Անա Լուսիա Արմիխոս
Անա Լուսիա Արմիխոս | |
---|---|
Ծնվել է | հոկտեմբերի 13, 1949 (74 տարեկան) |
Ծննդավայր | Կիտո, Էկվադոր |
Քաղաքացիություն | ![]() |
Կրթություն | Էկվադորի պապական կաթոլիկ համալսարան |
Մասնագիտություն | տնտեսագետ և քաղաքական գործիչ |
Ծնողներ | հայր՝ Rafael Armijos? |
Զբաղեցրած պաշտոններ | Minister of Finance? |
Անա Լուսիա Արմիխոս Իդալգո (իսպ.՝ Ana Lucía Armijos Hidalgo, հոկտեմբերի 13, 1949, Կիտո, Էկվադոր), էկվադորցի քաղաքական գործիչ և տնտեսագետ։ Էկվադորի ներքին գործերի առաջին կին նախարարն է։
Կրթություն և կարիերա[խմբագրել | խմբագրել կոդը]
Անան ծնվել է 1949 թվականի հոկտեմբերի 13-ին նախկին գնդապետ և պահպանողական քաղաքական գործիչ Ռաֆայել Արմիխոսի ընտանիքում Կիտոյում[1]։ Ավարտել է իր միջնակարգ դպրոցը Spellman High School-ում և հանդիսացել է այդ դպրոցի պատմության լավագույն ակադեմիական կարիերա ունեցողներից մեկը։ Ավարտել է Էկվադորի Կաթոլիկ համալսարանը որպես տնտեսագետ և ստացել է մագիստրոսի կոչում տնտեսագիտության ոլորտում Ուրբանա-Շամպայնում գտնվող Իլինոյսի համալսարանում, իսկ հետո ավարտել է ուսումը տնտեսագիտության տեսության և զարգացման ոլորտում Միսիսիպիի համալսարանում։ Արմիխոսը մի քանի տարի աշխատել է որպես պրոֆեսոր Էկվադորի կաթոլիկ համալսարանում և զբաղեցրել է Էկվադորի կենտրոնական բանկում այնպիսի պաշտոններ, ինչպիսիք են՝ վերլուծաբան և բազմաթիվ ղեկավար պաշտոններ։ Նաև մակրոտնտեսագետ է Համաշխարհային բանկի Արևմտյան Աֆրիկայի դեպարտամենտի գործառնական բաժնում[2]։
Սիքստո Դուրան Բալենի նախագահությունը[խմբագրել | խմբագրել կոդը]
1992 թվականի օգոստոսի 25-ին Սիքստո Դուրան Բալենը Անային նշանակել է Էկվադորի Կենտրոնական բանկի նախագահ։ Այնուամենայնիվ, Անան սկսել է դժվարություններ ունենալ Էկվադորի արժութային խորհրդի նախագահ Ռոբերտո Բակերիզոյի հետ, ինչը անորոշ դարձրեց երկու կազմակերպությունների ապագան մինչև Բակերիզոյի հեռանալը և Արմիխոսի նշանակումը նրա պաշտոնում 1993 թվականի հուլիսի 15-ին[2]։
Ալբերտո Դահիկի իմպիչմենտի ժամանակ՝ յուրացման գործով դատավարության հետ կապված, Արմիխոսը դարձել էր Դահիկի կատաղի պաշտպանը և որոշ հակասություններ էր առաջացրել, երբ Էկվադորից Կոստա Ռիկա փախչելուց հետո ասաց, որ դա կորուստ է մի երկրի համար, որտեղ շատ խելացի մարդիկ չկան։ Ավելի ուշ հայտարարվել է, որ փոխնախագահի պաշտոնի բազմաթիվ հավանական հավակնորդներից մեկն Անան է[2]։
