Ախպարները

Ախպարները
Գրքի շապիկը
Հեղինակ	Նարեկ Գալստյան
Ժանր	վեպ
Թեմա	հայրենադարձություն
Բնօրինակ լեզու	հայերեն
Էջեր	208
Խմբագիր	Արքմենիկ Նիկողոսյան
Կազմի հեղինակ	Վիտալի Ասրիև
Երկիր	Հայաստան
Հրատարակման վայր	Երևան
Հրատարակիչ	Անտարես
Հրատարակման տարեթիվ	2016
ԳՄՍՀ	978-9939-51-993-7
ՀՏԴ	891.19-31
ԳՄԴ	84(5Հ)-44

«Ախպարները», Նարեկ Գալստյանի վեպը, որը հրատարակվել է 2016 թվականին «Անտարես» հրատարակչությունում։ Խմբագիր՝ Արքմենիկ Նիկողոսյան։ 208 էջ։ Գրքի 3-րդ էջում զետեղված է հեղինակի ընծայականը. «Նվիրում եմ մեծ մորս և մեծ հորս հիշատակին»։

Գրքի շնորհանդեսը կայացել է 2016 թվականի նոյեմբերի 18-ին Երևանում։ 2016 թվականի դեկտեմբերի 2-ին եղել է «Արմենպրես» լրատվական գործակալության «Երևանյան բեսթսելեր» նախագծի առաջին հորիզոնականում։

Գրքի հանձնարարականը

Հայրենադարձությունն իր ամբողջ պերճանքով ու թշվառությամբ, հուսավառություններով և հուսահատություններով. ընդհանրության մեջ՝ սա է Նարեկ Գալստյանի «Ախպարները» վեպի ատաղձը, որը լինելով մեկ ընտանիքի պատմություն, կարելի է ասել՝ մի սերնդի պատմություն է։

Թեման

Վեպում ներկայացվում է մի ընտանիքի պատմություն, որը Եղեռնից փրկվելով ապաստանում է Հունաստանում, ապա հայրենադարձվում է Խորհրդային Հայաստան, որտեղ անցնում է ամենատարբեր փորձությունների միջով, բայց կարողանում է հարատևել։

Վեպի բաժինները

• Հայրենի՞ք
• Հայ եմ
• Ապրելու ենք
• Ինտերնացիոնալը
• «Տրանսիլվանիա»
• Խոստովանություն
• Վերջաբան

Կարծիքներ գրքի մասին

Նարեկ Գալստյանը չի մնացել անձնական հուշերի շրջանակում։ Գրքի գլխավոր արժանիքներից են ընդհանրացումները, գրողական գեղարվեստական մոտեցումը։ Ստացված կերպարների գունապնակ կա վեպում, փայլուն սյուժե, զսպվածություն։ - Արքմենիկ Նիկողոսյան

Նարեկն իր ընտանիքի միկրոտիեզերքի միջոցով ցույց տվեց մի ամբողջ ժամանակաշրջան։ Շատ հուզիչ, արդիական և գեղեցիկ պատմություն է փոխանցել մեզ։ Գրել է քաջ, պայքարող մարդկանց մասին, ովքեր չեն ընկրկել, չեն վախեցել նորից սկսել, մարդիկ ում համար Հայաստանն իրոք հայրենիք է։ - Արամ Անանյան