Ամորձու ջրակալում

Վիքիպեդիայից՝ ազատ հանրագիտարանից
Jump to navigation Jump to search
Ամորձու ջրակալման ռենտգենային լուսանկար

Ամորձու ջրակալում, հիդրոցելե, հեղուկի կուտակումը ամորձու պատյանների միջև։ Կարող է լինել բնածին և ձեռքբերովի։

Ձեռքբերովի ամորձու ջրակալում[խմբագրել | խմբագրել կոդը]

Ձեռքբերովի ամորձու ջրակալումն առաջանում է ամորձու, դրա հավելումների կամ պատյանների բորբոքման, վնասվածքի, ուռուցքների, տուբերկուլոզի հետևանքով։ Երեխաների ամորձու ջրակալումը կարող է լինել աճուկային խողովակի և սերմնալարի թերզարգացման հետևանքով։

Ախտանիշներ[խմբագրել | խմբագրել կոդը]

Ամորձու ջրակալման հետևանքով ամորձապարկն աստիճանաբար (երբեմն՝ բավականաչափ) մեծանում է, սակայն ցավոտ չէ։ Դա կարող է դժվարացնել միզարձակումը, սեռական կյանքը, իջեցնել աշխատունակությունը և սահմանափակել ֆիզիկական ակտիվությունը։

Բուժում[խմբագրել | խմբագրել կոդը]

Բուժումն առավել արդյունավետ է հիվանդության վաղ շրջանում, երբ ամորձու թաղանթների միջև հեղուկի քանակությունն աննշան է։ Երկարատև ընթացքի ժամանակ կարող է ընկճվել ամորձու ֆունկցիան, և հետագա բուժումը կարող է անարդյունավետ լինել։ Չի թույլատրվում օգտագործել կոմպրես կամ ջերմային այլ բուժամիջոցներ, քանի որ դրանք նպաստում են հեղուկի քանակության ավելացմանը։

Հիվանդությունը պահանջում է պարտադիր վիրահատական միջամտություն։

Կանխարգելում[խմբագրել | խմբագրել կոդը]

Ամորձու ջրակալումը կանխարգելելու համար կարևոր է ամորձու բորբոքման և վնասվածքի ժամանակին բուժումը։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հանրամատչելի բժշկական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png