1997 թվականի մայիսի 30-ին Էկվադորի Գերագույն դատարանի նախագահ Կառլոս Սոլորսանոն ձերբակալման հայց է տվել Արմիխոսին Banco Continental-ի գործով ՝ այն մեղադրանքով, որ Անան, որպես արժույթի խորհրդի նախագահ, հաստատել է Continental-ի 200 միլիոն դոլարի ֆինանսական օգնությունը[2][3]։ Արմիխոսը թաքնվել է ուղիղ մեկ տարի, մինչև 1998-ի մայիսին նոր գլխավոր դատավոր Հեկտոր Ռոմերո Պարդուչին նրան անմեղ է հայտարարել իր դեմ առաջադրված մեղադրանքներում[2]։
Խամիլ Մահուադի նախագահությունը[խմբագրել | խմբագրել կոդը]
1998 թվականի օգոստոսին Մահուադը Արմիխոսին նշանակել է ներքին գործերի նախարար՝ վերջինիս դարձնելով այս պաշտոնը զբաղեցնող առաջին կինը[4]։ Իր պաշտոնավարման ընթացքում առաջարկել է ստեղծել կառավարիչների ազգային խորհուրդ[2]։
1999 թվականի փետրվարի 15-ին Արմիխոսը նշանակվել է էկոնոմիկայի և ֆինանսների նախարար՝ փոխարինելու Ֆիդել Խարամիլոյին, ով հրաժարական էր տվել՝ ի նշան բողոքի Կապիտալ շարժման հարկի դեմ, որը նաև հայտնի է որպես «1% հարկ»[5]։ Մարտի 11-ին Արմիխոսը և նախագահ Մահուադը որոշում են կայացրել հայտարարել բանկային արձակուրդ, որը կսառեցնի Էկվադորում բոլորի ավանդները՝ ի պատասխան այն ժամանակ երկրի առջև ծառացած ֆինանսական ճգնաժամի[6][7]։ Սա հրահրել է Սոցիալ-Քրիստոնեական կուսակցության և իշխող Դեմոկրատիա Ժողովրդական կուսակցության միջև դաշինքի լուծարմանը և կոչեր են արվել իմփիչմենթի ենթարկել Արմիխոսին[8], ընդ որում Վիկտոր Հյուգո Սիկուրեն դատական հայց է ներկայացրել արձակուրդի կապակցությամբ, իսկ Խայմե Նեբոտը Սահմանադրական Կոնգրեսից խնդրել է պատժամիջոցներ կիրառել Արմիխոսի նկատմամբ[5]։ Ի վերջո, օգոստոսի վերջին Անան հրաժարական է տվել Էկվադորի արտաքին պարտքերի համար Արժույթի միջազգային հիմնադրամի աջակցությունն ապահովելուց հետո[9]։ Շուտով Անան նշանակվել է Իսպանիայում Էկվադորի դեսպան[10]։
Հետագա կյանքը և հետապնդումներ[խմբագրել | խմբագրել կոդը]
2000 թվականի հուլիսին Անան և նախկին նախագահ Մահուադը Վիկտոր Գրանդայի և Նապոլեոն Գոմես Ռեալի կողմից մեղադրվել են սահմանադրությունը խախտելու մեջ[11], իսկ օրեր անց Էկվադորի Գերագույն արդարադատության դատարանը նրանց նկատմամբ ձերբակալության հայց է արձակել[6][12]։ Արմիխոսը փախել է ԱՄՆ և այնտեղ քաղաքական ապաստան է ստացել[13]։
2006 թվականի հունիսին Արմիխոսի և Մահուադի մեղադրանքները հանվել են Արդարադատության Գերագույն դատարանի երկրորդ պալատի կողմից, որը պնդել է, որ իրենք բավարար ապացույցներ չունեն ձերբակալելու համար, բայց նրանք անտեսելու են այս որոշումը և գործը կվերսկսեն 2012 թվականի դեկտեմբերին[14]։
Ծանոթագրություններ[խմբագրել | խմբագրել կոդը]
- ↑ Cuvi, 2002, էջ 72
- ↑ 2,0 2,1 2,2 2,3 2,4 2,5 «La vida de Ana Lucía Armijos en 1.471 palabras». Hoy (իսպաներեն). 1999 թ․ հունիսի 26. Արխիվացված է օրիգինալից 2010 թ․ հունվարի 22-ին. Վերցված է 2010 թ․ հունվարի 22-ին.
