk-1] 1,0 ^1,1 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:

[1]