Անահիտ Տոնոյան
Անահիտ Տոնոյան Անահիտ Հովհաննեսի Տոնոյան | |
---|---|
Ծնվել է | հուլիսի 16, 1942 (81 տարեկան) |
Ծննդավայր | Երևան, Հայկական ԽՍՀ, ԽՍՀՄ |
Քաղաքացիություն | ԽՍՀՄ և Հայաստան |
Կրթություն | Երևանի պետական համալսարան (1966) և Ն. Ն. Սեմյոնովի անվան քիմիական ֆիզիկայի ինստիտուտ (1970) |
Կոչում | պրոֆեսոր և պրոֆեսոր |
Գիտական աստիճան | քիմիական գիտությունների դոկտոր (1997) |
Մասնագիտություն | քիմիկոս |
Աշխատանք | «Պոլիմերային պրոցեսների մակրոկինետիկա» բազային գիտահետազոտական լաբորատորիայի ղեկավար |
Պարգևներ և մրցանակներ |
Անահիտ Հովհաննեսի Տոնոյան (հուլիսի 16, 1942, Երևան, Հայկական ԽՍՀ, ԽՍՀՄ), հայ քիմիկոս, քիմիական գիտությունների դոկտոր (1997), պրոֆեսոր (2009)[2], «Պոլիմերային պրոցեսների մակրոկինետիկա» բազային գիտահետազոտական լաբորատորիայի ղեկավար։
Կենսագրություն[խմբագրել | խմբագրել կոդը]
Անահիտ Տոնոյանը ծնվել է 1942 թվականի հուլիսի 16-ին Երևանում։ Սովորել է թիվ 72 ռուսական միջնակարգ դպրոցում։ 1966 թվականին ավարտել է Երևանի պետական համալսարանի քիմիական ֆակուլտետը, իսկ 1970 թվականին՝ Մոսկվայի քիմիական ֆիզիկայի ինստիտուտի ասպիրանտուրան։ 1970 թվականին ԽՍՀՄ ԳԱ «Քիմիական ֆիզիկայի» ինստիտուտի Չեռնոգոլովկայի մասնաճյուղում որպես կրտսեր գիտաշխատող սկսել է իր աշխատանքային գործունեությունը։ 1982-1990 թվականներին եղել է նույն ինստիտուտի ավագ գիտաշխատող։ Որպես գլխավոր գիտաշխատող՝ 1990-1996 թվականներին աշխատել է Երևանի Կառլ Մարքսի անվան պոլիտեխնիկական ինստիտուտում։ 1996-2005 թվականներին եղել է ՀՊՃՀ «Ֆրոնտալ պոլիմերացման գործընթացների ուսումնասիրություն» գիտահետազոտական լաբորատորիայի վարիչ։ 2005 թվականից եղել է «Պոլիմերացման պրոցեսների մակրոկինետիկա» բազային գիտահետազոտական լաբորատորիայի վարիչ։
Անահիտ Տոնոյանը «Պոլիմերացում ադիաբատ և ֆրոնտալ պայմաններում» գիտական նոր ուղղության հեղինակն է։ Նա 1999-2008 թվականներին եղել է ամենամյա «Ենիկոլոպյանական ընթերցումներ» միջազգային գիտաժողովի կազմակերպիչը։
Անդամակցություն[խմբագրել | խմբագրել կոդը]
ՀԱՊՀ-ում գործող Բարձրագույն որակավորման հանձնաժողովի 057 «Քիմիական տեխնոլոգիաներ» մասնագիտական խորհրդի անդամ «Պոլիմերներ» բաժնի պատասխանատու խմբագիր Պոլիմերների համընդհանուր կովկասյան միջազգային գիտաժողովի անդամ «Բանբեր» ամսագրի «Քիմիական և բնապահպանական տեխնոլոգիաներ» սերիայի խմբագրական խորհրդի անդամ[3]
Գիտական կոչումներ[խմբագրել | խմբագրել կոդը]
1970 թվականին ստացել է քիմիական գիտությունների թեկնածուի գիտական աստիճան, 1997 թվականին՝ դոկտորի գիտական աստիճան, 2009 թվականին՝ պրոֆեսորի գիտական կոչում։
Պարգևներ[խմբագրել | խմբագրել կոդը]
2015 թվականին արժանացել է ՀՀ Նախագահի մրցանակի։ Իսկ 2016 թվականին՝ ՀՀ Կրթության և գիտության նախարարության Գիտության պետական կոմիտեի կողմից արժանացել է «Արդյունավետ գիտաշխատող» պարգևի։
Աշխատություներ[խմբագրել | խմբագրել կոդը]
Հեղինակ է ավելի քան 320 գիտական աշխատանքների, որոնց մեծ մասը տպագրված է արտասահմանյան բարձր վարկանիշ ունեցող ամսագրերում, 13 գլխի միջազգային կորպորատիվ գրքերում, հրատարակված` Springer, Woodhead Publishing, APPLE ACADEMIC PRESS and CRC Press, Taylor & Francis Croup, Nova Science Publishers, 3 մենագրության, և 20-ից ավելի արտոնագրերի։
- "Theory and practice of adiabatic and frontal polymerization", Monograph, Palmarium Academic Publishing, Germany, 2014, pages - 680 S.P. Davtyan, A.O. Tonoyan
- Fundamentals of Nanotechnology. Nanoparticles and Polymeric nanocomposites, Yerevan Publishers “Nauka” NAS RA 2011, pages 420, S.P. Davtyan, A.O. Tonoyan
- Intercalated Nanocomposites Based on High-Temperature Superconducting Ceramics and Their Properties, Ceramic Nanocomposites, Woodhead Publishing Limited, 2013, Chapter. 9., PP. 212–254, S.P. Davtyan, A.O. Tonoyan
Ծանոթագրություններ[խմբագրել | խմբագրել կոդը]
- ↑ https://boghossianprize.am/hy/124
- ↑ «ԼԱԲՈՐԱՏՈՐԻԱՅՈՒՄ ԻՐԱԿԱՆԱՑՎՈՂ ՀԵՏԱԶՈՏԱԿԱՆ ՆԱԽԱԳԾԵՐԸ - Պոլիմերացման պրոցեսների մակրոկինետիկա». innovative.polytechnic.am. Արխիվացված է օրիգինալից 2022 թ․ հուլիսի 31-ին. Վերցված է 2019 թ․ մարտի 10-ին.
- ↑ ԲԱՆԲԵՐ ՀԱՅԱՍՏԱՆԻ ՊԵՏԱԿԱՆ ՃԱՐՏԱՐԱԳԻՏԱԿԱՆՀԱՄԱԼՍԱՐԱՆԻ
Արտաքին հղումներ[խմբագրել | խմբագրել կոդը]
- Անահիտ Հովհաննեսի Տոնոյան(չաշխատող հղում)
- Anahit Oganes Tonoyan Արխիվացված 2019-03-14 Wayback Machine