- ↑ «Tras 19 años, el Continental deberá pagar $ 191 millones». El Telégrafo (իսպաներեն). 2015 թ․ մարտի 25. Վերցված է 2016 թ․ ապրիլի 14-ին.
- ↑ «ECUADOR: Mujeres y técnicos en el nuevo gobierno». Inter Press Service (իսպաներեն). 1998 թ․ օգոստոսի 6. Արխիվացված է օրիգինալից 2016 թ․ ապրիլի 14-ին. Վերցված է 2016 թ․ ապրիլի 14-ին.
- ↑ 5,0 5,1 «Ministros de Economía y Finanzas 1998–2002». El Universo (իսպաներեն). 2002 թ․ հունիսի 25. Արխիվացված է օրիգինալից 2016 թ․ ապրիլի 14-ին. Վերցված է 2016 թ․ ապրիլի 14-ին.
- ↑ 6,0 6,1 «Ecuador: Ordenan detener a ex presidente Mahuad». EMOL (իսպաներեն). 2000 թ․ հուլիսի 13. Արխիվացված է օրիգինալից 2016 թ․ ապրիլի 14-ին. Վերցված է 2016 թ․ ապրիլի 14-ին.
- ↑ «Mahuad, libre». La Hora (իսպաներեն). 2006 թ․ հունիսի 7. Արխիվացված է օրիգինալից 2016 թ․ ապրիլի 14-ին. Վերցված է 2016 թ․ ապրիլի 14-ին.
- ↑ Ordóñez, Vicente (2003 թ․ հունվարի 2). «Aplanadora aprobó salvataje bancario». El Universo (իսպաներեն). Արխիվացված է օրիգինալից 2016 թ․ մարտի 16-ին. Վերցված է 2016 թ․ մարտի 16-ին.
- ↑ «Los personajes alrededor de la dolarización de Jamil Mahuad». El Comercio (իսպաներեն). 2015 թ․ սեպտեմբերի 30. Արխիվացված է օրիգինալից 2015 թ․ սեպտեմբերի 30-ին. Վերցված է 2016 թ․ ապրիլի 14-ին.
- ↑ «FMI Respalda Plan Económico de Ecuador». El Mercurio (իսպաներեն). 1999 թ․ օգոստոսի 28. Արխիվացված է օրիգինալից 2016 թ․ ապրիլի 14-ին. Վերցված է 2016 թ․ ապրիլի 14-ին.
- ↑ «Mahuad y Armijos pueden volver, al archivarse el juicio por crisis bancaria». El Universo (իսպաներեն). 2006 թ․ հունիսի 7. Արխիվացված է օրիգինալից 2016 թ․ ապրիլի 14-ին. Վերցված է 2016 թ․ ապրիլի 14-ին.
- ↑ Reynold, James (2000 թ․ հուլիսի 14). «Ecuador seeks arrest of ex-president». BBC. Արխիվացված է օրիգինալից 2016 թ․ ապրիլի 14-ին. Վերցված է 2016 թ․ ապրիլի 14-ին.
- ↑ «Noboa, el séptimo en huir». La Hora (իսպաներեն). 2003 թ․ օգոստոսի 5. Արխիվացված է օրիգինալից 2016 թ․ ապրիլի 14-ին. Վերցված է 2016 թ․ ապրիլի 14-ին.
- ↑ «Gobierno ecuatoriano insistirá en 'difusión roja' para traer a Jamil Mahuad al país». El Universo (իսպաներեն). 2013 թ․ նոյեմբերի 4. Արխիվացված է օրիգինալից 2015 թ․ սեպտեմբերի 7-ին. Վերցված է 2016 թ․ ապրիլի 14-ին.
Գրականություն[խմբագրել | խմբագրել կոդը]
- César Raúl Robalino Gonzaga; Ana Lucía Armijos; Augusto de la Torre (1994). The Ecuador Brady Deal. Translation and Interpretation Services, Division of the World Bank.