Ալիսա Բաղդասարյան
- Վիքիպեդիայում կան հոդվածներ Բաղդասարյան ազգանունով այլ մարդկանց մասին։
Ալիսա Բաղդասարյան | |
---|---|
Ծնվել է | ապրիլի 5, 1985 (39 տարեկան) |
Ծննդավայր | Ստեփանակերտ, Ադրբեջանական ԽՍՀ, ԽՍՀՄ |
Մասնագիտություն | բանաստեղծուհի և գրականագետ |
Անդամակցություն | ՀԳՄ |
Ալիսա Բաղդասարյան Վիքիդարանում |
Ալիսա Յուրիի Բաղդասարյան (ապրիլի 5, 1985, Ստեփանակերտ, Ադրբեջանական ԽՍՀ, ԽՍՀՄ), հայ բանաստեղծ, գրականագետ, բանասիրական գիտությունների թեկնածու (2015), Արցախի գրողների միության (2005), ՀԳՄ անդամ (2007)[1]։
Կենսագրություն[խմբագրել | խմբագրել կոդը]
2002 թվականին ավարտել է Ստեփանակերտի Ավ. Իսահակյանի անվան թիվ 10 միջնակարգ դպրոցը։ 2002-2007 թվականներին սովորել է «Գրիգոր Նարեկացի» համալսարանի բանասիրական ֆակուլտետի լրագրություն բաժնում։ 2009-2015 թվականներին եղել է ԱրՊՀ գրականության և ժուռնալիստիկայի ամբիոնի հայցորդ։ 2015 թվականին ՀՀ ԳԱԱ Մ. Աբեղյանի անվան գրականության ինստիտուտում պաշտպանել է թեկնածուական ատենախոսություն` «Մաքսիմ Հովհաննիսյանը գրող և հրապարակախոս» թեմայով, և ստացել բանասիրական գիտությունների թեկնածուի աստիճան։
2007-2020 թվականներին աշխատել է «Գրիգոր Նարեկացի» համալսարանի Հայոց լեզվի և գրականության ամբիոնում որպես դասախոս։ 2008 թվականից նշանակվել է նույն համալսարանի ժուռնալիստիկայի ամբիոնի վարիչ։ 2019-2020 թվականներին աշխատել է Արցախի հանրային հեռուստատեսությունում որպես լրագրող-խմբագիր։ 2020 թվականի սեպտեմբերին նշանակվել է «Մեսրոպ Մաշտոց» համալսարանի Հայոց լեզվի և գրականության ամբիոնի վարիչ։ 2021-2023 թվականներին եղել է «Մեսրոպ Մաշտոց» համալսարանի պրոռեկտորը[2]։
Մատենագիտություն[խմբագրել | խմբագրել կոդը]
Բանաստեղծական ժողովածուներ[խմբագրել | խմբագրել կոդը]
- Խոտի աղերսանք, Ե., Վաչագան Բարեպաշտ, 2005, 31 էջ։
- Թիթեռախաղ, Ե., Վաչագան Բարեպաշտ, 2007, 64 էջ։
- Հայացքի մերկություն, Ստեփանակերտ, Դիզակ պլյուս, 2010, 127 էջ։
- Գրիչս երազ է տեսնում, Ստեփանակերտ, «Վաչագան Բարեպաշտ» հրտ․, 2014, 240 էջ[3]։
- Պատերազմից հետո, Ե., ՎՄՎ-Պրինտ, 2021, 128 էջ[4]։
- Տունդարձի ճանապարհին (2022)[5]
Մենագրություն[խմբագրել | խմբագրել կոդը]
- Մաքսիմ Հովհաննիսյան. գրող և հրապարակախոս, «Սոնա» հրատարակչություն, Ստեփանակերտ, 2017, 224 էջ[6]։