Ամիրան Ամիրխանով

	Ամիրան Ամիրխանով
Դիրքը	հարձակվող պաշտպան
Ի ծնե տրված անունը	Ամիրան Գեորգիի Ամիրխանով
Ծննդյան ամսաթիվ	փետրվարի 27, 1986 (38 տարեկան)
Ծննդավայր	Խիմկի, Մոսկվայի մարզ, ՌԽՖՍՀ, ԽՍՀՄ
Հասակ	1,88 մ
Քաշ	80 կգ
Կարիերայի պատմություն
	Մոսկվա-4 (РГАФК) (1998-1999); Ռոսիա-Ցենտր Օրյոլ (2001-2002); ԲԿՄԱ Մոսկվա (երիտ.) (2003-2004); ԲԿՄԱ Մոսկվա (2003-2005); ԲԿՄԱ-ՌՕՈՒ-Սամարա-2 Սամարա (2004-2005); ՈՒՆԻԿՍ-2 Կազան (2005-2006); Դինամո-2 Մոսկվա (2005-2006); ՈՒՆԻԿՍ-2 Կազան (2006-2009); ՈՒՆԻԿՍ Կազան (2009-2011); Սևերստալ Չերեպովեց (2011-2012); Ունիվերսիտետ-Յուգրա Սուրգուտ (2011-2012); Ատաման Դոնի Ռոստով (2012-2013); ԱլթայԲասկետ Բառնաուլ (2013-2014); Ալմաթիի լեգիոն Ալմաթի (2014-2016); Ուրարտու Երևան (2016-մինչ օրս)
Մրցանակներ
	Ղազախստանի առաջնության արծաթե մեդալակիր (2014-2015) ; Փոքր երկրների Եվրոպայի առաջնության հաղթող (2016)

Ամիրան Գեորգիի Ամիրխանով (փետրվարի 27, 1986(1986-02-27), Խիմկի, Մոսկվայի մարզ, ՌԽՖՍՀ, ԽՍՀՄ), ռուսաստանցի և հայաստանցի հայ պրոֆեսիոնալ բասկետբոլիստ, որը խաղում է հարձակվող պաշտպանի դիրքում։ Սպորտի վարպետ։ Հանդես է գալիս Երևանի «Ուրարտու» ակումբում, որի ավագն է։

Կենսագրություն[խմբագրել | խմբագրել կոդը]

Ամիրան Ամիրխանովը ծնվել է մերձմոսկովյան Խիմկի քաղաքում 1986 թվականի փետրվարի 27-ին։ Ծնողները արմատներով Թբիլիսիից են։ Հայրը գործարար է, մայրը` տնային տնտեսուհի։ Դպրոցում շատ է սիրել բասկետբոլը և սկսել է հաճախել այդ խաղի խմբակ։ Առաջին մարզիչը եղել է Ալեքսանդր Եֆիմովը^[1]։

Կարիերա[խմբագրել | խմբագրել կոդը]

Մերձմոսկովյան «Խիմկի» բասկետբոլային ակումբի մարզադպրոցն ավարտելուց հետո ընտրվել է ԲԿՄԱ-ի երիտասարդական նախագիծ։ 2004 թվականին ակումբի երիտասարդական թիմի կազմում դարձել է Եվրալիգայի երիտասարդական մրցաշարի հաղթող^[1]։

2005 թվականին դարձել է ՈՒՆԻԿՍ ակումբի երիտասարդական թիմի խաղացող։ 2009 թվականին մասնակցել է կազանյան թիմի հիմնական կազմի խաղերին։

2014-2015 թվականների մրցաշրջանում Ամիրխանովը խաղացել է ղազախական «Ալմաթիի լեգիոն» թիմում, որտեղ արդյունավետ փոխանցումներով եղել է թիմի առաջատարը՝ խաղի ընթացքում միջինը կատարելով 4,7 փոխանցում, որը Սուպերլիգայի կանոնավոր առաջնությունում փոխանցում կատարողների մեջ 5-րդ ցուցանիշն էր։

2015 թվականի ամռանը փորձաշրջանի է հրավիրվել «Իրկուտ» ակումբ, սակայն նախամրցաշրջանային հավաքից հետո լքել է թիմը։

2016 թվականի հունվարին վերադարձել է «Ալմաթիի լեգիոն», որտեղ խաղացել է մինչև 2016 թվականի ամառ։ Այնուհետև հրավիրվել է Երևանի նորաստեղծ «Ուրարտու» ակումբ, որի ավագն է։ Թիմի կազմում նա մասնակցում է Ռուսաստանի Սուպերլիգայի առաջին դիվիզիոնի (նշանակությամբ երկրորդ մրցաշարը) մրցաշարին։ Առաջին հանդիպումն այդ մրցաշարում կայացել է 2016 թվականի հոկտեմբերի 6-ին Երևանում, որին որպես թիմի ավագ մասնակցել է նաև Ամիրխանովը^[2]։

2016 թվականին հրավիրվել է Հայաստանի ազգային հավաքական, որի հետ դարձել է Փոքր երկրների Եվրոպայի առաջնության հաղթող^[3]։

Նվաճումներ[խմբագրել | խմբագրել կոդը]

Ակումբային[խմբագրել | խմբագրել կոդը]

Ղազախստանի առաջնության արծաթե մեդալակիր (2014-2015)

Հայաստանի հավաքականի կազմում[խմբագրել | խմբագրել կոդը]

Փոքր երկրների Եվրոպայի առաջնության հաղթող (2016)

Ծանոթագրություններ[խմբագրել | խմբագրել կոդը]

↑ ^1,0 ^1,1 «Амиран Амирханов: «Играю только на победу» http://www.sports.kz/news/amiran-amirhanov-igrayu-tolko-na-pobedu». Վերցված է 2016 Հոկտեմբեր 6-ին. {{cite web}}: External link in |title= (օգնություն)
↑ «Ուրարտուի ֆանտաստիկ, սակայն ոչ հաղթական մեկնարկը». Վերցված է 2016 Հոկտեմբեր 6-ին.
↑ «Բասկետբոլի Հայաստանի հավաքականը՝ Եվրոպայի փոքր երկրների առաջնության չեմպիոն». Արխիվացված է օրիգինալից 2016 թ․ հուլիսի 9-ին. Վերցված է 2016 Հոկտեմբեր 6-ին.

Արտաքին հղումներ[խմբագրել | խմբագրել կոդը]

[kz-1] 1,0 ^1,1 «Амиран Амирханов: «Играю только на победу» http://www.sports.kz/news/amiran-amirhanov-igrayu-tolko-na-pobedu». Վերցված է 2016 Հոկտեմբեր 6-ին. {{cite web}}: External link in |title= (օգնություն)

[2] «Ուրարտուի ֆանտաստիկ, սակայն ոչ հաղթական մեկնարկը». Վերցված է 2016 Հոկտեմբեր 6-ին.

[3] «Բասկետբոլի Հայաստանի հավաքականը՝ Եվրոպայի փոքր երկրների առաջնության չեմպիոն». Արխիվացված է օրիգինալից 2016 թ․ հուլիսի 9-ին. Վերցված է 2016 Հոկտեմբեր 6-ին.

[1]

[2]

[3]